Deuteronomy 32:2 - Ohiatonhseratokénti

² Nakerihonhnienhní꞉tshera thóh ní꞉ioht tsi entewasénhne tsi ní꞉ioht ne iostharathénions nenhiokén꞉nore tánon thóh nenhiá꞉wenhne nonhontsà꞉ke tsi ní꞉ioht ne iohawé꞉ien. Nakewenhnahó꞉kons entewasénhne tsi ní꞉ioht ne iotsatharátses nenhionatstaraté꞉ni ne ohonwá꞉rahses, tsi ní꞉ioht ne skenénha tsi ní꞉ioht tsi iokenhnó꞉ron ne ohonthásehke.

Deuteronomy 32:2 ပူးပေါင်းရင်းမြစ်များ

2 Samuel 23:4

thóh ní꞉iot kwáh ne ne tsi nateioswát꞉te noronkéne, kwáh tsi ní꞉iot tsi tahiohrakwinekenhenhá꞉tsie kwáh iáh othènon teiotsatarónhnion norónhneke, tsi natehiokaráhiat nó꞉nenh iokennorenhserentá꞉hon éʼneken tsi kahentáien.

Psalms 65:10

Í꞉se tesahteniétha ne iawetowáʼnen nokenhnorésehra tsi nón꞉we nikatarakaratʼthósehron ne kahentákes, satewatnekátate tsi natehioronhnionhniánion tsi nikentarakarát꞉thon ne kahentákes, tasahthéniete nokenhnorésehras ne nakanétskate nononhónras, í꞉se waʼshatatériste nokénra tsi waʼsón꞉ni ne kaientʼthótsera nahontakánio tánon ahontehiáron.

Psalms 72:6

Waʼkaterénhnaien thóh nahahiatoténhake tsi ní꞉ioht ne iohkenhnó꞉ron tsi nón꞉we nikaientʼthóhseron, tsi ní꞉ioht tsi iohtsatará꞉ties tsi iokenhnó꞉res nonhwenhtsáke.

Proverbs 4:2

Tsi nahò꞉ten kwarihonnién꞉ni ioiánere, sewehià꞉rak ká꞉ti akwé꞉kon.

Hosea 14:5

Kwáh thóh nenhtiatothénhake kwáh né꞉ne iohawé꞉ien ahonhà꞉ke ne Israel; kwáh thenhatsitsanékare tsi ní꞉ioht ne katsitsará꞉kens, kwáh enhioteréshonkes tsi ní꞉ioht tsi ioronhtó꞉tons ne Lebanon nón꞉we.

Hosea 6:4

Onʼnakoniérase ní꞉se, O Ephraim? Onʼnakoniérase ní꞉se Judah? Ne senineronhkwáhtsera thóh ní꞉ioht kwáh né꞉ne iotsatarónhnion, kwáh tsi ní꞉ioht ne iohawé꞉ien iostó꞉re teskahaweiáhkwa.

Amos 7:16

Káti ó꞉nen satahónsahtat ne raowenhnaó꞉kons ne Roiá꞉ner. Sáton, ‘Tó꞉sa iaserihwákens nʼIsraerʼró꞉nons, tánon tó꞉sa sehiaterihwanót꞉tas nonkweshón꞉as Nisraeró꞉nonke.’

Micah 5:6

Kwáh ne enhontkóraste ne tsi ionhontsá꞉ien ne Assyria ashareʼkó꞉wa enhónste, tánon ne tsi iohontsá꞉ien ne Nimrod kwáh kíʼ enhonsarenhá꞉wake; rohnónha entionhkhiniá꞉kenhte tsi nokwáh ne Assyriaró꞉nons nó꞉nen otionhontsá꞉ke nenhtónhne tánon nó꞉nen niahatirá꞉tane tsi ionkwateristhatátie.

Micah 5:7

Ethò꞉ne ne niatehonathaténhron ne Jacob, kwáh kí raotinenrí꞉hen enhenteróntake, kwáh thóh nenhatiiatothénhake tsi ní꞉ioht ne iohawé꞉ien né꞉ne Roiá꞉ner tesakoteniethénhni, tsi ní꞉ioht ne iotsatará꞉ties nohontá꞉kes, ne ne iáh tehoterá꞉rats ne rónkwe iáh ó꞉ni tehiakoteráhrats nonkweshón꞉as.

Zechariah 10:1

Tsi seh wariwahnónhtons ne Roiá꞉ner nahiokén꞉nore ne kokwitè꞉ne. Roiá꞉ner seh thateniéhtha tsi nikanekarión꞉nion notsiátas ó꞉ni tsi iohtsatharáhties, ne nakwé꞉kon ahiakohianeráhsten ne kaienʼthó꞉tsheras.

Hebrews 6:7

Rawenni꞉io rahiatatherístha nokénra tsi kanehkíra nokennoréshera tánon tsi tkánios ne kaienthótsheras tsi niʼieniahéshas tsi niʼhiákon né iáh kothonhontiasherónni.