Deuteronomy 26:2 - Ohiatonhseratokénti

² tsi sewahiatà꞉tions ó꞉nenk tsi athé꞉rakon ensewátha nentewatié꞉renhte ensewaienkwáko tánon tsi tionhterenhnaientákhwa niaʼsewáhaf.

Deuteronomy 26:2 ပူးပေါင်းရင်းမြစ်များ

2 Kings 4:42

Shé꞉kon ó꞉ni óia kènhʼne, rónhkwe Baal Shalishah nónhwe nonhtháre, tewásen niʼkanataráke tahonatharenhawíten ne Elisha né꞉ne tsiotserénhton ne tehiotikonstónhres rotiʼientwákwen nètho ioseráthekwe, tánon osthónha toʼkàra nikarahthákes nonátsas. Né Elisha washakoróri ne rahonkwetashón꞉has né ahonwatínonhthe ne rotitókense rahotitsiókwa,

2 Chronicles 31:5

Kwáh kí tsi niʼiostóre né waʼhonwatirihónhten, Nisraeʼró꞉nons tahatihásehron ne raonathatawí꞉tsheras né kwáh tkanatsí꞉ios, nonenharatashehontsherákeri, iakenhiewátha kénʼies, otsinakonhthá꞉kwahne otsikhé꞉ta, tánon noiásons nihiothá꞉nions né ratiʼiéntʼthos rotiʼientwáhkwen, tánon ó꞉ni tahatihásehron noieríhaton iéken kwáh tsi nahotiʼiénhthake.

2 Chronicles 6:6

Ók kíʼ ó꞉nen Jerusalem nón꞉we nakeráhko tsi nón꞉we nenhiontsenhnaientákwahke, tánon í꞉se, Táwit, ensehiatkóraste nakonkweʼtaʼshón꞉a.’”

Nehemiah 12:44

Ne thóh shiwenhniserá꞉tekwe ronáhtiaʼkes ne ronhnónkwe wahonwatihiaʼtarakwenhá꞉ton thóh tsi ionataién꞉tons tsi iewistaientáhkwa, ne aorihwà꞉ke ne tkaiestánions, né꞉ne tiotierénhton iohiarí꞉hon, tánon noʼwístas. Ronón꞉ha enhatiró꞉roke ne kahetákons ákta ne tsi kanatowá꞉nens ne tsi nikonhátses ne entioianénhawe ne kaianerénhsera, ne raotirihwà꞉ke ratiʼtsihénstatsis tánon ne Levites; asè꞉ken ne Judah wahontonhnarónhnion ne ratiʼtsihénstatsis raotirihwà꞉kes tánon ne Levites tsi ronón꞉ha ronaterahrá꞉ton.

Nehemiah 13:31

Tánon noién꞉te tsi nithatiiéstha tsi nienkáhewe, tánon nenhtewatiérenhte enwahiárih. Takhehiá꞉rak tanon tatiataté꞉rist, a꞉keʼNí꞉io.

Exodus 20:24

Thaʼtiónhnen ietsienharáhkwah okénrah nahóten tsónhniaʼt, tánon thoʼèhneken sewatsiaʼtáʼtsaʼàhtt ne sewatshénen teiotinakaronhtónʼa ó꞉ni ne sewatʼtshénen tionónhskwahron niaʼhisewá꞉thate né꞉ne kwáh í꞉ken tsi ahontsahathonhake tánon né꞉ne skariwa tsi iahisewataʼte. Né kwáh tsík nonhwéhsons ne kwahrahkwénhni naskwahsénhnaien, kwáh kíʼ èntke tánon enkwaʼhiatatérisʼthe.

Exodus 22:29

“Táskon tsi níststats ne sanhátsia, ne sanéka ne onenharataʼsehonhtsherákeri, tánon ne sáwenk iakeniewáhtha kènie nónen ienkáhewe. “Táskon ne entewatiérenthe enhonnákerathe ne rotiskenrakéte sehiohokónha.

Exodus 23:16

“Sewatenikonhró꞉ri ne tsi nihieientʼthókwas katkhwáhere né nónen ensewaientkwáko ne sewaientʼtóhtsheras. “Sewatenikonhró꞉ri ne katkhwaráston tsi nensewateweiénton ne kanenaké꞉ne, né nónen ensewaʼhiáko ne kahiksónhas ne sewanenhaʼraientʼtónnions ó꞉ni ne tsi ioronhthóhtons ne kahiksónhas.

