Deuteronomy 30:10 - Ohiatonhseratokénti

¹⁰ ók ó꞉nenk ki tsi entsisewawénhnaraʼkwe ó꞉ni ensewateweiénton ne rahorihwatà꞉tsheras ne kén꞉en kahiatónhnion ki kahiatonhserá꞉kon ne rahorihonnienhní꞉tsheras. Ó꞉nenk tsi rahonhà꞉ke nienhtsí꞉sewe kwáh seweriashakwé꞉kon kénhak.

Deuteronomy 30:10 ပူးပေါင်းရင်းမြစ်များ

Nehemiah 1:9

Ók tó꞉ka akonhá꞉ke nathétese tánon ensenónsthate nakatsawenhráhtsheras tánon thóh nenhséren, é꞉thoʼne kíʼ iawerohátien shé꞉kon ne taiesarehniátonke ne tsi iehioteronhiáte, kwáh ki skátne tsi ensekhehiaʼtaró꞉roke, tánon thóh nienkhehiaʼthénhawe ne tsi tewatenataièn ne wakeráhkwen tsi nón꞉we nakaiénhtake natsénhna.’

Ezekiel 18:21

“Tó꞉ka ónhka enhióntkaʼwe tsi iakoriwahnerenháties tánon enhiontiénawasthe natianerénhsehra, tó꞉ka ne enhohióten ne tkariwahiéri ó꞉ni ne ioiánereh, kwáh iáh tharénheʼie; kwáh tohkénʼen tsi enrónhnheke.

Ezekiel 33:11

Sehró꞉ri tsi nihioriwí꞉io tsi Í꞉i, ne Wakenonhtí꞉io Watiá꞉ner, Í꞉i ne konhnhehónwe Ní꞉io, iáh tekatʼtsenhnónhnis tahikánerahke ne rohriwáhneren ahrénhieie. Ne ahonthakeráhko tatkhekánerahke ahóntkaʼwe tsi rohtiriwahnerenháties tánon ronhnónhnhek. Israel, sátkaf tsi nikariwáksen tsi nishá꞉tierah. Onhʼnonhtséren tsi ísereh ashí꞉hehie?

Ezekiel 33:14

Ahónton nakhehiaronhkáten ónhkak ne iakonhkwetahétken tsi enhiaiéheie, ók tó꞉ka enhióntkaʼwe tsi iakoriwahnerenháties tánon né entiakohióten ne tkariwahiéri ó꞉ni ne iohiánereh—

Ezekiel 33:19

Nónenh ónhkak ne onhkwetahétken enhióntkaʼwe iakoriwahnerenháties tánon ne enhtsakohióten ne tkariwahiéri ó꞉ni ne ioiánere, wahanónhsthate tsi rónhnhe.

Zechariah 6:15

Ronhnón꞉kwe nahinónhson nón꞉we thathinahkerénion eʼthò꞉ne nahonshahatinonhsón꞉ni ne Raononhsatokénhti ne Roiá꞉ner. Tanon nó꞉nenh enskanónhshison, enshaterienʼtá꞉rahne né꞉tho tsi Roiá꞉ner iehakató꞉rion ne shonhà꞉ke. Tóh꞉ki nenhiá꞉wenhne tó꞉ka kwáh entiewén꞉narahkwe ne Roiá꞉ner Saní꞉io.

Acts 26:20

Tontsérente nehne Damascus nónwe etʼthóhne Jerusalem non etʼthóhne kwáh kanakeraserakwékon ne Judeaʼronon꞉ke tánon tsi nowéson ne iáh tehatiʼsitaeʼró꞉nons, wakhehiateriwanótʼtase tsi ónenk tsi ensontatʼréwate ne rahothiriwanerahákʼtseras tánon Ni꞉ióʼne nókwa niehónne tánon thóh nihatí꞉ier tsi ronnèʼnest tsi shonatatʼrewáton.

Acts 3:19

Sasewatatʼréwat, káti, tánon Niióʼne nionsásewe, neh nahónte nahonsahonikónren ne sewariwaneraháktseras. Tho꞉ka thóh nen sewáiere,

1 Corinthians 7:19

Asèhken tóhkaʼ ahotewahrakwétaronke ne rónkwe tóhkaʼ ó꞉ni iáh, iáh nenʼné꞉e thènen teʼkéntons; nahóten kariwahkweʼní꞉io né꞉ne ahiontewénhnaraʼkwe ne Rawenni꞉io raotiawenráhtseras.

Deuteronomy 29:21

Ne Roiá꞉ner kwáh ne thenthoteniéntenste rahothihéntons ne tsi ratiʼtaraiéntons ne Israerʼró꞉nonhke tánon entháhawe ne karihwaieshá꞉tsheras raonhà꞉ke tsi nikaianerenhseró꞉tens nakwé꞉kon ne karewathá꞉tsheras ne kahiatónhnions nateriwaʼseronhniá꞉tshera ne kén꞉en kahiatonhserá꞉kon ne tsi nishakorihonhnién꞉nis ne Roiá꞉ner.

Deuteronomy 30:11

“Ne kariwatà꞉tshera ne tkwá꞉wis nón꞉wa wenhniserá꞉te iáh sóhtsi tewateriwenhtó꞉res iáh ó꞉ni ahí꞉non nió꞉re tetkáien.

Deuteronomy 30:2

Tó꞉ka ní꞉se tánon tsi niensewatwatsí꞉rine tenhtsisewatkahraté꞉ni tánon Roiá꞉ner nòkwah nientsísewe tánon kwáh seweriasakwé꞉kon tsi ensewatewénhnaraʼkwe ne rahoriwatà꞉tsheras ne tkwá꞉wis nón꞉wa wenhniserá꞉te,

Deuteronomy 30:8

tánon káti shé꞉kon ensetsisewawénhnaraʼkwe ó꞉ni ensewateweiénton akwé꞉kon ne rahoriwatà꞉tsheras ne tkwawí꞉hons nón꞉wa wenhniserá꞉te.

Deuteronomy 4:29

Thóh nón꞉we entsisewahiaʼtí꞉sake ne sewaNí꞉io, tánon tó꞉ka seweriaʼsakwé꞉kon sewatonhneʼtserakwé꞉kon tsi entsisewahiaʼtí꞉sake, entsisewahiataʼtshénri.

Deuteronomy 6:5

Hentsenorónhkwake ne Roiá꞉ner Rawení꞉io tsi sónnhe, akwáh seriasakwé꞉kon, satonhnetsherakwé꞉kon, ó꞉ni sasatstenhserakwé꞉kon.