Deuteronomy 24:17 - Ohiatonhseratokénti

¹⁷ “Tó꞉sa shenikonhráhten ne tihononhontsá꞉tes ó꞉ni ne tehontonhnakárias tsi nahotihianerenseraiéntake; tánon tó꞉sa ienshá꞉we ne ioteréhons ahotsherón꞉niat nahontkaraiéntaʼkwe tsi enswístani.

Deuteronomy 24:17 ပူးပေါင်းရင်းမြစ်များ

Job Tánon ne Raoronhiakensera 22:6

Asè꞉ken natiónhnien natatekénhsera nahonshahiakáriakse nowís꞉ta ne skarotá꞉ni, iáh othén꞉non teshaié꞉nas; tánon ní꞉se ne tesatonhontsó꞉ni ne iáh othé꞉non teotí꞉ien—raotinoststóskon í꞉ken!

Job Tánon ne Raoronhiakensera 24:3

Ne tehontonhnakárias raotiʼtshé꞉nen tewahòn꞉tes sakotihenharátha; tánon ienhonwaiaʼthénhawe ne teonaká꞉res tionhnónskwa ne ioteréhons ahotshé꞉nen tsi nió꞉re ienskakarókthen.

Exodus 22:20

“Enhonwaríwenhthe nahonwanonwarhiá꞉kon nónhka nahaʼtsatátshaʼahthe ne katshénen niaʼsakotátʼtse ne kahiaʼthonhnisónhas, ók kwáh nék khók Ní꞉i, ne Watiá꞉ner.

Exodus 23:2

Tó꞉sa taʼsehriwáhwas ne iakotiokowáhnen nónen tenhonterientaʼwénhrie tó꞉ka ó꞉ni né enhontró꞉ri ne kahiótats ne kariwaʼkwahrishióntshera.

Exodus 23:6

“Tó꞉sa sehiathonhníiens ne kariwaʼkwahrishióntshera ne iakóten nónen tsi teiehiatoʼrehtákwah iatenhiéthaʼne.

Exodus 23:9

“Tó꞉sa sheiateweiennaksáten ne tihononhontsáte; shaʼteriénthare tsi ní꞉ioht ne thiʼiakahontsáte íken, tsioríwa tsi thiʼtsionhontsátekwe ne Egypt nónwe.

Proverbs 31:5

Nó꞉nen rotihnekí꞉ren, enshotiʼnikónhrhen ne kaianerenhseraʼshón꞉ʼa tánon enhshontateʼnikonhrhénhten raotiianerenhseraʼshón꞉ʼa nonkweʼhó꞉kon nahshakotiiaʼtakéhnha.

Ecclesiastes 5:8

Tó꞉sa sahneráhko nónenh ensatkátho né kakórahse iakoronhiakéntha ne iakoténtha tánon tsiakototʼtakwénhni ne kariwahkwahrishión꞉tshera tánon ne tkariwaiéris. Iaʼtehionkwétahke ne ronahterihónton tsi thonwahthínes ónhkak ne sénha éneken ronahteríhonte, tánon ó꞉ni shé꞉kon tetsáronh thonwathínes né sénha éneken ronahterihóntons.

Isaiah 1:23

Né ieshakoráshons iehonwatsatóntsies ne Ní꞉io tánon ne wahonteroserónhni ne ratinénskwas. Onkwetakwékon ne ienónhwes ne knahótenk tahionthaʼthetsikhetáhroʼse tánon ne ratiriwanóntons athatahwí꞉tsheras ahonwanawíhon. Kwáh iáh tethesakótines ne tehiontonhnakárias, tánon ne ionateréhons ahotirihwashónhas iáh rahotihénton tsewétha.

Isaiah 3:15

Nahóten sewéntons tsi watsetsinenstsákon nakonkwetaʼshónhas, tsi wahetsikonsakénhrieh ne iakotenténion? Ráton ne Roiá꞉ner Sakoní꞉io ne ronterí꞉ios ratironhiaʼkeró꞉nons.

