Deuteronomy 32:20 - Ohiatonhseratokénti

²⁰ ‘Kwáh ó꞉nen iáh nonhwénton tahonshakheié꞉nawaʼse; éhtho ki enkatkátho tsi nenhothihiatá꞉wen, thí꞉ken rotinonhtsistaʼní꞉rons, iáh tehothiriwató꞉ken onhkweshón꞉as.

Deuteronomy 32:20 ပူးပေါင်းရင်းမြစ်များ

2 Kings 17:18

Ne Roiá꞉ner sakonákwahse ne Israerʼró꞉nons tánon éhren wasakoiatenháwite ne rahohénton, ne khók iateshonataténhron ne Judah.

2 Kings 17:20

Né Roiá꞉ner waʼshakokénron ratikwéʼkons Nisraeʼró꞉nons, sakorewathonhátie tánon thóh niesakohiaténhas tsi rónhnes ne ratiniakátste tehontátʼtions kwáh tsi nióre éhren waʼsakohiatenháwite ne rahohénton.

2 Kings 17:23

kwáh tsi nióre ne Roiá꞉ner éhren washakoiatenháwite ne rahohénton, kwáh kíʼ tsi nihorarátston rahonháke ne rahonkwéʼta rotó꞉kense tsi kwáh thóh nenháiere. Ká꞉ti nonkweʼshón꞉ʼas Nisraeʼró꞉nonke Assyria nón꞉we iahonwananahkerákwahte, tánon shé꞉kon thóh nón꞉we thatinákere.

2 Chronicles 20:20

Ohronkétsʼtsi nó꞉ia sahiórenhne nonhkweʼshón꞉as kaʼrahkonkówa niahónhne ákta ne Tekoa. Tsi niahonenonhátie, né Jehoshaphat kén kí nikawenhnó꞉tens tsi washakothárahse: “Tsiónkwe ne Judahró꞉nons ó꞉ni Jerusalemró꞉nons! Thóh nón꞉we nonhtasewé꞉tat rahonháke ne Roiá꞉ner Sewaní꞉io í꞉ken, tánon ki ensewahiataníronke enkénhake. Tasehwétat tsi nahoténsons ne rahonkweʼtashón꞉as ietsiró꞉ri, tánon kíʼ ensehwaterihwathénhtiaʼse.”

Job Tánon ne Raoronhiakensera 13:24

Onh nihiotié꞉ren tsi satasehtonhatiéses, tánon é꞉tho nithesét꞉the tsi shí꞉ken ní꞉ioht nakonshón꞉sheke?

Job Tánon ne Raoronhiakensera 34:29

Nó꞉nen sák tishotatón꞉ni, ónhka aiekwé꞉ni naieriwaká꞉tate? Nó꞉nen rotkonshasé꞉ton, ónhka aiekwé꞉ni nahonwá꞉ken? Tó꞉ka ken ken tiokwakwé꞉kon akénhake khéhs tionkweʼtátions khók?—

Isaiah 30:9

Asèken kén né ne ratiʼristanónhwe onkweʼhó꞉kon, iáh tehotí꞉ien nawetakwénhtshera ratiksaʼokónha, né꞉ne ratiksaʼokónha ronón꞉ha kwáh iáh tahonatʼthóntene ne raorihonnienhnítshera ne Roiá꞉ner;

Isaiah 64:7

Kwáh káti iáh ónka tseienátons ne shasénhna, khés nahionteniénten naieshatiénawasʼte; asèken ní꞉se thakwatʼkonshasehténhni, tánon thóh waskwát꞉kaʼwe notshanàkes nonkwahrihwaneraháktshera.

Isaiah 7:9

Naʼonón꞉tsi ne Ephraim né꞉ne Samaria, tánon nohénton iehónhnete ne Samaria né꞉ne raonekenteronhtsherashónhas Remaliah. Tó꞉ka iáh tahisarihwaníronhke tsi niʼtisetákwen, kwáh kí iáh tástahke.

Jeremiah 18:17

Raothihénton ne ronwahtísons tenkhehiaréniaʼthe nakonhwehtahshón꞉a, tsi ní꞉ioht nehiokenróh꞉te ne tsitkarahkwínekens nòkwahti nitsiowehrénha. Kwáh enkhehiatsʼwaténien; Kwáh iáh thaʼkhehiatahkéna nónen ne karihwahiesáhtshera énwahwe.”