Exodus 23:19

“Iatehiosehráke tasehwáhaf rahonónskon ne Roiá꞉ner sehwaʼNí꞉io né nenhtewatiérenhthe ensewaientkwáhko nonátsia. “Tó꞉sa sewahwaráhrit ne ken nithoʼhiónha teiotinakaronhtónʼa tó꞉ka ó꞉ni ne kaiatákeras né꞉ne ronisténha ahonónhta ahísewatsʼthe.

Exodus 34:26

“Iatehiosehráhke Roiá꞉ner rahonónhskon tásaf nenhtewatiérenhthe onátsia enshientʼthó꞉ko. “Tó꞉sa ènsehrithe ne kentiʼthohiónha teiotinakaronhtónʼa tó꞉ka ó꞉ni ne kahiatákeras né꞉ne konwanisténha ahonónhta áhsasthe.”

Jeremiah 2:3

Israel, kwáh iatetiáti tsi Í꞉i akonhkwéta ní꞉se; í꞉se ne kwáh iotokénti nahkawenhkónhwe. Ienkehiathenieténni ne karonhiakénsera ó꞉ni ne kariwahiesáhtshera kwáh tsikʼónhka nenhieshakaréwahte. Í꞉i, ne Watiá꞉ner, wakatáhti.”

Ezekiel 20:40

Thóh nónhwe ne iohontsáien, né nakenonhtatokenhtíke, né꞉ne tiotenónhtahte Israerʼró꞉nonhke, sehwahkwékon ne Israerʼró꞉nonhke tsi enskwasénhnaien. Kwáh enwahkerientí꞉io tsi nòkwah ní꞉se tánon kwáh enwahkeráhreke nahontaskwahawíthase ne sehwatsahathá꞉kwen, ne kwáh tioiáneres ne sewahthatawítsheras, tánon ne sewáhwenk ne iotokéntis naskwáhion.

Ezekiel 44:30

Né rothikháres ne enhatiʼiéna ne kwáh tiohiáneres nenh tewahtsérenhte kaientwáhkwenhs tánon nohiásons nahoténsons né hiontʼthá꞉ti. Tsi nihioriwáke nonhkweshón꞉ʼa enhiontenahtharónhten, ónenk tsi rothikháres entʼthonwénhnon nentewahtsérente enhóntkaʼwe, tánon nahtsiathaterítsera kwáh raotinonhskónson nónhwe nenhiothaténronhke.

Ezekiel 48:14

Né iokwénhrahre ne Roiá꞉ner ronhwarakwénhni né꞉ne kwáh tsiohontsí꞉io né tsi niwahthonhóntsa, tánon iáh thaʼhóten nahontenhnínonhke tó꞉ka ó꞉ni ne tahonthatáwike tó꞉ka ó꞉ni nónhkak akóren ahonsahonwatisénhnahren. Kwáh iotokénti tánon Roiá꞉ner rahówenk.

Leviticus 2:12

Ne entèshiesʼthe nenhtewaʼtsiérenthe ensentwáko nonátsa né iaʼtehiosehráke ientsawíten ne Roiá꞉ner, ók iáh kíʼ ientsienharáhkwahke tahontsahatónhake.

Leviticus 2:14

Nónenh entetiawíten ne Roiá꞉ner nátsion nentewatsárenhthe enshientwáko nonátsa, ne thátion ne kanatsakeríton tó꞉ka ó꞉ni ne katʼtheserónhni.

Romans 11:16

Tóhka ónkak enthónʼhion ne Rawenni꞉io ne tsiotierénton kanatarakwétaron, kwáh káti kanatarakwékon raónha rahówenk; tánon tòhka ónhkak ahonwátatʼtse ne Rawenni꞉io neh karónta ahotéra, nonenrahshónhas raónha kíʼ nòn꞉ne rahówenk.

Romans 16:5

Tekenonweráthons ne thonetákwen tsi rahotinonskónsons non niʼonterénnaiens kwáh tsi ní꞉ioht ne ononsatokentíke. Tekenonwerátons nakaterósera Epaenetus, rahónha ne totserenton tsi watonhontsaien ne Asia tahawetakwe ne Kerístos.

