Deuteronomy 32:17 - Ohiatonhseratokénti

¹⁷ Ne wakonhwanateskónthase ne nihiohokón꞉as ne iáh othé꞉nen tekonhnónhne, oniiosehráses ne shakotisoʼthonkonhkén꞉en iáh nonhwénton tethatiienté꞉rihne, né꞉ne nihiohokón꞉as ne Israerʼró꞉nons iáh nonhwénton tekonhwatiwenhnarákwen.

Deuteronomy 32:17 ပူးပေါင်းရင်းမြစ်များ

Exodus 32:8

Ónenk ahéren ronéthon tsi ní꞉ioht tsi kheró꞉ri nahaʼtísehre, owistanó꞉ron wahatiwisthanáhwenhte tánon né wahonwahiaʼtónhniate ne tionónhskwaron rátsinn owíra tánon wahonwasénhnaien ó꞉ni tahóntkawe nètho ahonteskónhthe. Ronhton né kí꞉ken nonhkwaní꞉io, tsi nikáien ne tethesakohiatinekénʼen ne Egypt.

Isaiah 44:8

Tó꞉sa sewáteron, khés nahiʼsewatʼtsániʼke; iáh ken tekwahrorihánions tsi nahó꞉tens noriwakáions tánon tewakerihwakwát꞉ton? Í꞉se nakerihwanirát꞉tshera í꞉ken! Ónhka kén ne thiʼkaniʼioseràte ahatàke ne tiaták꞉ta? Iáh kén nó꞉ia tekensténhraien; kwáh iáh nénska tewakateriéntaʼre.

Jeremiah 10:15

Iáh othènen tehioríhonte kwáh tehiothonwenhtsióhon nakonhwatikénron; kwáh enkonhwanátonʼte nónen ne Roiá꞉ner éntre ne ken kennienʼshakóhiere.

Jeremiah 19:4

Né kíʼ thóh nénhtiereh tioríhwa nonhkweshón꞉a tsi iontiatanikonhrénʼen, tánon wahthontenahtátionsʼte ne tsi wahontsaʼáhthe ne wenhnekeráhkon tsi ahonwahnahtsienkwaronniáten ne thikaniʼiosehrátes né꞉ne rohnónha ó꞉ni ne shaʼkotisotʼthonkonkénʼen ó꞉ni ne rotinonhtí꞉ios ne Judah iáh othènen tehathiriwahientérisʼkwe; tánon ó꞉ni né iorihónni ne wahatínahʼne kí꞉ken wahtenáhthaien ne iáh othènen tehiakoníkonh akonekwénhsa,

Jeremiah 44:3

tsioríhwah nahonkwetahshón꞉a kariwáksen tsi nihonahtiérenh tánon wahonkenhakónhni. Wakonhwahtíʼtatʼtse ne kaienhkwaráhkon ne ó꞉ia niʼiohokónha tánon wahkonhwatisénhnaien ne ne ronhnónha tánon níse tánon ne ietʼtsisotthonkonhkénʼen iáh nonhwénhton tehʼietʼtsisénhnahien.

Leviticus 17:7

Nonhkweshón꞉as Nisraerʼró꞉nonhke iáh ónenh tetsówenhk ne iáh tahotirihwatokénhake rahonháke ne Roiá꞉ner ne tsi akonhwatinonhwariákon ne rahotitsenenhókons ne kahentákes tsi ahonwateskónhtʼthaʼse ne kaiatákeras ótkon teskaierontare. Nonhkweshón꞉as Nisraerʼró꞉nonke ónenk tsi enhontewehiénton kí꞉ken kaianerénhseras né꞉ne tsi nénhwe.

Amos 5:25

“Tesetkhawithén꞉ni ken ne karihwiiosehokón꞉as tánon nahontesaiéston ne kaié꞉ri nihioseráhsen nikarihwéskwe ne iahonwenhtsathénhake shiséweskwe, Otiónkwe Nisraerónons?

1 Corinthians 8:4

Ne káti, ne í꞉ieks ne kákhwa ne kahiatónni konwahtitátʼtie; ionkwahteriéntare ne kahiatónni né kéntons né knahótenk ne kwáh oriwí꞉io iáh tehiónnhe; ionkwahteriéntare tsi saiátak khók ne kwáh oriwiʼioʼónwe Rawenni꞉io.

Deuteronomy 13:8

Ók tó꞉sa ieʼtsirí꞉hon ónhka tsi nihá꞉ti naiesaʼnikonhrá꞉reke; tó꞉sa ó꞉ni shé꞉kon nek kók naieʼtsihiatahónsatate. Kwáh tó꞉sa othé꞉nen ietsinaʼtónhas nataniténron tó꞉ka ó꞉ni ne taieʼtsihiaró꞉ton, tó꞉sa othé꞉nen taieʼtshí꞉ne.

Deuteronomy 28:64

“Ne Roiá꞉ner kwáh tenhtsisewaréniate tsi ienakerénion nonhkweshón꞉as, ne tsi iehiotonhontioktaníhons, tánon tho nón꞉we nenieʼtsiió꞉tenhse ne nihiohokón꞉as né꞉ne oiénte tánon onénhia ionhniátons, né꞉ne nihiohokón꞉as ní꞉se tánon ne ietsisoʼthonkonhkén꞉en iáh nonhwénton tethiʼtsishén꞉naien.

Deuteronomy 32:21

Né꞉ne rahothihiatonhniʼshón꞉as wahonkenakón꞉ni, atekhefá꞉tshera né꞉ne akénhake konhwatinaʼtónhkwa ní꞉ios, nihiohó꞉kons né꞉ne iáh tokenskethé꞉ken tsi niiohokón꞉as í꞉ken. Káti tsi ronwatinhathónkwa onhkweshón꞉as enkhehiáste nakhenakón꞉ni; kwáh tonathonnókthe nonhkweshón꞉as enkhehiáste ne enhkonhniáthe nahshakonatekhéfʼfase.

1 Timothy 4:1

Ne Ronikonratokénti kwáh teioswátʼthe ráton ótiakes nonkwesónha enhiontewéntehʼte ne tewetákwen ne kén enhiotséthe; neh enhonwathiwénnaraʼkwe ne rohthinówens ótkons ó꞉ni enhathísere ne rahothirihonniennítsheras ne rathinesonrónons.

Revelation 9:20

Ne ken iotsétons nonkwehó꞉kons, iáh nenhné꞉e ne teiakononhwarià꞉khon kí꞉kens kariwaiesátsheras, iáh teshonatatrewáton naoioʼténhseras ne ratitsá꞉nakes khéks nahonatsakwahrí꞉shion tsi konwasenhnaiénskwe ranikonra꞉sen ó꞉ni kaiatonhnishón꞉as ó꞉ni owistanó꞉rons tánon kawistará꞉kens ó꞉ni nowásas ó꞉ni nonénhias ó꞉ni noién꞉te, né꞉ne iáh tekontí꞉kens iáh ó꞉ni teionathón꞉te khéks takontekhá꞉hakwe.

Judges 5:8

Ethòne onhteriʼiosehraiénthaʼne tsi ionhontsáien né nó꞉nen Israerʼró꞉nons sonhsahonhthaterákwaʼse ase niʼiohokónhas. Né kaiéri niwenhniawehetserásen niháti ronónhkwe Nisraerró꞉nonhke, ónhka onhtèken ahiakokʼkhetaton ne tehioniatástha khés ne asíkwahra?