Deuteronomy 31:9 - Ohiatonhseratokénti

⁹ Káti ne Mahís wahahiatón꞉nion ne Rawenni꞉io raoianerénhseras tánon né꞉ne Levitical rotikhá꞉res thashaká꞉wen, ne tsi ronónha ratiʼnikónhrare ne nonerówa Roiá꞉ner raoteriwaʼseronhniá꞉tshera í꞉wa, ó꞉ni ne shakotihéntenhses ne Isaerʼró꞉nonke.

Deuteronomy 31:9 ပူးပေါင်းရင်းမြစ်များ

1 Kings 8:3

Nó꞉nen ratikwékon ne sakotihéntenhse shiʼhonatsataró꞉ron, ne ratitsihénstatsis watatinerókwahkwe naʼterihwasehronhniátshera thóh í꞉wa

2 Kings 17:37

Kwáh kíʼ tiókonte tsi ensewatewénhnarakwe ne kaianerénhseras tánon ne karihwatátʼtseras né kwahʼhiatónhni. Kwáh kíʼ iáh tehiówenk naietʼtsiwénhnarakwe nó꞉ia niʼiohokónhas,

1 Chronicles 15:2

Ethó꞉ne waʼhénron, “Teiotonhontsóʼon ne Leviró꞉nons khók kí꞉ken ahatiʼnorokwénhaʼwe, tsioríhwa tsi Rawenni꞉io ronónha sakoiataʼráhkwen nahatinorokwénhaʼwe tánon né꞉ne tsi nénhwe enhonwaiótenhse.”

Nehemiah 8:2

Káti, ne shontonhtenhniseratié꞉rente ne tsá꞉ta khaton shiwenhnitárakwe, ne Ezra, ne ratsihénstatsi í꞉ken, taháhawe ne kaianerénhsera akohénton ne iakokʼkenhní꞉son, tetsá꞉ron né꞉ne ronhnón꞉kwe tánon ne konhnónkwe, tánon tsi nihá꞉kon nenhiekwé꞉ni naiakonikonraién꞉tane; tánon nonkwehokón꞉s wahontahonsáthate kwáh tahionteweién꞉ton ne kaiatonserakwenón꞉ni ne kaianerénhsera.

Nehemiah 8:3

Tánon thóh nón꞉we wahawenhnanó꞉ten ohénton ne kanahthakweʼní꞉ioke nétho né꞉ne ohénton nohnékanos tsi iotenhenraká꞉ronhte, ne noronhkè꞉ne kwáh tsi niió꞉re nénhtie niká꞉re, raotihénton ne ronhnón꞉kwe tánon ne konhnón꞉kwe, tánon tsi niiá꞉kon nenhiekwé꞉ni nahiakoʼnikonraiéntahne; tánon nonkwehokóns wahontahonsáthate kwáh tahionteweién꞉ton tsi nikahorotahkwenón꞉ni ne kaianerénhsera.

Exodus 24:4

Ne Mahís oriwakwékon wahaʼhiáton tsi nahoténson ne Roiá꞉ner wahénron. Oronhkéstsi nʼóhia sahiórenhne waʼrónhni ne ientsienharáhkwa tsi ionhnonhtoʼtáhon tánon tekeniʼiawénhre nikanénhiake wahanenhiotónhnion, né꞉ne skentaráʼtsions rahotiriwáke ne lsraerʼokónhke.

Daniel 9:13

Tsi táhstion akwé꞉kon ne kahrewahtáhtshera tsi ní꞉ioht tsi kahiá꞉ton ne Mahís raohianerenhserá꞉kon. Shekiʼnón꞉ne, O Saiá꞉ner onkwá꞉wen Ní꞉io, iáh teionkwateniénten naontakwaʼnikonhraié꞉rite né ne taonsaionkwatkarhaténion tsi nokwá nonkwarihwanerenʼáktshera tó꞉ka ó꞉ni ne aionkwáhseron ne sawennatokénhti.

