Deuteronomy 27:12 - Ohiatonhseratokénti

¹² “Ne nó꞉nen iatenhsewahiáiakon ne Jordan, ne ratiʼtaraiéntons tsi ionónte ne Gerizim niehón꞉ne tsi nió꞉re ne kahiataterí꞉tsheras enkarihowaná꞉tonhke tsi nokwáh nonhkweshón꞉a: Simeon, Levi, Judah, Issachar, Só꞉se, tánon ne Benjamin.

Deuteronomy 27:12 ပူးပေါင်းရင်းမြစ်များ

Genesis 30:18

Leah waʼkén꞉ron, “Rawenni꞉io tahá꞉kon nakkariá꞉ktshera, tiorí꞉wa tsi wahiiatewentéhtaʼse ne teiakení꞉teron nakonkwé꞉ta watioʼténhse”; sók kiʼ Issachar wahoná꞉tonhkwe.

Genesis 30:24

tánon Só꞉se wahoná꞉tonhkwe, watónnionhskwe, “Aiá꞉wens ne Roiá꞉ner aonsahatiéhsten shé꞉kon ó꞉ia aonsonkenekenhteronʼtseraièn꞉taʼne!”

Genesis 35:18

Ók kenhé꞉ionhskwe, tánon nohná꞉ken shaʼtontontón꞉rie, Ben-oni wahohsèn꞉non ne roièn꞉ʼa; ók ne roʼníha Benjamin neʼ wahohsèn꞉non.

Genesis 35:22

Tsi nikarí꞉wes ne Israel tho nón꞉we nihanákerehkwe neh nón꞉we niionhóntsaien, né Reuben iahá꞉re tánon skátne wahiá꞉rate ne Bilhah ne ne roʼníha tehníiahsé꞉ne; tánon ne Israel waharihwá꞉ronke nétho. Ne Israel ó꞉nen tékeni iawén꞉re nihá꞉ti sihonekenhteronʼtsherá꞉ien.

Deuteronomy 27:11

Ethò꞉ne ne Mahís washakawénhase nonhkweshón꞉as ne Israerʼró꞉nonke,

Deuteronomy 27:13

Tánon ne ratiʼtaraiéntons tsi tionónhte ne Ebal ienhón꞉ne tsi nió꞉re ne karewatà꞉tshera ienkarihowaná꞉tonhke: Reuben, Gad, Asher, Zebulun, Dan, tánon ne Naphtali.

Judges 9:7

Nó꞉nen ne Jotham saharihwáronhke kí꞉ken, thóh niaháre tsi tsonónhte ne Gerizim tánon hiatohénrethe tsi thónʼnes, “Thakwahtahónhsatat, í꞉se ne tiónkwe ne Shechem nónhwe, tánon ne Rawenni꞉io nonhtsé꞉renk entsisewathahónsathaʼte!