Deuteronomy 28:1 - Ohiatonhseratokénti

¹ “Tó꞉ka entiewenhnaráhkwe ne Roiá꞉ner saNí꞉io tánon ahóskon tewethákwen tsi enshatié꞉nawatste ne rahoriwatà꞉tsheras ne tkwawí꞉hons nón꞉wa wenhniserá꞉te, sénha í꞉se enhiashatstenhserowanáhthe tsi ní꞉ioht nakorénhsons ne tsi ionwentsá꞉te.

Deuteronomy 28:1 ပူးပေါင်းရင်းမြစ်များ

1 Chronicles 14:2

Tánon ká꞉ti ne Táwit wahát꞉thoʼke nètho Roiá꞉ner tsi rorihwakwahthakwénhni nahonontí꞉ioʼne Nisraeʼró꞉nonke tánon ne rahonhnihá꞉tie ne rahonakeráhsera nahiokwahtséstonhke né꞉ne rahonkwetaʼshón꞉as rahotirihwáʼke.

Psalms 106:3

Iakotáskats tsi niʼiákon ne tkarihwaʼiéri tsi niʼionhtséra, tiókonte né꞉ne karihwaʼkwahrishiontsherákon tsi nihiontséra.

Psalms 111:10

Nón꞉kwe nenhonwaʼkwénienste ne Roiá꞉ner né꞉ne tsotasawáʼkwen nahiontenikonratʼtókhaʼne; nakwékon ne thóh nenhiéhiere kwáh ioiánere tsi iakonikonhraiéntas. Kwáh kíʼ ioterihwí꞉son ne tiókonte tahonwaʼnonhweratónsheʼke.

Psalms 119:128

Tánon káti ít꞉sere akwékon ne saianerénhseras. Ít꞉sons akwékon ne wahétkens nihiotánions.

Psalms 119:6

Eʼthóhʼne káti kwáh iáh tahonkatéhate, tsoríhwa tsi thóh nón꞉we natewakʼkarotáhon akwé꞉kon tsi nisatsiawenhráhton.

Psalms 148:14

Sakoshaststenhseráwi ne rahonkwetaʼshón꞉has, tehonwanonweráton akwékon tsi niorihwatóken, asèken nonkweshón꞉has Nisraeronónke rahiatát꞉ta rónhnes. Tehonwanonweráton ne Roiá꞉ner!

Psalms 91:14

Tsi nihiákon ne ionhkenorónhkwa, kwáh kíʼ enkhenónsthaʼte; kwáh kíʼ enthékhene tsi nihiákon ne iontsenhnaʼientéri.

Exodus 15:26

Wahénron, “Tó꞉ka kwáh tohʼkènʼen enskwahʼwén꞉narahkwe tsi thóh nenhsewáiere tsi nahó꞉ten íkere ne tkariwaiéri tánon ensewateweiénton nakeriwaʼtáʼtseras, Iáh kíʼ thènnenh thaʼkwahréwaʼhte ne kannrahʼtariné꞉tsheras tsi né niʼkhehiérahse ne Egyptró꞉nons. Í꞉i, ne Watiá꞉ner, tsi nikáien né tsi skwatsiéntha.”

Exodus 23:22

Ók tó꞉ka entsisewawenhnarákwen tánon oriwakwékon thóh nenhsewáhiere tsi niwáken, kwáh kíʼ rahthikwékon enhiakwateríio ne ietʼtshíshons.

Exodus 23:25

Tó꞉ka enseksénhnaien, ne Watiá꞉ner Saní꞉io, Kwáh kíʼ ne enkonhiathaterísthaʼkwe ne kákhwa ó꞉ni nonékanos tánon akwékon èhren entkáwithe ne sannratarinétsheras.

Isaiah 1:19

Tó꞉ka sathontahtserí꞉io tánon satewenhnará꞉kwah, ní꞉se kwáh ne ensék꞉seke ne ioiá꞉nere thá꞉has nonhontsáke;

Isaiah 3:10

Ietsiró꞉ri ne iakoiáneren tsi enhotiʼianerásten, asèken ne enhónhneke tsi nahó꞉ten rotiʼioténhen.

Jeremiah 11:4

Ne ne ateriwahsehronniátshera ne kheʼhionniénni ne sakothisotʼthonkonkénʼen ne ne sahthontatʼkhehiatínekenʼwe ne Egypt, nonhwénhtsia thóh niʼiotónʼne tsi ní꞉ioht ne kwáh tehiotsenhanonhiáni ne rahotiriwáhke. Kheró꞉ri nahionkewénhnarahkwe tánon éhtho nihatí꞉ier tsi niwahkatenná꞉hon. Kheró꞉ri tó꞉ka enhionkewénhnarahkwe, ronónha ne akonhkwetahshón꞉a enhónton tánon Í꞉i ne Raotí꞉io enkénhake.