Hosea 4:6

Nakonkweʼtashón꞉as wahonwanátonte ne tsi iáh tsiatekaié꞉ri tsi nihonaterienʼtá꞉rakwe; ne aorì꞉wa ne tsi wesewakénron ne attokhátsera, wakonkénron kí ò꞉ni ní꞉se tsi iáh attsihénstatsi thasá꞉ton. Tiorì꞉wa tsi saʼnikonrénhen ne raoianerénhseras ne Rawenni꞉io, kwáh kí ó꞉ni ní꞉i enkheiatanikónhren ne seioʼokónha.

Malachi 2:7

Aseʼkénh tsi ratihshaká꞉ronte ne ratitsihènhstatsiʼs aó꞉wenk naionteweièn꞉tonke nattokháhtshera, tánon nonkwehshón꞉ʼahs aó꞉wenk naiakéhsake ne karihonnienníhtshera ne tsi rahshaká꞉ronte, aseʼkénh ráonha rorihwakarenién꞉nis ne Sakoiá꞉ner ne ronterí꞉ios ratironhiaʼkehró꞉nonʼs.

Malachi 4:4

Sewehiá꞉rak ne raorihonnienníhtshera nakehnhá꞉tshera Mahís, ne kaianerènhseraʼs ó꞉ni ne karihwatáhtsheraʼs tsi nithiiá꞉wi ne Horeb nón꞉we ne nonkweʼtakwé꞉kon NʼIsraelró꞉nonʼs raotirihwá꞉ke.

Numbers 33:2

Tsi nihorihwatáhton ne Roiá꞉ner, ne Mahís wahahiatónhnion tsi nihotisenhnoténhsons ne kanataiéntons nó꞉nen ienkáhewe nahonhná꞉taien.

Numbers 4:15

Nó꞉nen ienkáhewe ne tahonshonhnatáhkwenhke, né rahotiʼtiókwa ne Kohath ne entʼthónhne niaʼhiatíhawe ne iotokéntis íkens thóh ne khók kíʼ tsít enhontíhsonhke ne Aaron tánon ne shaʼkohiohʼokónhas tsi ratiʼróroksʼkwe tsi niwatsʼthasónhas. Ne Kohath rahononhkweʼtashón꞉ʼas iáh tehiówenk né thènen iahatiʼiéna ne iotokéntis íkens, thóh kaʼthonenhatí꞉iere enhonhníheie kíʼ. Thóh kíʼ nihotiʼhiotenhseró꞉tens ne Kohath rahotiʼtiókwas nó꞉nen natóhsehra tahonshaʼkonhwanathákwahte.

Numbers 4:5

Ne Roiá꞉ner tahá꞉wen ne Mahís ne tehioterihwaʼsonhterónhnion karihonhnienhnítsheras. Nó꞉nen ienkáhewe ne tahonsehsewanáhʼtahkwe, ne Aaron tánon ne sakohiohkónhas ónenk tsi atohsehrákon ienhontáwehiate, enhatiʼniataraniʼiontàko nohénton ioharénhton Naterihwaseʼronhniátshera Oneró꞉kwah, tánon né enhatiʼróhrokste Nʼoneróhkwah.

Numbers 4:6

Ónenk tsi né꞉ne kwáh kenhní꞉io èhneken enthonáti né enwaterórokste, tánon èhneken thenthonáti ne kwáh tetsiosohʼkwáhkaras norón꞉hia niwasohkóten oniataʼrá꞉a, tánon ethòne enhonʼnhorókʼkhons ne kanakaresónhas ne tsi ioshióntons né skaʼtísons nokwáhti né nahonʼtsiónhthakwe nonerókwa.

St. Mark 12:19

Saianer: Moïs sonkȣaianerenseraȣi, raton: Onka kiok enhrenheie areko tehoȣatsiraien, neneh teiatennontere enshotiniake ne ronekenha nahotȣatsironnien ne rotsiha.

