Deuteronomy 3:22 - Ohiatonhseratokénti

²² Tó꞉sa ietsitshanísek, asè꞉ken ne Roiá꞉ner sewaNí꞉io raónha entsisewaterí꞉iose.’

Deuteronomy 3:22 ပူးပေါင်းရင်းမြစ်များ

2 Chronicles 13:12

Rahonhatsíwa ne Ní꞉io tsi sonhkwenhéntenhse tánon ne rahotsihenstatsihókons kénʼen rónhnes ronathateweienhnenhtáhon nahatihonráhwate tánon ne iahiontkhínonhke nahitewaterí꞉io. NʼIsraerʼró꞉nons, iáh né tehonhtirí꞉ios ne Roiá꞉ner, ne Sakoní꞉iokwe ne ietsisokthonkonkénʼen! Iáh tahisewatkwéni!”

2 Chronicles 20:17

Iáh ní꞉se tatehiotonhontsóhon nahisewaterí꞉io kí꞉ken ateriʼiósera. Kwáh nek khók ne sewathatenakthaserónhnien thóh tesewátanh tánon sewateráh꞉rat; ensewakʼkátho ne Roiá꞉ner entetsítion naʼtesenhniétsera. Tiónhkwe ne Judah ó꞉ni ne Jerusalem, tó꞉sa nahisewarahiátakwe khés nahisewáteronhne. Wáhs iasewaterí꞉io, tánon ne Roiá꞉ner ensewakwekónhake!”

2 Chronicles 20:29

Kwáh tsi niatekanakerasehrákes ne wahatirihwaronhkánion tsi ní꞉ioht ne Roiá꞉ner tsi shakosenhniónkwen ne Israerʼró꞉nons tehontátʼtions tsi wahonateronhiénhten,

Nehemiah 4:20

Skátne sewáton tsi nón꞉we nenhsewathón꞉tene ne iehonrawatstháhkwa, tánon nónkwa ní꞉io rahón꞉ha enshonkwaterí꞉iose.”

Psalms 44:3

Ne shonkwetaʼshónhas iáh teonathatsiatakweniʼióston nonhóntsa nasarekówa ahonáts꞉ton, iáh teonatkwénion ne raotishaststénhsera ahonáts꞉ton; né꞉ne sahshaststénhsera tánon tsi nisehshást꞉te waʼkarihónhni, né tsi ní꞉ioh rihwíʼiokwe tsi éhʼtho í꞉seskwe, né wahakonatónhase tsi nisehnorónkwa.

Exodus 14:14

Ne Roiá꞉ner rahónʼa entsiʼsewateríʼiose, tánon tót kók níkonh thatheʼsewaʼtótat.”

Exodus 14:25

Wahaʼriwahserónhni né tsi iokaʼkwentónton ne rahoʼtisehreʼsónhas ne otsiónkwas waʼkasehreʼtotárehne, né káti ne kwáh awenhtóʼrehʼke tsi tahonthawénhrie. Né Egyptró꞉nons wahonhníron, “Ne Roiá꞉ner lsraerʼró꞉nons sakoterí꞉iose tsi ahontaʼhionkihiatsaʼtónti. Á꞉nion èhren tsi tèwet ne kénʼen!”

Numbers 21:34

Ne Roiá꞉ner wahawénhase ne Mahís, “Tó꞉sa tshetshánik, Entkónhion natesehniétsera natsesénhni, tánon ratikwékon ne rahonkwetashón꞉ʼas, ó꞉ni ne rahonhóntsa. Thóh natshiéras tsi kíʼ niʼtshieráʼse ne Sihon, né Amorʼró꞉non ronhnonhtí꞉io ne rotʼkorasthónhne ne Heshbon nónhwe.”

Deuteronomy 1:30

Ne Roiá꞉ner sewaNí꞉io entsisewahéntenhse, tánon raónha entsisewaterí꞉iose, kwáh ki tsi ní꞉ioht tsi eʼtsisewá꞉ken tsi nihoié꞉ren ne Egypt

Deuteronomy 20:1

“Nó꞉nen enshaterihiósera tsi nokwáh ne tetsatà꞉tsons tánon ensatkátho ne otsónhkwas ó꞉ni ne koshá꞉tens tánon ne ronterí꞉ios ne ieshentioʼkwakén꞉nion, tó꞉sa shetshà꞉nik. Ne Roiá꞉ner saNí꞉io, tsi raónha shaniakénton ne Egypt nón꞉we, kwáh ensenikwekónhake.

Deuteronomy 20:4

Ne Roiá꞉ner sewaNí꞉io raónha wésewe, tánon entetsítson nateʼsenhniétshera.’

Deuteronomy 3:21

“Ethò꞉ne wahiró꞉ri ne Joshua: ‘Akwé꞉kon satká꞉ton ne Roiá꞉ner tsi nisakohierà꞉se ne thí꞉ken teʼnihiá꞉se ronhtinonhtí꞉ios, Sihon tánon ne Og; kwáh tsonhkwetátion tsi thóh nenhsakoierà꞉se ne ieienʼtsinenhrénhten ne rahononhontsà꞉ke.

Deuteronomy 3:23

“Kwáh thóh nikahá꞉wi kwáh í꞉ken tsi takenikonhrakonhtà꞉kwe waʼkaterén꞉naien,

Joshua 10:42

Ne Joshua washakoshén꞉ni ratikwé꞉kon ne ronhtinonhtí꞉ios ó꞉ni ne rahotinakeráseras né꞉ne énskak khók iahontarátsthe tiorì꞉wa ne Roiá꞉ner, Israerʼró꞉non Shá꞉koní꞉io, raónha washakoterí꞉iose Nisraerʼró꞉nons.

Joshua 23:10

Kwáh tsikʼónhka ne tsi nítson ensewakwé꞉ni ne énska tewenhniaweheʼtseráhsen niháti nahonhté꞉ko, tiorì꞉wa ne Roiá꞉ner Sewaní꞉io raónha tsi sewaterí꞉iose, kwáh ki tsi nihorahrátston.