Isaiah 33:15

Tsi nikáton né thóh nón꞉we nihiakothahí꞉taʼke ne kariwakwahrihʼshiontsherákon tánon ne iakotharáhkwen ne tkarihwaiéri í꞉ken, rotikenrá꞉tani né thènen ahatiʼiéna ne kawisenhehióntshera akarihónhni, tehonhnentsateníhons skonwatʼtátha ne kanikonrá꞉ton né꞉ne tó꞉sa ahatiʼiéna, tehonatahonthaʼkwékton né꞉ne tó꞉sa ahonatʼtónhtene naienékwah tánon tehonatateronhwékon né꞉ne tó꞉sa ahontkátho ne karihwahetkénhsera,

Jeremiah 22:3

“Í꞉i, ne Watiá꞉ner, konnháhon ne ne ahishaʼhióten ne tkariwahiéri tánon ne ioiánere. Tàsheʼne ne iontahtenikonhrahténnis tánon é꞉ren tsi sehwahiatenháwit ne shaʼkonikonhrahtén꞉ni. Tó꞉sa sehiatiéskwen tó꞉ka ó꞉ni ne thaʼsehianikonrhiákʼten ne kenkʼtiʼthoné꞉non, ne tehonthonnahkárhias, tó꞉ka ó꞉ni ne ionahteréhons; tánon tó꞉sa ó꞉ni sehnonhwaʼrhiakónnion ne iáh othènen tehothiníkonh ne kén nónhwe niwahtenátahien.

Jeremiah 5:28

nonhtiéren tsi ronahrésenhs ó꞉ni kwáh ioiánere tsi tehonskáhons. Iáh tiehiotókʼte tsi nihatiweiennákʼsens. Iáh tetheshakonáhwis ne tehionthonnahkárhias ne raothihianerénsehras khés nahonnénesʼthe ne tkarihwaiéri tsi nòkwa ne sahkotiwihsáhtha.

Ezekiel 22:29

Ne rotikwáhtses ratinikonhráhtha ó꞉ni ratinénhskwas. Sakonahtiéskwahni ne iakóten sakothitesténhni ne thihiakahontsáte.

Ezekiel 22:7

Kwáh iáh tsi nítsion ne kanatowahnénhʼne sehwanáhkere teietʼtsikweniénstha ne iesaiénha. Sehnikonhrahténhnis ne thihononhontsátes tánon tesehiatotʼthakwénhnis ne ionateréhons ó꞉ni ne tehonthonhnakárhias ratitsahokónhas.

Leviticus 19:33

“Tó꞉sa sehiateweienhnaksháten ne tihononhontsátes ne tionhontsáke ratinákere.

Micah 7:3

Ne ronhtsánakes ne iorenhnàhon ne wahétken tsi nahóntiere; ne ronaterihón꞉tons tánon ne ratirihwénhthas ratirihwanón꞉tons ne khahó꞉tenk ahonwatikáriakse, tánon ne thonatsénhnates ronónha rontá꞉tis nahotkaronhniátshera ne raonatónhnhets; káti tehatisehrí꞉ies ne kaiáneren.

Zechariah 7:10

Tó꞉sa shetensté꞉ten ne ionahteréhons, ne tehiontonnhakárhias, ne thihononhontsá꞉te ne skátke sehwanáhkere, tó꞉ka ó꞉ni nónhka thé꞉nenh tahiakothonwenhtsó꞉nike. Tánon ó꞉ni tóhsa thé꞉nen sehwateʼnikonhrón꞉ni ne tahisehwatatʼkahré꞉wahte.’

