Deuteronomy 27:14 - Ohiatonhseratokénti

¹⁴ Né꞉ne Levites enhontáti kí꞉ken owenhnaʼshón꞉as kwáh enʼthonkwísron:

Deuteronomy 27:14 ပူးပေါင်းရင်းမြစ်များ

Daniel 9:11

Onkweʼtakwé꞉kon ne Israerʼró꞉nons tehotiiá꞉kon ne saianerénhsera tánon iáh tehonathontá꞉ton naiesatahónhsatate. Waʼakwarihwané꞉raʼke tsi nokwá ní꞉se, eʼthó꞉ne káti tahskwatenniéhten ne kahrewahtáhtshera tsi nikahiá꞉ton ne Mahís raoianerenhserá꞉kon, né ne sanhátshera.

Deuteronomy 27:13

Tánon ne ratiʼtaraiéntons tsi tionónhte ne Ebal ienhón꞉ne tsi nió꞉re ne karewatà꞉tshera ienkarihowaná꞉tonhke: Reuben, Gad, Asher, Zebulun, Dan, tánon ne Naphtali.

Deuteronomy 27:15

“‘Rawenni꞉io enshakoré꞉wahte nónhka eniehiatonhniserón꞉ni nonénhia, oiénte, tó꞉ka ó꞉ni karístatsi tánon athasetonhkéha enkonhwashén꞉naien; ne Roiá꞉ner rásons ne kahiatonhniʼshon꞉as.’ “Tánon onkweʼtakwé꞉kon kwáh teieriwaʼserá꞉ko, ‘É꞉tho niʼiáwen!’

Joshua 8:33

Nisraerʼró꞉nons, skátke ne shakothihentènhses, ne ronaterihóntons, ó꞉ni ne ratiriwénhthas, ó꞉ni ne tihononhontsá꞉tes ne skátke ratinákeres, skatísons nokwá꞉ti wathatí꞉taʼne ne Roiá꞉ner Raoteriwaseronhniá꞉tshera í꞉wa kaneró꞉kwahkon, tehontatkonhshakánere ne Levitical rotikhá꞉res tsi niká꞉ien ne thothí꞉ha. Satekanenhrí꞉hen nonhkweshón꞉as ronatswathénion tsi Tionónhte ne Gerizim niehonatieráton tánon nó꞉ia ne satekanenhríhen ronaswathénion nonhné꞉e tsi tionónhte Ebal nénhne iatehatikà꞉nere. Né꞉ne Roiá꞉ner raonátshera Mahís thóh ní꞉ioht tsi rotró꞉ri thóh nahatí꞉iere nó꞉nen ienhkáhewe nahatiiéna ne kaiathaterítshera.

Joshua 8:34

Ethò꞉ne ne Joshua kwáh rowénhthe tsi kahianerenserakwé꞉kon wahawenhnanó꞉ten, skátke ne kaiataterítsheras ó꞉ni ne karewathátsheras, kwáh ki tsi nikahiatónhnions ne kahiatonhserá꞉kon ne kaianerénhsera.