Deuteronomy 31:7 - Ohiatonhseratokénti

⁷ Ethò꞉ne ne Mahís iahonónhke ne Joshua tánon wahoró꞉ri rahotihénton nonhkweshón꞉a ne Isaerʼró꞉nonke, “Iasenikonhrakónhtat tánon saʼnikonhranirónhak; í꞉se kók enhshehéntenhse kí꞉ken onhkweshón꞉a niahontié꞉nawatste ne tiohontsá꞉ien né꞉tho Roiá꞉ner shakorahratstén꞉ni ne shakotisoʼthonkonhkén꞉en.

Deuteronomy 31:7 ပူးပေါင်းရင်းမြစ်များ

Deuteronomy 3:28

Tserihónten ne Joshua. Seshatsʼtén꞉seron ne rahohiatoreʼtátshera, asè꞉ken enshakohéntenhse nonhkweshón꞉ʼa niatahatihiá꞉iake niahontié꞉nawatste nonhóntsa ne satkáthos.’

Deuteronomy 31:6

Kwáh iasewanikonhrakónhtat tánon sewaʼnikonhranirón꞉hak. Tó꞉sa ietshitshà꞉nisek. Ne sewaNí꞉io, ne Roiá꞉ner rahonhatsí꞉wa, ensewakwekónhake. Iáh thatsisewaʼnikonráhthe iáh ó꞉ni thatsisewatiaʼthonthakwáse.”

Deuteronomy 1:38

Ók tieshatsténseron tsi tehahiaʼtorétha ne iaienahwà꞉se, Joshua né꞉ne roiénha ne Nun. Ne enshakohéntenhse Israerʼró꞉nons tsi enhatiʼié꞉na nonhóntsa.’

Ephesians 6:10

Iakáhewe, sewatesatsʼtenserónni tsi tesewateriwasóntere ne Roiá꞉ner tánon tsi nikéntons tsi nihosastenserowánen.

Joshua 1:6

Thashaʼnikonhrakontaʼkwénhak tánon shaʼnikonhranirónhak, asè꞉ken í꞉se enshehéntenhse kí꞉ken onhkweshón꞉as tsi ienhontiaʼtakwehní꞉ioste kí꞉ken ohóntsa ne kehiararatstén꞉ni ne shakotisoʼthonkonhkén꞉en.

Daniel 10:19

Wahén꞉ron, “Ianorónhkhwa ne Rawenni꞉io, tóhsa kátiʼ thé꞉nen tesatateʼnikonrhá꞉ren tóka ni ó꞉ni aesahterónhkwen.” Ne né shahén꞉ron, ó꞉nen sénha sakeʼshátstenʼne ók waʼkí꞉ron, “Sénhshie, takró꞉ri tsi nahò꞉ten íhsehre ahsí꞉ron. Kwáh í꞉ken tsi sahskonnhaserón꞉ni.”

Deuteronomy 31:23

Ethò꞉ne ne Roiá꞉ner wahotháhraʼse ne Joshua ne roiénha ne Nun tánon wahohró꞉ri, “Shaʼnikonhranirónhak tánon thashaʼnikonhrakontaʼkwénhak. Enhshehéntenhse nonhkweshón꞉a ne Israerʼró꞉nonhke niasehiaʼténhawe ne tsi tsohontsá꞉ien né꞉tho khehiararatstén꞉ni, tánon entenikwekónhake.”

Deuteronomy 31:3

Ne Roiá꞉ner sewaNí꞉io rahonhatsí꞉wa sewahénton nienhénre tánon enshakothón꞉te nonhkweshón꞉as ne nón꞉we niʼienákere, ne káti nahónton nahisewatiaʼtakwehní꞉ioste ne rahononhóntsas; tánon Joshua nenhtsisewahéntenhse, tsi nihá꞉wen ne Roiá꞉ner.

John 1:17

Aseken ne kaianerensera Moïs roson; nok kenhkaien natanitenron oni ne kariȣakȣarisionsera, Iesos Keristos nehneh rahaȣine.

Numbers 27:19

Tsró꞉ri rahohénton ne Eleazar ne ratsihénstatsi tehá꞉tann tánon ne onhkwetaʼkwékon, tánon thóh akohénton satró꞉ri tsi rahónʼa thonsahianakthákwen.

Deuteronomy 11:8

“Sewatewénhnarak orihwakwé꞉kon tsi nahoʼténhsons wakwahró꞉ri nón꞉wa wenhniserá꞉te. Ethò꞉ne ensewakwé꞉ni ne tahisewaniaʼtarihiáke tánon niahisewatié꞉nawatste nonhóntsa ne ó꞉nen thóhwa iahitionhontsárahne.

Joshua 1:5

Joshua, iáh ónhka thaiekwé꞉ni naieshashén꞉ni kwáh tsi nikarì꞉wes ensónhnheke. Kwáh Í꞉i enteʼnikwekónhake tsi ki nihiothónhne ne Mahís. Kwáh tió꞉konte tsi enteʼnikonhkwéhake; Kwáh iáh nonhwénton takonhiatewenhthè꞉te.

1 Kings 2:2

“Ónen ónhwe ne kawistáheks nakíheie. Sanikonhranirónhak tánon tashanikonhrakonhthaʼkwénhak,

Numbers 13:20

Sewát꞉kens nonhóntsia tohkàhken ionhontsí꞉io tánon tó꞉ka kèn nonhóntsa tehioterá꞉ton. Tánon iorihwiʼióhak tsi thontasewaiénhaf né thohnónhwe tewatahiónhnis.” (Ónen ehʼnikahá꞉wi nonénhare tewaʼthasáffa wahiáris.)

Deuteronomy 1:8

Akwé꞉kon ne kí꞉ken nohóntsa ne Í꞉i, ne Watiá꞉ner, wakarahrátston tsi entekhéion ne sewasótsheras, Abraham, Isaac, tánon ne Jacob, tánon tsi nienhontwatsirì꞉ne. Wás tánon iaʼsewaná꞉taien.’”

Deuteronomy 31:21

tánon ki wé꞉so ne tehiotenonhianì꞉tons ne kariwaieshá꞉tsheras enhotí꞉rahne. Ók kí꞉ken karén꞉na shé꞉kon ki tenhkariwá꞉kwen, tánon ne enhiakoriwaní꞉ratse tsi nokwáh ne ronónha. Iekaní꞉hare nón꞉wa, nohénton iakhehiaʼténhawe ne tsi tsohontsá꞉ien né꞉tho kehiararatstén꞉ni nahontatkhé꞉ion, wakhaterièn꞉tare tsi nahó꞉ten ronhnonhtón꞉nions.”

2 Samuel 10:12

Sesháststet, tánon áhnion ionkenihnikonrhatsanitónhak ne raotiriwá꞉ke akénhake nontionkwetaʼshón꞉ahs, tánon ne raotirihwá꞉ke akénhake ne raonatowanenhshón꞉ahs nònkwah Ní꞉io; tánon aiáwenhs ne Roiá꞉ner thóh nahá꞉iere tsi nahó꞉ten akénhake ioiá꞉ner ne raoriwá꞉ke.”

1 Chronicles 22:13

Tó꞉ka ensatewenhnaráhkwe akwé꞉kon ne kaianerénhseras tsi nikáien ne Roiá꞉ner thó꞉wi ne Mahís Nisraeʼró꞉nons raoʼtirihwáke, kwáh kíʼ ensahianerásten. Tashaʼnikonrahkonthakwénhak tánon sanikonhranirón꞉hak, tánon tó꞉sa othènen ahishaterónhkwen.