Deuteronomy 27:7 - Ohiatonhseratokénti

⁷ tánon tho nón꞉we nensewateskónten tánon nahisewahwárake tsi iensewatháte ne skén꞉non í꞉ken, ó꞉ni tesewatenonhwerathónsek rahohénton ne Roiá꞉ner sewaNí꞉io.

Deuteronomy 27:7 ပူးပေါင်းရင်းမြစ်များ

Nehemiah 8:10

Tánon washakawénhase, “Wáhs tánon í꞉sewak ne kakhwáhereh wathenhnikonhró꞉ri tánon sewahnekí꞉ra! Tánon iahetsiiatenié꞉ten ostón꞉ha asè꞉ken ne ronónha iáh ne othé꞉non tehonwatikwahtakwén꞉ni! Asè꞉ken kén꞉en wenhniserá꞉te ne iotokénhti í꞉ken rahonhà꞉ke nón꞉kwa Iá꞉ner. Tánon tó꞉sa sewaktiónhnion, asè꞉ken ne raotsenhnonhniá꞉tshera ne Roiá꞉ner né꞉ne sewá꞉wenk iothenhenraní꞉ron í꞉ken.”

Isaiah 12:3

Kwáh atsenhnonhniaʼtsherákon tsi iensnekótsienhte ne tsi ionaweró꞉tons ne kaiatakená꞉tshera.

Isaiah 61:10

Kwáh í꞉ken tsi kowá꞉nen enkatonnháren rahonháke ne Roiá꞉ner, kwáh akatonnhetsherakwékon iaʼtetsokétoʼte tsi enwatonnháren rahonháke nakeʼNí꞉io; asèken né ratseronhniáton naoʼtsherónh꞉niat ne kaienawaséhtshera, né rakerorókston né wakóses atiátawi ne aterihwakwahrihshón꞉tsheras í꞉ken, tsi ní꞉ioht né roniák꞉khe waharáseste wahatʼtatsitsaráh꞉raʼke, tánon tsi ní꞉ioht ne ioniát꞉khe wakará꞉seste né ionsthá꞉nion naowistanoroshónhas.

Isaiah 61:3

né nahontakheʼhiatʼkáwenh tsi nihá꞉ti ne ronatʼtiónhnion né Zion nón꞉we— nahontakhéhion ne otsítsa kakahkwenhtonniáton tsi ní꞉ioht né꞉ne akénhake ne wakenrontákwen okénhra, né꞉ne kénhie ne atsenhnonniátshera í꞉ken tsi ní꞉ioht né꞉ne akénhake nahiakhotiónhnionke, né nateweiárah ne kanonhweratónhtshera tsi ní꞉ioht né꞉ne akénhake ne kanikonhraksénhtshera. Né enhonwatinatónhkwahke karíhton karónh꞉ta né꞉ne karihwaʼkwahrihshiónhtshera í꞉ken, tsi roiéntʼthon ne Roiá꞉ner, né naré꞉neste ne raoʼiatanerakwáhtshera.

Habakkuk 3:18

Nek kik sáka enwakatonhnárake tánon enwakaʼtsenhnonhní꞉hake rahonhà꞉ke ne Roiá꞉ner; tiorì꞉wa ne Rawenni꞉io tsi thá꞉kenes.

Acts 10:36

Sewateriéntare tsi niwateriwanothatseróten iesakothenietén꞉ni nIsraeʼrónons, ratʼroríhawe ne kariwí꞉ios neh skén꞉non raonháke ne Ié꞉sos Kerístos, tsi nikáien neh akwékon Tseʼsakoiá꞉ner.

Romans 5:1

Ne káti tsi sénhak tionkwateriwaʼseronnién꞉ni tsi nitióha ne tewetákwen, ionkwaientáʼon ne skén꞉nen rahonháke ne Ié꞉sos Kerístos.

Romans 5:10

Tsi tewásonskwe ne Rawenni꞉io, nók washontiónʼnien ne raónha nonkwatéro ahitewáton thoʼnahontáwe ne tsi raweheión꞉ne ne Roiénha. Nónwa neh tsi ónen Rawenni꞉io onkwaténro ionkwatónʼon, tohsékon níkon entionkinónstate ne Kerístos rahothónʼnhets akarihón꞉ni!

Deuteronomy 12:12

Sewatsenhnonhníhak thóh rahohénton, skátke ne ietsihiohokónhas, sewanátsheras, tánon ne Levites nahatihiaʼtó꞉tens ne thóh sewanatá꞉kon ratinákere; sewehiárak né꞉tho Levites tsi iáh othé꞉nen tahononhontsaiéntaʼne nahonawenhkón꞉weke.

Deuteronomy 12:7

Thóh rahohén꞉ton ne Roiá꞉ner sewaNí꞉io, tsi raónha tsi sewahiatateríston, í꞉se tánon ne sewahwá꞉tsires kwáh tensewatská꞉hon tánon ensewanonwè꞉ne ne ioiáneres tsi nisewahioʼténhen.

Deuteronomy 16:11

Sewatonhnarón꞉nion tsi nón꞉we nihénteron ne Roiá꞉ner, skátke ne ietsihienʼokónha, sewanatsheraó꞉kons, tánon ne levites, thihononhontsá꞉tes, tehionthonhnakárias, tánon ne ionateréhons ne sewaná꞉takons konhtiʼteróntons. Tsi ionhterenhnaientákhwa kí꞉ken thóh naʼsewá꞉ier.

Deuteronomy 16:14

Sewaʼtsenhnónhniat skátke ne ieʼtsihienʼokón꞉a, ne sewanatsheraó꞉kons, tánon ne Levites, ne thihononhontsá꞉tes, ne tehontonhnaká꞉ris, tánon ne ionateréhons ne sewaná꞉takons konhtiʼterónton.

Deuteronomy 27:6

tiorí꞉wa tsi ní꞉kon ne ietsienharáhkwa entshiʼtsiónhnien ne Roiá꞉ner sewaNí꞉io ó꞉nenk tsi ne enhionhnià꞉thonke ne iáh othé꞉nen tekanenhiakwè꞉tarons. Tho nón꞉we nenhsewanonwarià꞉kon ne kaʼtshé꞉nen nakonhwateskónten,

Deuteronomy 27:8

Nonénhias ne kanawastháron sewahiáton kwáh tsi niaʼtekawénhnakes wenesthónhak ne Rawenni꞉io raoianerénhseras.”

Philippians 3:3

Nók í꞉i nonkwatsiáke neh ne kwá oriwiʼiohónwe tsi ionkiwharakwétaron, tsioʼríwa tsi ne thewasenʼnaientákwa thóh raosatsténsera ne Rawenni꞉io Rahonikónra tánon tsitewakweniénstha ne Kerístos Ié꞉sos. Iáh ne theionkwatharakwenháties ónh naionkwatséren.

Philippians 4:4

Aiáwens tiótkonhte ahisewathonnárake ne tsi Roiá꞉ner tesewahtheriwahsóntere. Shé꞉kon ne enskhíron: sewatonnárak.

Colossians 1:20

Rahonhá꞉ke ne Roiénha, káti non, ne Rawenni꞉io iathoriwahiéntase orihwakwé꞉kon ahonsahariwaseronhni ne rahónha raorihwà꞉ke. Kaiá꞉sake raonekwénsake ne Roiénha non skén꞉non wahrón꞉ni ne Rawenni꞉io, tánon káti orihwakwé꞉kon rahonhà꞉ke nón꞉we nathontáwe, kenikwé꞉kon nonwentsiá꞉ke oni ne tsi karonhiá꞉te.