Deuteronomy 27:1 - Ohiatonhseratokénti

¹ Ethò꞉ne ne Mahís, skátke ne sakotihéntenhse ne Israerʼró꞉nonke, washakawénhase nonhkweshón꞉a, “Sewatewénhnarak akwé꞉kon ne karihonhnienhní꞉tsheras ne tho takwahwí꞉hon nón꞉wa wenhniserá꞉te.

Deuteronomy 27:1 ပူးပေါင်းရင်းမြစ်များ

1 Chronicles 28:8

“Ká꞉ti nón꞉wa, nakonhkwetaʼshón꞉as, rahohénton nonkwahNí꞉io tánon kíʼ tsi iakotsataró꞉ron tsi niwatenáskwah Nisraeʼró꞉nonke, né Roiá꞉ner rahonkweʼtaʼshón꞉as, Wakwahrihónten kwáh ioianeréhak tsi ahisewatewénhnarahkwe orihwaʼkwé꞉kons nètho Roiá꞉ner onkwahNí꞉io tsi nishonkwahríhonte, né ká꞉ti nahónton ne iahisewakónhtaʼkwe nahisewatienawastónhake kí꞉ken iohontsí꞉io tánon ká꞉ti nahonsaietsihiohétsthaʼse ne tahatinekwenhsatátse tsi nénhwe.”

Psalms 78:7

Thóh ká꞉ti kí kén ní꞉ioht ne ronónha tsi entonwéthakwe ne Rawenni꞉io, tánon iáh tahotiʼnikónhren tsi nahó꞉ten rohiothénhen, ók enhontiénawasthe ne raorihwatátsheras;

Luke 11:28

Tontahenron: neh tanon naha iakotaskasts niakotaonsate ne Niio raoȣenna nok ronȣaȣennarakȣa.

John 15:14

Onkȣatenro enkenhake neh nenseȣaiere tsini kȣannhas.

Deuteronomy 1:1

Né kén꞉en kahiatónhsera né rowenhnasónhas ne Mahís shakotharáhni nonkweʼshón꞉a ne Israerʼró꞉nonhke nó꞉nen ionwenhtsiathèn꞉ke shehónhnes né꞉ne tsitkarahkwí꞉nekens nokwá꞉ti ne Jordan kaniatarahtátie. Ahonráhkwakon ne Jordan ákta ne Suph rónhneskwe, tsi naʼtetiátere ne tsi kanátaien ne Paran né꞉ne skáti nó꞉kwah ne tsi kanátaien ne Tophel, Laban, Hazeroth, tánon ne Dizahab né nakʼtenókwah. (

Deuteronomy 11:32

iorihwihióhak tsi sewatewénhnarak akwé꞉kon ne kaianerénhseras né꞉tho tkwawì꞉re nón꞉wa wenhniserá꞉te.

Deuteronomy 26:16

“Nón꞉wa wenhniserá꞉te ne Roiá꞉ner sewaNí꞉io tsi sewahró꞉ris nahisewatewénhnaraʼkwe akwé꞉kons ne raohianerénhseras; káti sewatewénhnarak tewethakwenhtsérakon kwáh seweriasakwé꞉kon kénhak.

Deuteronomy 26:19

Ne Roiá꞉ner kwáh onhkweʼtakwé꞉kon raónha shakohiatí꞉son, ók ki kwáh í꞉se entsisewakowaná꞉the ne tsi nihá꞉ti, tánon ensewahawá꞉ke ne kanonhwerathóntsheras ó꞉ni ne kakwenienstátsheras ne raoshén꞉nakon. Kwáh í꞉se rahonkweʼtashón꞉a enkénhake, tsi ki nihorahrátston.”

Deuteronomy 27:2

Nenhtewenhniserá꞉teʼke nó꞉nen iatenhsewahiáiake ne Jordan Kaniataratátie tánon thóh nenhésewe ne tsi ionhontsá꞉ien né꞉tho Roiá꞉ner sewaNí꞉io thetsisewawì꞉re, kanenhiowá꞉nens sewakwahtakwenhá꞉ton, sewanawatstháro,

Deuteronomy 6:17

Orihwí꞉io tsón꞉ni akwáh sewatewénhnarak akwé꞉kon ne kaianerénhseras ne tetshisewawíhon.

Ne꞉ne Sák Rohiaton 2:10

Nónka nénskat tenháiake ne ahtsawenrátsera ne enhon꞉nontánake tsi kwáh akwékon niaʼtehohiákon.