Deuteronomy 26:5 - Ohiatonhseratokénti

⁵ Ethò꞉ne, rahohénton ne Roiá꞉ner ensheshirón꞉nion kí꞉ken owenhnaʼsón꞉as: ‘Ne ratsotkénʼen ronatenháwiskwe Aramró꞉non, ne rahowá꞉tsire Egypt nieshakohiaʼténha thóh nón꞉we ieshatinákereʼkwe. Iáh teshonatioʼkowanénhne ne nón꞉we shahón꞉ne, ók sahonatiohkowá꞉nen tánon sahatishatstenhserowá꞉nah.

Deuteronomy 26:5 ပူးပေါင်းရင်းမြစ်များ

Genesis 12:2

Ne enkónniaʼte tsi nienhsathwatsí꞉rine naesewatiohkowá꞉nenke, tánon kwáh enkoniaʼtaté꞉rihste tánon enkonhsennó꞉wanahte, ne katiʼ nahsheiatʼateríhsthake nakohrén꞉shon.

Genesis 24:4

ók tho nón꞉we niahá꞉se tsi nón꞉we tewakenakerahserá꞉ien tsi nón꞉we tekwatsí꞉raien tánon tasheiaʼténhaf ne iakón꞉kwe nahotíniake ne riién꞉ʼa Isaac.”

Genesis 25:20

NʼIsaac kaié꞉ri niwáhsen shaʼtehaohseriiá꞉kon shahotíniake ne Rebekah, ne ne Bethuel shakoièn꞉ʼa (Aramró꞉non ne ne Paddan-aram), ne ne Laban iatenoʼsénha Aramró꞉non.

Genesis 27:41

Nón꞉wa ne Esau róhswenhskweʼ ne Jacob, ne iorihonní꞉ʼon ne kaiaʼtateríhtshera ne roʼníha tsi roiaʼtateríhston ne Jacob, tánon ne Esau raonhá꞉ke khók tsi wahén꞉ron, “Ne wentaténionʼs nahonwatshón꞉nionʼse ne rakeʼníha ákta taiawenonhtonhátie; eʼthó꞉ne kíʼ enhinonhwariá꞉kon ne iatiatateʼkén꞉ʼa Jacob.”

Genesis 28:5

Eʼthó꞉ne NʼIsaac iahotó꞉ri ne Jacob; tánon Paddan-aram niahá꞉re, tsi thén꞉teron ne Laban, ne ne Bethuel roièn꞉ʼa ne ne Aramró꞉non, ne ne Rebekah iatenoʼsénha, tánon ne ne Jacob tánon Esau shakotiʼnisténha.

Genesis 31:20

Ne Jacob wahoʼnikonhrhá꞉hten ne Laban ne ne Aramró꞉non, nétho tsi iáh tehohró꞉ri tsi í꞉rehre aonsahaʼniá꞉kenʼne.

Genesis 31:24

Ók ne Rawenni꞉io wahototáhshien ne Laban ne Aramró꞉non atetshenhserá꞉kon ne tsi niwahsón꞉tehskwe, tánon wahawènhahse, “Senikón꞉rarak tóhsa né tsowén꞉na tshénhahs ne Jacob, naioiánereke khehs naonhetkèn꞉take.”

Genesis 31:40

Kenʼ ní꞉i niwatiaʼtawenhskwe: ne tsi niwenhnísereʼs enwakaʼtaríhen, tánon noʼkarahsnéha iowísto nenʼne ʼeh, iáh tekkwénieʼskwe naonkí꞉taʼwe.

Genesis 43:12

Tánon tesewaiá꞉seren tsi ní꞉kon iaʼsewáhahf nohwísta, ionsasewáhahf nohwístas ne é꞉neken nonátsaʼs karátiéne ne sewaiá꞉rakonʼs; tókaʼ nón꞉wa tewaterienʼtawenrié꞉ʼon.

Genesis 45:11

Kwáh entkoniatká꞉wen ne kákhwa neh nón꞉we—aseʼkénh shé꞉kon wísk niiohserá꞉ke iotatén꞉ron natonhkariá꞉kon—ne katíʼ ní꞉se tánon ne sahwá꞉tsire, tánon akwé꞉kon tsi naesaièn꞉take, kwáh tóhsa oh thé꞉nen aesanorónhsten.’

Genesis 45:7

Rawenni꞉io ohén꞉ton tahakaténniehte ní꞉se sewarihwá꞉ke ne nakwanónhstate niaʼtaesewatá꞉tenre tsi ionhontsá꞉te, tánon nakanonhstátonke ne tsi iakónhnhe ne naón꞉ton iakentiohkowá꞉nen aieʼniá꞉kenʼne.

