Deuteronomy 28:9 - Ohiatonhseratokénti

⁹ “Tó꞉ka entiewénhnaraʼkwe ne Roiá꞉ner saNí꞉io tánon orihwakwé꞉kon thóh nénhshienre tsi nihatró꞉ris, kwáh ki raónha rahonkwè꞉ta enhionton, tsi ki nihorahrátston.

Deuteronomy 28:9 ပူးပေါင်းရင်းမြစ်များ

Genesis 17:7

Tánon kwáh éntien nakaterihwahseronniáhtshera tsi naʼtetiátere ó꞉ni tsi nienhsathwatsí꞉rine, tánon kwáh ó꞉ni tsi wahatinekwenhsatátie né꞉ne tsi nén꞉we enká꞉take naterihwahseronniáhtshera, kwáh Í꞉i ne Saní꞉io enkénhake tánon tsi nienhsathwatsí꞉rine ó꞉ni nó꞉nen ensenhé꞉ionke.

Psalms 87:5

Tánon tsi nòkwah ne Zion kwáh nenhné꞉e entewénhron, “Onhkwetaʼkwékon tsi skát꞉ne enhatenákereʼke ne Rawenni꞉io rahonkwetaʼshón꞉ha”; asèken né꞉ne kwáh Thoshaststenhseroʼwáne thóh nihokwahtákwen.

Exodus 15:26

Wahénron, “Tó꞉ka kwáh tohʼkènʼen enskwahʼwén꞉narahkwe tsi thóh nenhsewáiere tsi nahó꞉ten íkere ne tkariwaiéri tánon ensewateweiénton nakeriwaʼtáʼtseras, Iáh kíʼ thènnenh thaʼkwahréwaʼhte ne kannrahʼtariné꞉tsheras tsi né niʼkhehiérahse ne Egyptró꞉nons. Í꞉i, ne Watiá꞉ner, tsi nikáien né tsi skwatsiéntha.”

Isaiah 1:26

Tánon kwáh ensekkherihontónhnion ne shonkwetashónhas ratirihwénhthas tsi kí nitsotónhte, tánon ne iesatenikonhráwiskwe tsi nitsiotásawe. Tánon kénhen ienwatásawen né entsesanatónhkwahke ne iorihwakwahríhshion kanatowanénke, ne iorihwatóken kanatowanénke.

Isaiah 62:12

Kwáh né enhonwatiʼnatón꞉kwahke, “Ronhnonkwetaʼtokénti, Né꞉ne seshakohiatákwen ne Roiá꞉ner”; tánon ní꞉se né entiesahiákʼtieke, “Kahiatisá꞉kon, né Kanatowanénhke iáh Tekonwatewenhtéton.”

Jeremiah 11:5

Ethóhʼne enkwé꞉ienste tsi nikhehiarahratsʼténni ne sakotisotʼthonkonkénʼen tsi entekhéhion ne ionhontsáresen ó꞉ni ne iohontsí꞉io tsi ónen ne ratíhawe.” Wakíron, “Hen, Saiá꞉ner.”

Deuteronomy 13:17

Tó꞉sa othé꞉nen sewathateweientónhas tsi nahó꞉ten ne í꞉se iewátion nahontkarón꞉ni, tánon ethò꞉ne ne Roiá꞉ner tensatkaraté꞉ni tsi nihonaʼkhwén꞉en tánon ataniténron ensnianaʼtónhase. Kwáh enshienténhre tánon entsitsónhnien nahisewentioʼkowá꞉na, tsi ki nishakorahratstén꞉ni ne ietsisoʼthonkonhkén꞉en,

Deuteronomy 7:6

Tó꞉ki naʼsewáhier ne tsi Roiá꞉ner sewaNí꞉io ní꞉se rahonkweʼtashón꞉as. Tsi nihiakotióhkwa nonhkweshón꞉as ne tsi ionwenhtsá꞉te í꞉se watsisewahiatará꞉ko ne kwáh ahionkweʼthatokénhake raonkwè꞉ta ahisewá꞉ton.

Deuteronomy 7:8

Ók ki ne Roiá꞉ner tsi sewanorónhkwakwe tánon tehotonhontsóni nahakwénienste tsi nishakorahratstén꞉ni ne sewasotʼtsherahokonhkén꞉en. Ne ki tiorí꞉wa waʼtsisewanónhstate ne wà꞉ratste ne raoshatstenhserowaná꞉tshera tánon shatsisewatatewenhní꞉ioste tsi nitsisewanaskón꞉niskwe ne ronhnonhtí꞉io ne Egypt nón꞉we.

2 Thessalonians 3:3

Nók kíʼ ne Roiá꞉ner rorihwahtóh꞉ken, tánon enhiashatsténseron ó꞉ni enhiaiatanónstathe tsi nòkwah ne Ranesonrónon.

Titus 2:14

Iehotatatʼkáwen ní꞉i onhkwariwáhke, nahonsahshonkwaniákente ne kwák tsi nahiotónhake ne kariwáksenke tánon nashontiónnien kwáh orihwí꞉io rahónha khók rahonkwetaʼsónha ahitewáhton ó꞉ni kwáh tahionkwasterihénseke ioiánere tsi naitewáhtiere.

1 Tiér 5:10

Nók nónen kén nikariwésʼsha wesewaronhiáken, Rawenni꞉io ne akwékon niesakoténre, shieʼianátons nasatiátaren ne rahówenk kaiatanerakwátsera tsi nénwe ne tsi tehonateriwasóntere ne Kerístos, kwáh rahonhatsíwa enshiakwatákwase tánon éntʼhion ne kariwanirátsʼtsera, kasasténsera, tánon kwáh ioníron tsi tkenstskwáhere.