Jeremiah 12:16

Tó꞉ka kwáh ronhnerhiasahkwékon tsi enhatihiéna ne akonhkwetaʼshón꞉a raothiriwiʼiostóntshera tánon enhatiriwahníraʼte, ‘Ne tsi rónnhe ne Roiá꞉ner’—ne tsi nithonwatiʼrihonniénni nakonkwetaʼshón꞉a nakonhwariwahníratse ne Baal—ethóhʼne kíʼ kwáh enhonwanatsatáhrahse nakonkwetaʼshón꞉a tánon kwáh enhotihianerásten.

Jeremiah 17:24

“Sehró꞉ri kíʼ onhkweshón꞉a ónenk tsi enhonthahonshaʼtháthe akwékon tsi niʼwahkahtennáhon. Kwáh iáh othènen tahathikaréni norhièna ne tahonnóhetsthe tsi iotenhenrahkáronte kíʼ kénʼen kanátaien ne tsatákhaton nónhta. Ónenhk tsi enhonnenhtaʼnóronsʼthe ne tsatákhaton nónhta ne tsi iawenhtatokénti tánon kwáh iáh othènen thaʼhotihióten.

Luke 1:6

Nok rotiianerekȣe rahohenton ne Niio, oriȣakȣekon oni rotiriȣaieritonhatiene tsini ȣatenienten oni tsini kariȣataton ne Roianer raoriȣasonha, iah tehotinnhiseraien.

Luke 11:28

Tontahenron: neh tanon naha iakotaskasts niakotaonsate ne Niio raoȣenna nok ronȣaȣennarakȣa.

Luke 9:48

Ethone tasakaȣenhase: Onkakiok tenhonȣarhoton kehiken raksaha, iiki tenhakarhoton; nok oni onka tenhionkarhoton tenhonȣarhoton ki ne takatennieton; aseken neh nakȣa kenh nitraha tsinitsion, neh enkaiatanoronke.

John 15:14

Onkȣatenro enkenhake neh nenseȣaiere tsini kȣannhas.

Romans 2:7

Rohnatiakhésons ne ronʼnónkwe nek rothiʼióte ne iohiánere, tánon ronʼnésaks neh kaiataterítsera, kakwenienstátsera, tánon ne hionʼnheónwe atónʼnhets; ronʼnónha ne Rawenni꞉io entesakáwen ne tsi nénwe enhonnónʼnheke.

Galatians 3:10

Nók tsi niʼiákon neh ieniahésen ne kaianerénsera ahonsahiakokwatákwaʼse tsi natehóntere ne Rawenni꞉io neh sakorewatákwa, asèken tsi niwáton noriwatokénti, “Rawenni꞉io shakorewátha nónhka ne iáh orihwakwé꞉kon tehiontewenhnaráhkwa ne Rawenni꞉io raoianerénhseras ó꞉ni ne rahorihonhnienʼní꞉tsheras.”

Deuteronomy 11:13

“É꞉tho káti, sewatewénhnarak kí꞉ken kariwatà꞉tsheras ne thakwawí꞉hon nón꞉wa wenhniserá꞉te; tsi sewanorónhkwak ne Roiá꞉ner sewaNí꞉io tánon seweriasakwé꞉kon tsi tsisewahiò꞉tens.

Deuteronomy 11:27

ne kahiataterí꞉tshera, tó꞉ka ensewatewénhnaraʼkwe tsi nihatón꞉nions ne Roiá꞉ner sewaNí꞉io né꞉tho tkwá꞉wis nón꞉wa wenhniserá꞉te;

Deuteronomy 15:5

tó꞉ka entsisewawénhnaraʼkwe tánon kwáh ioriwatokénhak orihwakwé꞉kon tsi sewatenhnikónhraren tsi nahó꞉ten wakwahró꞉ri nón꞉wa wenhniserá꞉te.

Deuteronomy 26:18

Ón꞉wa wenhniserá꞉te ne Roiá꞉ner watsisewaié꞉na tsi kwáh raónha rahonkweʼtashón꞉as í꞉ken, kwáh ki tsi nitsisewarahratstén꞉ni; tánon tsi sewahró꞉ris akwé꞉kon sewatewénhnarak ne raohianerénhseras.

Deuteronomy 26:19

Ne Roiá꞉ner kwáh onhkweʼtakwé꞉kon raónha shakohiatí꞉son, ók ki kwáh í꞉se entsisewakowaná꞉the ne tsi nihá꞉ti, tánon ensewahawá꞉ke ne kanonhwerathóntsheras ó꞉ni ne kakwenienstátsheras ne raoshén꞉nakon. Kwáh í꞉se rahonkweʼtashón꞉a enkénhake, tsi ki nihorahrátston.”

Deuteronomy 28:13

Ne Roiá꞉ner saNí꞉io ne enhión꞉ni nasehéntenhse nonkwehshón꞉a tánon iáh nashé꞉sere, kwáh tió꞉konte tsi enshahianerastén꞉ni ó꞉ni iáh nonhwénton tahisariwanó꞉ron tó꞉ka enhioriwatokénhake tsi enshatewénhnaraʼkwe akwé꞉kon ne rahoriwatà꞉tsheras né꞉tho tkwawí꞉hons nón꞉wa wenhniserá꞉te.