Deuteronomy 3:13 - Ohiatonhseratokénti

¹³ Ashénhnon tsi nihotitiókwa ne Manasseh taʼkhéhion ne ken iotiè꞉ton ne Gilead, tánon ó꞉ni ne Bashan, thóh nón꞉we ne Og nihakó꞉raʼkwe, né꞉ne ieiokwékʼton ne Argob iokwèn꞉rahre.”

Deuteronomy 3:13 ပူးပေါင်းရင်းမြစ်များ

Genesis 14:5

Ne kaieríhaton iawén꞉re shiiohserakehátie ne Chedorlaomer tánon ratikwé꞉kon ne rontinontí꞉ioʼs né skátne ratikwekonhátie wahshakotishén꞉ni ne Rephaim né꞉ne Ashteroth Karnaimʼke nón꞉we, ó꞉ni ne Zuzim né꞉ne Ham nón꞉we í꞉ken, ó꞉ni ne Emim ne ne Shaveh-Kiriathaim nón꞉we í꞉ken.

2 Kings 10:33

nakonnokwáhti ne Jordan, kwáh tsi nióre ne entiéne nòkwahti ne tsi kanátaien ne Aroer né꞉ne Arnon Kaniataratátie—thóh í꞉kare tsi kanakeraseráien ne Gilead ó꞉ni ne Bashan, thóh nón꞉we nihatinákere ne rahothitiókwahs ne Gad, Reuben, tánon ne Manasseh nàkon né nòkwahti nón꞉we nihatinákereʼkwe.

Deuteronomy 29:7

Tánon nó꞉nen setewáh꞉we ne ken nón꞉we niwatená꞉taien, Ronhnonhtí꞉io Sihon né꞉ne Heshbon tánon ne Ronhnonhtí꞉io ne Og né꞉ne Bashan nón꞉we tahiaténhti nahitewaterí꞉io. Ók ki wahitisén꞉ni,

Deuteronomy 29:8

wetewatié꞉nawatste ne rahononhóntsas, tánon wahithihiakhónhase ne tsi ratiʼtaraiéntons ne Reuben ó꞉ni ne Gad, tánon ne satekanenhrí꞉hen ne Manasseh.

Deuteronomy 3:12

“Nó꞉nen sahakwaʼtié꞉nawatste nonhóntsa, né꞉ne Reuben tánon ne Gad nahotiʼtaró꞉tens takhé꞉ion né꞉ne kanakerá꞉sehra nothorè꞉ke nokwá꞉ti tsi kaná꞉taien ne Aroer ákta ne Arnon Kaniataratátie tánon iowénhte ne tsi ionónhte ne Gilead, tshiewakwé꞉kon ne kanataʼsónhas.

Deuteronomy 3:14

Ne Jair, né꞉ne Manasseh nahoʼtaró꞉ten, kwáh ohontsakwé꞉kon wahatié꞉nawatste ne Argob, né꞉ne, Bashan nónhwe, kwáh tsi nió꞉re tsit karistatátie ne Geshur ó꞉ni ne Maacah. Ne tsi nihosenhnò꞉ten né wahanà꞉tonkwe ne tsi kanataién꞉tons, tánon shé꞉kon ne konwatisenhnaienté꞉ris tsi kanataién꞉tons ne Jair.)

Deuteronomy 3:4

Tánon iahakwakonhtà꞉kwe wahakwaienásehron akwé꞉kons ne raonataʼshón꞉as—iáh nénska ne iáh tshiaionkwáhake. Noriwakwé꞉kon wahakwaié꞉na iá꞉iak niwáhsen nikaná꞉takes—kwáh tsi niwatenáskwa ne Argob, né꞉ne tsi nónhwe ne ronhnonhtí꞉io Og nihotkoráston.