Jeremiah 5:31

tsi rontáhtis ne rotitó꞉kense nék khók nohnhówenhs; ne rothikháres enhatísehre tsi nenhthontáti ne rothitó꞉kense, tánon nahkonhkwetaʼshón꞉a iáh thahóten tehathirihwáhiaks. Ók káti nenhatí꞉iere nónenh ienhónnewe tsi iehiótokte?”

Hosea 9:12

Ské꞉kon tó꞉ka nahonwanehiá꞉ron ne ratitsaokónha, kwáh kí enkhehiathónhten tsi nió꞉re iáh ónhka tsatahonsahonathaténhronke. Kwáh í꞉ken tsi rotithentáhsere nó꞉nen enkhehiatsatonhtákwahse!

Matthew 17:17

Ȣahenron ne Iesos tsi tontahoȣennaȣeron: Ise ne seȣatennoȣentastskon oni seȣanikonraksen? tohnekenh nenȣe enteȣakȣekonhatieseke? oni ok tenȣakeron iaȣeronhatie? kenh kinioh nontatsiatenhaf.

St. Mark 9:19

Tontahenron ne Iesos: Kanoron ki oni tsini seȣatennoȣentastskon: toh nekenhakȣa nenȣe enteȣakȣekonhatie? ok oni tenȣakeron iaȣeronhatie? kenh nontatsiatenhaf.

Luke 18:8

Ȣakȣarori, iah tehoniskohe tsi tentesakonnhe. Kenh oni kaien, nonen tentre nʼOnkȣe Roienha iseȣere ken enhatsenri ne teȣetakon tsi ionȣentsiate?

Deuteronomy 31:29

Wakaterien꞉tare nó꞉nen enwakihé꞉ionhke nonhkweshón꞉as kwáh enhatiriwanérake tánon enhatiriwáhson tsi nahoʼténhsons kherihonhnién꞉ni. Tánon ienkáhewe ne enhatihié꞉na ne kariwaieshá꞉tsheras, tiorì꞉wa tsi wahonwanaʼkón꞉ni ne Roiá꞉ner tsi ne kenh niahatí꞉iere tsi nahó꞉ten ne roriwáston.”

Deuteronomy 32:5

Ók ní꞉se iáh tesewariwató꞉ken, iáh shatekéna théken ne raónha rahonkweʼtashón꞉a akénhake, sewariwanerahákson tánon sewanekonhrátha tsónhkwes.

Deuteronomy 9:23

Tánon nó꞉nen ne Roiá꞉ner thatsisewaiaʼtínekenhwe ne Kadesh Barnea tsi watsisewahró꞉ri thóh niahí꞉sewe niahisewatiaʼtakweʼní꞉ioste ne tiohontsá꞉ien ne tsi sewawì꞉re, iáh tetsisewawenhnaráhkwen; iáh tetetsisewethákwen iáh ó꞉ni tetsisewawenhnaráhkwen.

2 Thessalonians 3:2

Sewahterénnaien ó꞉ni ne Rawenni꞉io nashonkwaniákenthe tsi nókwa ne kariwáhneren ó꞉ni ne ionkwetakʼsensʼokónhas; asèhken iáh onkwetaʼkwékon tetiakawetákwah nateriwahnotátshera.

Hebrews 11:6

Kwáh iáh ónhka taiekwéni nahontahonwahnikonrahiérithe ne Rawenni꞉io tokà꞉iah tekáien ne tewetákwenh, asèken ónhka Rawenní꞉ioʼke nienhén꞉ien ónenk tsi enhiakoiéntake ne tewehtákwenh ne Rawenni꞉io tsi rónnhe ó꞉ni teshakorihwahserahkwénhnis nónka ronhiaiathí꞉shaks.

Joshua 23:10

Kwáh tsikʼónhka ne tsi nítson ensewakwé꞉ni ne énska tewenhniaweheʼtseráhsen niháti nahonhté꞉ko, tiorì꞉wa ne Roiá꞉ner Sewaní꞉io raónha tsi sewaterí꞉iose, kwáh ki tsi nihorahrátston.