Deuteronomy 30:2 - Ohiatonhseratokénti

² Tó꞉ka ní꞉se tánon tsi niensewatwatsí꞉rine tenhtsisewatkahraté꞉ni tánon Roiá꞉ner nòkwah nientsísewe tánon kwáh seweriasakwé꞉kon tsi ensewatewénhnaraʼkwe ne rahoriwatà꞉tsheras ne tkwá꞉wis nón꞉wa wenhniserá꞉te,

Deuteronomy 30:2 ပူးပေါင်းရင်းမြစ်များ

1 Chronicles 29:17

Wakateriénhtare tsi onhkweʼtaʼkwé꞉kon tsi seiaterahsát꞉kenhse tánon serientí꞉ios tsi niʼiákon ne iakotonkwetaʼkwahríhshion. Né tkarihwaiéri tánon orihwihiohón꞉we kwáh thóh niwakenikonhró꞉ten tsi akwé꞉kon í꞉se thonʼiáwi kí꞉ken, tánon wakhé꞉ken ne shonkweʼtashón꞉as né kénʼen ronatsataró꞉ron tsi ronatʼtsenhnónhni tsi nonhtahatiʼhá꞉sehron wahesawíhon.

1 Chronicles 29:9

Nonhkweʼshón꞉as kwáh eh nihiakonikonhró꞉ten tsi tahón꞉hion ne Roiá꞉ner, tánon tsi nihiakotʼtsenhnónhni tsi niwé꞉so onhteróhroʼke. Né Ronnontí꞉io Táwit kwáh í꞉ken tsi ishiʼnónhwe tsi nohotsenhnónhni.

2 Chronicles 30:9

Tó꞉ka Roiá꞉ner nòkwahti nienhtsísewe, ethóhʼne kíʼ tsi nihá꞉ti ne sewathátenonhkwes iehonwahtihiaténha nahonwatinó꞉ton kwáh kíʼ enhonwatiténhren tánon enhonwatiríhʼon né tahonhtahónh꞉ne. Né Roiá꞉ner Sewaní꞉io í꞉ken tsi torihwaiéri ó꞉ni rotanitenhrátsʼton, tánon tó꞉ka rahonháke nienhtsísewe, kwáh kí enhtsihtsisewaiéna.”

Nehemiah 1:9

Ók tó꞉ka akonhá꞉ke nathétese tánon ensenónsthate nakatsawenhráhtsheras tánon thóh nenhséren, é꞉thoʼne kíʼ iawerohátien shé꞉kon ne taiesarehniátonke ne tsi iehioteronhiáte, kwáh ki skátne tsi ensekhehiaʼtaró꞉roke, tánon thóh nienkhehiaʼthénhawe ne tsi tewatenataièn ne wakeráhkwen tsi nón꞉we nakaiénhtake natsénhna.’

Psalms 119:2

Iakotaskáts tsi niʼiákon ne iontewénhnaraʼkwe tsi nihorihwawahtáton, tánon tsiakaweriahsakontákwen tsi ronwahiatísaks,

Psalms 119:80

Aiáwenhs kwáh kerhiasakwékon áksere ne saianerénhseras, ne káti ne tó꞉sa akatéhen!

Psalms 41:12

Ók í꞉se waskatiénawasthe tsioríhwa tsi niwaʼkerihwatóken, tánon sahénton waskát꞉kawe né꞉ne tsi nénhwe enkénhake.

Jeremiah 29:13

Enskwahiathishá꞉ke, tánon enskwahiatatʼtsénri tioríhwah tsi sehwahrhiashaʼkwékon thisehwethákwen tsi thakwahiatíshaks.

Jeremiah 3:10

Tánon káti kíʼ norihwahkwékon, Judah, Israel ne iáh tehiorihwahthóken tiathatekénʼa, nék nakénhake í꞉ih nòkwah nahthontha꞉keʼne; iáh tehiorihwahtó꞉ken. Í꞉i, ne Watiá꞉ner, wahkatháti.”

Jeremiah 36:3

Tó꞉ka nónhwah nónen nonhkweshón꞉a ne Judah nónhwe enhónronhke akwékon ne kakahronniátshera tsi niʼwahkatenikonhrónni nahontatkhehawíten, tsi tensontkahrahténi tsi nihatiʼweiennáksens. Ethóhʼne ensheʼkhenikónhrenʼse tsi nihonnonhkwetaʼhétkens tánon tsi nihotiʼrihwáhnerens.”

