Deuteronomy 3:16 - Ohiatonhseratokénti

¹⁶ Tánon ne rahothiʼtiókwakons ne Reuben ó꞉ni ne Gad né꞉ne taʼkhé꞉ion ne tsi kanakeraʼsehrá꞉ien ne Gilead tsi nió꞉re ne Arnon tkaniataratátie. Ne kwáh satekaniaʼtarí꞉hen thóh nónhwe ne entiè꞉ne nokwá꞉ti iotiè꞉ton nihonateristatátie, tánon nothorè꞉ke nokwá꞉ti iotiè꞉ton ronateristatátie né꞉ne Jabbok Kaniataratátie, thóh íhkare ne tsikaristatátie ne Ammonró꞉non karistatátie.

Deuteronomy 3:16 ပူးပေါင်းရင်းမြစ်များ

Genesis 32:22

Ne sonhsón꞉ta ne Jacob wahatkétsko tánon iahshakoiaʼténhawe ne tekeniiáhse rotiniákhonʼs, tánon ne tekeniiáhse raohnhaʼtsheraʼshón꞉ʼahs, tánon ne énska-iawén꞉re nihá꞉ti shakoioʼokón꞉ʼahs, tánon thóh nón꞉we naʼthatiiá꞉iaʼke tsi nón꞉we ne iáh teiohnó꞉tes tsi kaniataratátie ne Jabbok.

2 Samuel 24:5

Iathatiʼiá꞉iake ne Jordan kaniataratátsie thóh iahonthatoserotónhnion ne Aroer entiéne nòkwah ne Aroer tánon ne thóh kanatowanénhke ne kwáh asénhnon nón꞉we níken nahonrá꞉kwakon, tsi nieiawénon ne Gad ó꞉ni tsi nieiawénon ne Jazer.

Numbers 21:24

Ók kíʼ NʼIsraerʼró꞉nons ronatiokowánen wasakotinonhwariakónhnion ne tsi waterí꞉io ne tehontátʼtshons tánon wahontiénawasthe ne rahononhóntsas né꞉ne Arnon Kaniatarahtátie thontásawenh tsi nióre ne Jabbok, né nènhne ne Ammonró꞉nons nónhwe, tsioríhwa ne Ammonró꞉nons tsi karisthatátie kwáh íken tsi ioníronh tsi ní꞉ioht tsi thatínes.

Deuteronomy 2:37

Ók ki iáh ákta tieionkwè꞉non ne raotinakeraʼsehrá꞉kon ne Ammonró꞉nons iáh ó꞉ni natsakʼthónties ne Jabbok Kaniataratátie iáh ó꞉ni ne tsi kanataiéntons ne tsi tiononhtaʼrón꞉nions iáh ó꞉ni naktè꞉shon nonhwésons tsi nónhwe ne Roiá꞉ner ónhkwa Ní꞉io shonkwahró꞉ri ne tó꞉sha iahiàkwe.