Genesis 46:27

Tehniiáhse ne Só꞉se raonekenhteronʼtsheraʼshón꞉ʼahs, ne ne Egypt nón꞉we nihonanakerá꞉ton, katíʼ ne ratikwé꞉kon ne Jacob raohwá꞉tsireʼs ne Egypt niehoné꞉non tsá꞉ta niwáhsen nihá꞉ti.

Genesis 47:27

Tánon ne Israel Egypt aotonhontsà꞉ke non꞉we nahanà꞉taien, ne ne tsi watonhontsá꞉ien ne Goshen; tánon wahontiénawahste nonhóntsa neh nón꞉we, tánon wé꞉so wahonatónnien tánon kwáh í꞉ken tsi wahonatiohkowáhnha.

Genesis 47:4

Wahonwènhahse ne Pharaoh, “Taiákwe kén꞉ʼen nón꞉we nikanakerahserá꞉ien naiakwenʼterón꞉take ne ne kenʼk nakarihwé꞉sonke; aseʼkénh iáh oh thén꞉nen tetsotekhón꞉ni ne tsi shakotiʼterontáhkhwa ne raotitshenenʼó꞉konʼs ne sahnhaʼtsheraʼó꞉konʼs ne tsi wateʼenhrowanén꞉ke tiorí꞉wa natonhkariá꞉kon tsi naʼteiotenonhianíhton ne tsi tionhontsá꞉ien ne Canaan. Ó꞉nen kiʼ kwariʼwanontón꞉nis, sheríhon ne sahnhaʼtsheraʼó꞉konʼs nahontená꞉taien ne tsi ionhontsá꞉ien ne Goshen.”

Exodus 1:12

Ók né sénha ne Egyptró꞉nons enhonwatiʼronhiákenhte ne lsraeró꞉nonhs, sénha kíʼ wahonahtsiokowáhnah tánon sénha tenhonwanahréniaʼte ne tsi ionhwénhtsaien. Ne Egyptró꞉nons wahonwatiʼtshá꞉nihke ne lsraeró꞉nonhs

Exodus 1:5

Né tkhakwékton tsi niháti kí꞉ken onhkweshón꞉aʼs né꞉ne kwáh Jacob nónhwe nithonatwatsirínon tsáta niwáhsen nihatiʼhiatásen. Ne roʼiénha Só꞉se ó꞉nenk nènhneʼe Egypt nónhwe iéhres.

Exodus 1:7

ók ne sakonahterehokónhas, né꞉ne lsraeró꞉nonhs, wéso wahotiʼwirahʼientàsehron tánon tsi nahonahtsiokowàhna tánon wahatiʼtsiokwahnírahne né Egypt nónhwe kwáh ronònhak khók thitahtírahkwe.

Hosea 12:12

Ne Jacob tsi tiohontsá꞉ien ne Aram nón꞉we niahá꞉re, thóh nón꞉we ne nahónton ahanakwahtsénhri ó꞉ia rónkwe wahohiò꞉thenhse wasakothenhnikónhraren ne rahotshenenhó꞉kons teiotinaʼkarontón꞉as.

Hosea 12:13

Ne Roiá꞉ner rotokénhse iahotó꞉ri né꞉ne tahontasakohiaʼthénhawe nʼIsraerʼró꞉nons ne Egypt iehón꞉nes, tánon tashakorihwasniése.

Acts 7:15

Ehʼthóhʼne ne Jacob Egypt niaháre, thóh nónwe raónha ó꞉ni ne sakoioʼokónhas iahonníheie.

Deuteronomy 1:10

Ne Roiá꞉ner sewaNí꞉io watsisehwenhtioʼkó꞉wanahte tsi ní꞉ioht ne tsi iotsistohkwarónhnions ne tsi karonhiá꞉te.

Deuteronomy 10:22

Nó꞉nen ne ietsisoʼthonkonhkén꞉en Egypt shiahón꞉ne, tsáta kók nihatihiathásen nihátikwe. Ók ki nón꞉wa ne Roiá꞉ner sewaNí꞉io thóh nió꞉re tsi sewenhtioʼkowanáston tsi ní꞉ioht ne tsi iotsistohkwarón꞉nions ne tsi karonhiá꞉te.

Deuteronomy 26:4

“Ne rokhá꞉res enhiákwa ne á꞉there tánon ohénton ne tsiratienharáhkwa ne Roiá꞉ner saNí꞉io enháien.

Deuteronomy 7:7

“Ne Roiá꞉ner iáh tetsisewanorónhkwakwe ók í꞉se watsisewahiaʼtará꞉ko tiorí꞉wa tsi í꞉se sewentiohkowá꞉nen tsi ní꞉ioht nakorénshon nonhkweshón꞉ʼa; í꞉se naonhà꞉a kenʼnítsonhkwe nonhontsà꞉ke.