Jeremiah 4:14

Jerusalem, sehnóhareh ne karihwahétken ne serhiáne, ne nahionthónʼon ahonshasehniákenʼne. Tohʼnikaríwes tiotkonhónwe ne enshaʼnonhthonniónsehke ne karihwaneraháktsheras?

Lamentations 3:32

Thokanónwa kanikonrakséntshera enteshóntion, nók kíʼ ne raononronkwáhtshera kwáh nen:ne ioriwí꞉io ó꞉ni kasáste.

Lamentations 3:40

Áhnion tewakenhénion nonkwaweiénna tánon tetsitewakʼkaraténi Roiá꞉ner nòkwa nietsíʼtewe.

Ezekiel 6:9

Ethòne nónenh ienhonwahnahnakerahkwáhthon tsi ienahkerénions nonhkweshón꞉ʼa ne tsi ionwenhtsáte, kwáh entionkehiárahne. Kwáh enhatiʼiénterehne tsi niwahkenikonhráksens tsi iáh tehonerhiashaʼtóken tánon titkáhere natehénsera ne ratikaráhkes ne tsi nikonhwahnaskáneks nakorénsons kahiathonnisónhas. Ethòne nonàken enhiahónniaʼte kwáh enhontátstion tsewahkwékon ne rahotiriwahnerahháktshera.

Hosea 3:5

Onakénhke ne Israerʼró꞉nons rahonhà꞉ke ne Roiá꞉ner Raotiní꞉io niensónhne tánon enhonwaiatísake, tánon ne Táwit raotinontí꞉io í꞉ken; ethò꞉ne enhothiteronhníhake rahonhà꞉ke ne Roiá꞉ner tánon kwáh enhatiié꞉na ne raoianerétsheras noná꞉ken tewenhniséronhte.

Leviticus 26:40

“Ók kíʼ tsi niensewatʼwatsírihne kwáh nènhne enhatirihwanírathe tsi rotiníkon tsi nòkwah ne rahotirihwanerahák꞉tsheras ó꞉ni thóh í꞉kare ne rahotirihwanerahák꞉tsheras ne sakotisotʼthonkonhkénʼen, ronónha nènhne ne iáh othènen karíhwa tehionhkónhni.

Zechariah 12:10

“Kwáh enkenáhʼne tsi nithotwatsirí꞉nonh ne Táwit ó꞉ni ne ronahtiakhésons ne Jerusalem nón꞉we né꞉ne kenténrat ó꞉ni aterén꞉naient. Enhonwakenhénhion tsi niká꞉ien ne ronwaháson tsi rawenhé꞉ion, kwáh enhothinikonratsénhsehke ne rahonhà꞉ke tsi ní꞉ioht tsi enhiakonikonrátsen ne enskakʼkok iakowí꞉raien nenhiahié꞉heie. Kwáh kátsi towá꞉nenh tsi tenhonsénhtho, kwáh tsi ní꞉ioht nahiakothónse nénhskak khók iakonekenterontsherá꞉ien.

2 Corinthians 3:16

Ne kahrhorókton, tánon nó꞉nen kahrhorókhsion ne khók raotirihwà꞉ke tsi nihá꞉ti ne Roiá꞉ner nonkwá꞉ti nienhón꞉ne.

Ephesians 6:24

Ne Rawenni꞉io rahoténrat ahathikwekónhake tsi niháti ronwanorónkwa ne Sonkwaiáner Ié꞉sos Kerístos akenikwekónhake ne iáh tekenhéions kanoronkwátshera.

Deuteronomy 13:3

tó꞉sa othé꞉nen thaieʼtsiriwásnies. Ne Roiá꞉ner sewaNí꞉io ne shakotstonhátie naʼtsisewateʼnién꞉ten, nahatkátho tó꞉ka ken seweriasakwé꞉kon tsisewanorónhkwa.

Deuteronomy 6:5

Hentsenorónhkwake ne Roiá꞉ner Rawení꞉io tsi sónnhe, akwáh seriasakwé꞉kon, satonhnetsherakwé꞉kon, ó꞉ni sasatstenhserakwé꞉kon.

1 Sawátis 1:9

Nók tóhka entewariwanírate nonkwariwaneraháktshera rahohénton ne Rawenni꞉io, etnenháiere tsi nahóten rorahrátston tánon ne thóh nenháiere ne tkariwaiéri: ensesonkwanikónrense nonkwariwanerahákʼtsheras tánon ensesontionnakwatáko tsi nahoténsons tahionkwaterientawénreke.