Deuteronomy 3:17 - Ohiatonhseratokénti

¹⁷ Ne tsi iaʼtewatsénthos nokwá꞉ti iotohetsʼtákwen ne rahotinakerásehra ié꞉was ne Jordan Kaniataratátie, Tsi Kaniá꞉taro ne Galilee tiotá꞉shawen tsi nió꞉re ne othorè꞉ke nió꞉re niehiawé꞉non né꞉ne Dead Sea nentiè꞉ne nokwá꞉ti iotohetstákwen tánon ne tsi iaʼtewashì꞉taien ne tsi Ionónhte ne Pisgah né꞉ne nà꞉konh nokwá꞉ti iotohetstákwen.

Deuteronomy 3:17 ပူးပေါင်းရင်းမြစ်များ

Genesis 13:10

Tánon né Lot wahatahrakétsko, tánon wahatkáhto né Jordan aonhráhkwakon tsi niwé꞉so iohné꞉kaien né kwáh tsiʼk nonwéhson tsi kíʼ ní꞉ioht ne tsi kahéhtaien ne Eden né Roiá꞉ner róhson, tsi kíʼ ní꞉ioht ne tsi tiohontsá꞉ien né Egypt, ne tsi nieiawé꞉non ne Zoar; né kíʼ nohén꞉ton ne Roiá꞉ner saháhtonʼte ne Sodom tánon ne Gomorrah.

Genesis 14:3

Tánon ratikwé꞉kon kí꞉ken iaʼthonnitióhkwaiehste ne raononkweʼtashón꞉ʼa ne ronterí꞉iohs, tho aonhráhkwakon ne Siddim (né꞉ne, Dead Sea).

2 Kings 14:25

Akwékon niashakosénhni tsi nikanakerasehráien ne Israerró꞉nonhke ahó꞉wenk, Hamath Pass thontásawen né nothoréke nòkwahti tsi nióre ne entiéne nòkwahti ne Dead Sea. Thóh kíʼ ní꞉ioht ne Roiá꞉ner, ne Sakoní꞉io Nisraeʼró꞉nonke, tsi rorarátston rahonháke ne rahonkwetaʼkénʼen ne rotokenséhaʼkwe Jonah né꞉ne ronikénhen ne Amittai né Gath Hepher nón꞉we nihanákerekwe.

Ezekiel 47:8

Wahakénhase, “Ki꞉ken onèka thóh nieiawénon tsi tiohontsáien ne tsitʼkarahkwínekens nokwáhti tánon thóh nietsawénon ne Jordan ahonráhkwahkon tánon ne Dead Sea. Nónenh thóh niénwe ne Dead Sea, né teskaténies ne tehionekahiótsis nètho kaniatarahkhekówa né kanekí꞉io.

Numbers 23:14

Iahoiaténhawe tsi tkahénhtaien ne Zophim né nothoharáke ne tsi Ionónhte ne Pisgah. Thóh ó꞉ni nónhwe tsáta níkonh waʼronhniánion ientsienharákwah tánon iaharónhnion satihiatáʼtshons ne teró ó꞉ni ne teiotinakaronhtón꞉as.

Luke 5:1

ONEN are kentiokoȣanen ȣahonȣaiatorenne iontaonsatathe ne Niio raoȣenna, Genesareth kaniataraktatie shire.

Deuteronomy 4:49

Káti ó꞉ni thóh í꞉kare kanakeraserakwé꞉kon ne nà꞉kon nokwá꞉ti ne Jordan Kaniataratátie kwáh tsi nió꞉re ne entiè꞉ne nokwá꞉ti né꞉ne Dead Sea tánon ne nà꞉kon nokwá꞉ti tsi iaʼtewashì꞉taien ne ionhnónte Pisgah.

Joshua 12:3

thóh nietsawè꞉non ne tsit kaniátaro ne Galilee ne nentiè꞉ne nokwá꞉ti ne Beth Jeshimoth (né꞉ne tsitkarahkwí꞉nekens nokwá꞉ti ne Dead Sea) tánon thóh nietsawè꞉non tsi Tionónthe Pisgah.

Joshua 13:27

Nahonráhkwakon ne Jordan nón꞉we thóh í꞉kare ne Beth Haram, Bethnimrah, Sukkoth, ó꞉ni ne Zaphon, ne iothaténrons ne rahononhtiiótsera ne ronhnonhtí꞉io Sihon né꞉ne Heshbon nón꞉we. Né꞉ne tsi ronateristatátie ne tsi iaʼtewatsénhtos nokwá꞉ti thóh kaniataratátie ne Jordan tsi nió꞉re ne othorè꞉ke ne tkaniátaro ne Galilee.

Joshua 15:2

Kí꞉ken entieʼné꞉sons karistatátie tiotohétston nentiè꞉ne nokwá꞉ti ne tsi iehiotʼthe ne Dead Sea,

Joshua 15:5

Ne tsitkarahkwí꞉nekens nokwá꞉ti karistatátie ne Dead Sea, kwáh tho nió꞉re nietsawé꞉non tsi nón꞉we tionhontsá꞉ien ne Jordan iatehiótokenton ne Dead Sea. Nothorè꞉ke nokwá꞉ti karistatátie thóh nón꞉we tiothásawe.

Joshua 18:19

iehiotohétston nothorè꞉ke kawéhnote ne Beth Hoglah nón꞉we, tánon thóh iatehiothàhon nothorè꞉ke iohontsá꞉ien ne Dead Sea, thóh nón꞉we ne Jordan Kaniatarathátie niehiawé꞉non. Ne kí꞉ken ne entiè꞉ne nokwá꞉ti karisthatá꞉tie.

Joshua 19:35

Ne watenhénrothes ne tekanathanáktons ne tsi kanathaién꞉tons ne kanatowá꞉nens né꞉ne Ziddim, Zer, Hammath, Rakkath, Chinnereth,

Joshua 3:16

nonékanos ontkà꞉we tsi watnekí꞉ne tánon waʼkaweʼnhó꞉ton, kwáh tsi nió꞉re ne Á꞉tonion꞉ke, né꞉ne kanatowanèn꞉ke ákta ne Zarethan. Ne tsi niehiotnekí꞉non ne Dead Sea kwáh nénhne hiotnekénston, tánon nonhkweshón꞉a ónhton watahathihiáiake ákta ne Jericho.