Malachi 3:5

Eʼthó꞉ne kiʼ kwáh sewaiaʼtákta én꞉kehte nakwarí꞉wenhte; kwáh entiaʼtahstó꞉reke tsi enkerihwahní꞉rate tsi nonwá ne rontenʼèn꞉naras, tsi nonkwá ne rontenahkwaiesáhtha, tsi nonkwá ne ratirihwahní꞉rats nonó꞉wenʼs, tsi nonkwá ne shakotironhiakèn꞉tha ne ratihnhá꞉tsheraʼs tsi nihonatkariá꞉kse, ne ionatehré꞉ʼons tánon ne tehontonhnhakárhias, tsi niiá꞉kon ne é꞉ren iehonwatí꞉reks ne thihonnonhontsá꞉te, tánon ne iáh teiontatkweniènhstha, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

Luke 3:14

Ok oni ne sotar ronȣariȣanontonnihakȣe oni noneh, ronton: Oh nii nenhiakȣaiere? Tontahenron, tosa ok tontaietsiianontons, aietsinikonrhaten oni onkakiok akenhake; ok taseȣennikonriakonhak tsini seȣatkariakse.

Deuteronomy 1:17

Tó꞉sa sewè꞉nest nahontesewarihwarè꞉kwen tsi tensewahiató꞉rehte; tsi teieʼtsihiatorè꞉tase kwáh akwé꞉kon ne shakaʼnónhkwa akénhake, iáh tewatsterístha ónhka akénhake. Tó꞉sa ónhka ietsitsaʼnísek, asè꞉ken ne sewahiatoreʼtá꞉tshera Rawenní꞉ioke nitewétha. Ne thé꞉nen shótsi ahioriwaní꞉ronhke ne sewariwà꞉ke, akónhake nonhtasewáhaf, tánon í꞉i tetiaʼtó꞉rehte.’

Deuteronomy 16:19

Tó꞉sa rothiʼiéntak ne iáh tehioteriwakwaríshon tó꞉ka ó꞉ni nahonhnè꞉neste tsi thotiriwarèhkwen tsi nokwáh ne rahotihiaʼtoretátshera; tánon iáh tehiówenk nahatiʼié꞉na ne thé꞉nen tahonwatitsikhethá꞉roʼse, nathatawí꞉tsheras tehiakorónhweks ne ronhteʼnikonhraʼtókhas ó꞉ni ne thonhonkweʼthaié꞉ris, tánon iakahonhnién꞉nis wahétken tsi ní꞉ioht tsi tahatihiaʼtó꞉rehte.

Deuteronomy 24:13

ionsaʼtsawíten niatehiokaratserá꞉ke, ne káti naónton né꞉ne ahrátste tsi ahó꞉tawe. Ethò꞉ne ki kwáh í꞉ken tsi tenhatenonwerá꞉ton, tánon ne Roiá꞉ner saNí꞉io kwáh í꞉ken tsi enhawerientí꞉io tsi nokwáh ní꞉se.

Deuteronomy 24:18

Shasewehiáren tsi sewanáskwa kén꞉en ne Egypt nón꞉we tánon ne Roiá꞉ner sewaNí꞉io sehtsisewahiatotaríhson; ne káti aorì꞉wa takwá꞉ion kí꞉ken kariwatà꞉tshera.

Deuteronomy 24:6

“Nó꞉nen knahó꞉tenk ónhkak aséhni, tó꞉sa ienhénshawe ne tehatinatiaritákhwa rahotinenhiasónhas nahontkaraién꞉taʼkwe. Né꞉ne enshé꞉kwah ne kawátsire né꞉ne róntstha tsi ronhteʼkhón꞉nis tsi ahonhnón꞉neke.

Deuteronomy 27:19

“‘Rawenni꞉io shakorewátha nónhka enhonwatiʼnikonhráten ne thihononhontsá꞉tes, tehontonhnakárias, ó꞉ni ne ionateréhons ne raotiʼianerénhseras.’ “Tánon onkweʼtakwé꞉kon tenieriwaʼserá꞉ko, ‘É꞉tho niʼiá:wen!’

Ne꞉ne Sák Rohiaton 2:6

Nók ietʼtsikenrón꞉ni ne iakóten! Ronʼnónha ne teietʼtsinikonrhára tánon rahothihénton ne rathiriwéntha nieietʼtsiʼiaténhas? Kí꞉ken rahʼthiriwénthas ronnónha nah ne rohthikwatsénion!