Romans 8:23

Nók iáh kíʼ nek khók tèken tsi nahoténsons ne kashahánion; onhtionháke nón nikénteron nonikónra, neh tewatierénta tesonkwáwis ne Rawenni꞉io káti ó꞉ni skát꞉ke tsi ionkwanikonranónwaks, tsi nihionkwárare ne Rawenni꞉io thoʼní꞉ioht tsi ahsonkwakenhénion tsi síken ní꞉ioht neh rahónha sonkwaiohokónhas íken, tánon ó꞉ni kwáh tewahiatakwékon tsi ahonsontatewenní꞉ioʼne.

1 Corinthians 15:20

Ónk ne kwáh oriwiʼiohónwe né꞉ne tsi shonwahkétskwen ne Kerístos ne kenheiátne, né kahriwahnírats tsi nihiákon ne iakótas ne kenheiátne tsi entiontʼkétsko.

1 Corinthians 15:23

Ónk tionkwetátʼtion tsi entsiontʼkétsko kwáh entkaiérike tsi enkahkwahtákwenke: Kerístos, ne kwáh tiotierentáhkwen; ehʼthóhʼne, tsi ienkáhewe nónen téntʼre, tsi nihiákon ne rahónha rahonkwetasónha.

1 Corinthians 16:2

Kwáh iaʼteiawentatokentiʼtsheráke ónenk tsi ákthe nensewáhien nowísta, ne entiohianénhawe tsi nahtesewahthéntion, tánon sewahteweiénton, ne káti ne tóhsa tahiontonhontiohónhake nahisewahwistaróhroke nónen téntke.

Deuteronomy 16:10

tánon ethò꞉ne sewateʼnikonhró꞉ri ne kaientwákwen tehiontenonhweronhkwátha, ne natsisewakwéniensthe ne Roiá꞉ner sewaNí꞉io, ne tsi kwáh ehnisewaʼnikonhró꞉ten tsi taʼtsisewahawí꞉ten tsi nakonhà꞉ke ne kahiataterí꞉tshera thetsisewá꞉wi.

Deuteronomy 18:4

Ronónha enʼthontié꞉renhte enhatiʼié꞉na ne kaientwákwen nonátsa, onenharataʼsehontsherákeri, iakeniewátha kén꞉ie, tánon nonónhweron.

Deuteronomy 26:1

“Ne nó꞉nen ensewatienawastónhake ne ohóntsa né꞉tho Roiá꞉ner sewaNí꞉io entetsí꞉tion tánon thóh nón꞉we nensewanákereʼke,

Deuteronomy 26:3

Thóh niahasewe né꞉ne ratsihénstatsi ne roterihónte ne nenhkahá꞉wi tánon tsi sewahró꞉ri, ‘Ó꞉nen wahiriwaniratʼtse ne Roiá꞉ner Akení꞉io tsi ó꞉nen wahakwahtáwehiaʼte ne tsi ionhontsá꞉ien ne iakisoʼthonkonhkén꞉en shakorahratstén꞉ni henteshón꞉tion.’

Ne꞉ne Sák Rohiaton 1:18

Ne tsi kwáh raónha ehnihonikonrhótenʼne thóʼnon nashontiónnhete noriwihioʼónwe nowénna, né꞉ne hiathetewahiáti ohénton ahkénhake tsi niatheʼháti ne sakohiathísons.

Joshua 18:1

Nó꞉nen sahatiiéna nonhontsaʼshón꞉as, kwáh kenʼnenhrakwé꞉kon ne Israerʼró꞉nonhke wahonhnitiohkwaró꞉roke ne Shiloh nón꞉we tánon wahonthatoserothón꞉nion tsi nón꞉we ní꞉res ne Roiá꞉ner.

Revelation 14:4

Ne tsi ronón꞉ha iáh tateonatatsiatastónston skátne ne konhnón꞉kwe, asè꞉ken iáh teotiniá꞉kon; ronón꞉ha ronwahnonterátses ne teonakarontón꞉ha owí꞉ra kwáh tsik nón꞉we nienhénre. Ronón꞉ha ne shonwatiiatákwen tsi nokwáh ne onkweshón꞉as kwáh né꞉ne entewatsetrénhte kaientwákwen ne enthón꞉ion ne Ní꞉io tánon ne teotinakarontónha owí꞉ra,