Luke 20:28

Ȣahonniron; Seȣenniio! Moïs raȣen tsi sonkȣaianerenseraȣi, onkakiok enhrenheie roniakon nok iah tehoȣiraientaon, neh ne teiatennontere shotiniak ne iotereons, aotȣatsironnien ne rotsikenha.

John 1:17

Aseken ne kaianerensera Moïs roson; nok kenhkaien natanitenron oni ne kariȣakȣarisionsera, Iesos Keristos nehneh rahaȣine.

John 1:45

Nok ne Philip Nathanael ionsahokon nok ȣahenron: Onen nii sakȣaken neh rotonhon tsi roiaton ne Moïs, oni ne Rotitokensehakȣe ronȣatroriaton: nehne Iesos Nazaretronon Sose Roienha,

John 5:46

Aseken natsiseȣaȣennarakȣake ne Moïs, askȣa ȣennarakȣake ki oni nii: aseken ii akatennikonra tsini hoiaton.

Deuteronomy 10:8

Ne tsi tionónhte ne Roiá꞉ner washakohiaʼtarakwenhá꞉ton ne ronhnónkwe né꞉ne tsi ratiʼtá꞉raien ne Levi nahontenhnikónhraren nateriwaʼseronhniá꞉tshera oʼneró꞉kwa, né꞉ne tsi ahonwahiò꞉tenhse tsi rotikhá꞉res í꞉ken, tánon nahatirihowanáhthake ne kaiataterí꞉tsheras rahosénhnakon. Tánon shé꞉kon nón꞉wa thóh nihotihioʼtenhseró꞉ten.

Deuteronomy 17:18

Nó꞉nen enhatenonhtí꞉ioste, ó꞉nenk tsi enhohiatonhseraiéntake tsi nikahiatón꞉nion ne Rawenni꞉io raohianerénhseras ó꞉ni ne raorihonhnienhní꞉tsheras né꞉ne kwáh kahiathakwení꞉io tsi nitkáson tánon né꞉ne Levites rotikhá꞉res ronateweiénton.

Deuteronomy 31:28

Ietsihiaʼtaró꞉rok ratikwé꞉kon ne tsi sewatharaiéntons shakotihéntenhse ó꞉ni ne rathiriwakweʼní꞉ios natkénton, ne káti nahónton akheró꞉ri kí꞉ken oriwaʼshón꞉as; Ienkhená꞉ton ne tsi karonhiá꞉te ó꞉ni ne tsi ionhontsá꞉te nahionkeriwaníratʼtse tsi nokwáh ne ronónha.

Deuteronomy 33:10

Enhonwatirihón꞉nien ne shonkweʼtashón꞉as nahontewénhnaraʼkwe ne saianerénhsera; Enhonteskónthake ne tsi tienharáhkwa.

Joshua 3:3

tánon washakotiró꞉ri nonhkweshón꞉as, “Ne nó꞉nen entsisewá꞉ken ne rokhá꞉res ranorokwenhá꞉wi ne Ateriwaʼseronhniá꞉tshera né꞉ne Roiá꞉ner Sewaní꞉io Rahoneró꞉kwa, shasewatoʼserotakwenhá꞉ton tánon tsi sewáser.

Joshua 6:12

Ne Joshua tsi sahiórenhne oronhketstsi wahatketsko, tánon né꞉ne tekeníhaton ionhshonteratsthe ne ró꞉thikares ó꞉ni ne ronhterí꞉ios thonsahonhnathatase ne kanató꞉wanenhke kwáh ki tsi nihó꞉thiieren ne tenhtherene: ne ohénton ró꞉natohesthakwen, né꞉ne skanenhra nohenton ronhne rathinikonhrare; noia né꞉ne ró꞉thikhares ró꞉thihonrawaton ne tsáta níkon kahonrawatskowa; ethòne, ónenh né꞉ne ró꞉thikhares ne ratihawi ne Roiá꞉ner Raonerokwa Nateriwaseronhniatshera et iwa; tánon nó꞉nakenkha, né nonahken tahó꞉thinenhrine. Kwáh ki thó꞉nahe tsi kawenhnó꞉the ne kahonrawatskowa.