Deuteronomy 3:6 - Ohiatonhseratokénti

⁶ Akwé꞉kon wahakwariwenʼtósehron ne tsi kanatowá꞉nens tánon wahakhinonwariaʼkhón꞉nion ne ronhnónhkwe, konhnónhkwe, ó꞉ni ne ratikshaʼokónhas, kwáh ki tsi nihionkwaié꞉ren ne tsi kanatowá꞉nens ne ronhnonhtí꞉io Sihon raonataʼshón꞉as né꞉ne Heshbon nón꞉we.

Deuteronomy 3:6 ပူးပေါင်းရင်းမြစ်များ

Numbers 21:2

Ethòne kíʼ Israerʼró꞉nons wahonwaraʼrátsten ne Roiá꞉ner: “Tó꞉ka enskwaríhon nahiakhisénhni kí꞉ken onhkweshón꞉ʼas, kwáh iáh othènen thatakenínerenke tsi sonháke nónhwe nenhiakihiatatéristhe tánon ne rahotinatowánens tánon kwáh enhiakhihiáthonte.”

Deuteronomy 1:4

Ne kí꞉ken nó꞉nen ne Roiá꞉ner shihosénhnion ne Ronhnonhtí꞉io Sihon né꞉ne Amorʼró꞉nons nahotaró꞉ten, raónha rakó꞉rahkwe ne tsi kaná꞉taien ne Heshbon, tánon ne Ronhnonhtí꞉io Og né Bashan, raónha ne rakó꞉rahkwe ne tsi kaná꞉taien ne Ashtaroth ó꞉ni ne Edrei.

Deuteronomy 2:24

“Shahakwatóhetsʼte ne Moab, ne Roiá꞉ner wasonhkwaró꞉ri, ‘Ó꞉nen, Iaʼsehwatáshawen tánon tesewaiá꞉iak ne Arnon kaniataratátie. Thóh entsién ne kaʼshatsténshera shohà꞉ke Sihon, né꞉ne Amorʼró꞉non Rononhtí꞉io ne Heshbon nónhwe, kenikwé꞉kon ne raonhóntsa. Iaʼtsisehwatiaʼtónti, tánon tasehwatáshawenh sewatié꞉nawast ne raohóntsa.

Deuteronomy 2:34

Tánon iaʼtsiakwariwaiéstaʼkwe wahakwaiéna ó꞉ni wahakwanaʼtèn꞉ton há꞉ton kwáh tsi niatekaná꞉takes, tánon kwáh niateionkwè꞉take tsi wahakhihiawénhtho, ronhnónhkwe, konhnónhkwe, ó꞉ni ratikshaʼokónhas. Kwáh iáh othé꞉nen tsiaʼtehionkwénhron.

Deuteronomy 29:6

Iáh tesewanatharaiéntaʼkwe nahisewáke tó꞉ka ó꞉ni nonenharataʼsehontsherákeri tó꞉ka ó꞉ni nonenʼtákeri nahisewahnekí꞉ra, ók ki ne Roiá꞉ner watsisewaié꞉riʼse tsi natahisewathonhontsó꞉nike ne káti naónton natsisewarihón꞉nien tsi raónha se ne sewaNí꞉io í꞉ken.

Deuteronomy 3:2

Ók ne Roiá꞉ner wahakénhase, ‘Tó꞉sa tsetshànik. Asè꞉ken ó꞉nen thihiá꞉wi ó꞉ni ratikwé꞉kon ne rahonkweʼtashón꞉as ó꞉ni ne rahononhóntsa ní꞉se satsanà꞉ke; tánon ó꞉nenk tsi entsenonhwarià꞉kon tsi ki niʼtierà꞉se ne Sihon sakononhtí꞉io ne Amorʼró꞉nons, ne raónha Heshbon nónhwe nihanákere.’

Deuteronomy 3:5

Akwé꞉kon kí꞉kens kanatowá꞉nens ne tekanatanáktons ne tiotonshontaté꞉nions, iotenhenrentónnion, tánon tekenrenʼwánions nakanienʼtá꞉roke tsi iotenhenrenʼtón꞉nions, tánon wé꞉so ne tsi kanataiéntons iáh othé꞉nen tewatenhenró꞉tons.

Joshua 11:14

Nonhkweshón꞉ʼas Nisraerʼró꞉nonke akwé꞉kon iahatíhawe ne kanorón꞉sons ó꞉ni iashakotihiaʼténhawe ne konhtitshé꞉nens ne kí꞉ken ne tsi kanatowá꞉nens nón꞉we nonhtahatihá꞉sehron tánon iathontatià꞉tiste wahontié꞉nawatste. Ók kwáh ki onhkweʼtakwé꞉kon washakotinonhwarià꞉kon; iáh ónhka tsiatetsiothaténron nahiakónhneke.