Deuteronomy 28:7 - Ohiatonhseratokénti

⁷ “Ne Roiá꞉ner enshakoshén꞉ni ne ieshá꞉sons nó꞉nen ieniesatiaʼtón꞉ti. Énskak tsi nón꞉we nenʼthón꞉ne tsi ieniesatiaʼtón꞉ti, ók ki tsík nón꞉we nienhatitátke nenhontè꞉ko.

Deuteronomy 28:7 ပူးပေါင်းရင်းမြစ်များ

2 Kings 7:5

Ká꞉ti, tsi nontaiokarahonhátie, tsi thóh nathathoseróte ne Syriaró꞉nons niaʼhónne, ók kíʼ shiaʼónnewe, iáh ónʼka thóh tèienskwe.

2 Chronicles 19:4

Ethohʼsáne ne Ronnonhtí꞉io Jehoshaphat Jerusalem nónh꞉we nihanákerekwe, kwáh kíʼ iorihwató꞉kenhʼne tsi tehatawénriesʼkwe tsi ratiterónhtons nonhkweʼshón꞉as, tsi nió꞉re ne Beersheba né nenhtiéhne nòkwahti ne tsi ieiotenakeraseráte ne Ephraim nothoréke nónh꞉we, né nahónton niashakónonhke nonhkweʼshón꞉as Roiá꞉ner nòkwahti nieshón꞉ʼne, né sha꞉koʼNí꞉iokwe ne sakotisokthonkonhkénʼens.

Psalms 18:38

Waʼkhehiatienenhthánion, né ká꞉ti ne tó꞉sa ahatikwéni tahonsahatítane; ká꞉ti thóh kasitháke waʼhonhníheie ronwatisénhnion.

Psalms 89:23

Tsi ká꞉ti nikaríhwes roteróhron kwáh kíʼ enkhehiátonte ne ronhwáshons tánon enkhenonwenhserá꞉rhio tsi niháti ne ronwáshons.

Deuteronomy 28:25

“Ne Roiá꞉ner kwáh enteshaká꞉wen ne ieshá꞉sons naiesashén꞉ni. Énska tsi nenhteshiérate tsi iensehiatiaʼtón꞉ti ók ó꞉ia natenhteshiérate tsi ensehsatéko, ók kwáh tsík nenhteshierathánion tsi ensehiatekwenhátonhse, tánon akahontsakwé꞉kon enhiakoteronhiénten nó꞉nen enhiontkátho tsi nesahiathákwen.

Deuteronomy 28:6

“Ne Roiá꞉ner kwáh enhaiaʼtaté꞉riste ne kwáh tsi nahó꞉ten ahisahiò꞉ten.

Deuteronomy 28:8

“Ne Roiá꞉ner saNí꞉io enhaiaʼtaté꞉riste ne sahioʼténhsera tánon ne tsi sehnekeraienthákwa, kwáh thenʼthárasthe nonátsas. Kwáh enhaiaʼtaté꞉riste ne tsi ionhontsá꞉ien ne thiawì꞉re.

Deuteronomy 32:30

Saiáta ne tehontà꞉tsons raterí꞉ios washakoshén꞉ni ne énska tewenhniaweheʼtseráhsen niháti Israerʼró꞉nons, tánon oié꞉ri natewenhniaweheʼtseráhsen niháti Israerʼró꞉nons tehnihiásek kók ne tehontà꞉tsons wahonwathishén꞉ni? Ne ki aorì꞉wa ne Roiá꞉ner, Raotiní꞉io tsi shakotiathónthakwe; ne roshatstenhserowá꞉nen Raotiní꞉io tsi shakotiakwarí꞉shion.

Joshua 10:42

Ne Joshua washakoshén꞉ni ratikwé꞉kon ne ronhtinonhtí꞉ios ó꞉ni ne rahotinakeráseras né꞉ne énskak khók iahontarátsthe tiorì꞉wa ne Roiá꞉ner, Israerʼró꞉non Shá꞉koní꞉io, raónha washakoterí꞉iose Nisraerʼró꞉nons.

Joshua 23:10

Kwáh tsikʼónhka ne tsi nítson ensewakwé꞉ni ne énska tewenhniaweheʼtseráhsen niháti nahonhté꞉ko, tiorì꞉wa ne Roiá꞉ner Sewaní꞉io raónha tsi sewaterí꞉iose, kwáh ki tsi nihorahrátston.

Joshua 8:22

Ne Israerʼró꞉nons ne kanatowanèn꞉ke rathiʼterónhtakwe tahón꞉ne tánon wahontià꞉taren ne tsi waterí꞉io. Káti ne ronhnónhkwe ne Ai wahóntoke tsi kwáh í꞉ken tsi tehonwatihonwarón꞉ni ne Israerʼró꞉nons, tánon ratikwé꞉kon ronhwatinonhwariaʼkhón꞉nion. Iáh ónhka tetsoniakén꞉en, tánon iáh ónhka ne nón꞉we nahonhnónhnheke