Deuteronomy 24:14 - Ohiatonhseratokénti

¹⁴ “Tó꞉sa senikonhráhten ne iakotenhthén꞉nion ó꞉ni ne tehiontonhnakháras ienhátsheras, né꞉ne tó꞉ka ken Israerʼró꞉nons akénhake tó꞉ka ó꞉ni tihononhontsá꞉tes né꞉ne sewanatá꞉kons ratinakerénion.

Deuteronomy 24:14 ပူးပေါင်းရင်းမြစ်များ

Proverbs 14:31

Tókaʼ enhshetenhstéhten ne iakotenhténion, enhtsheʼnikonhrakaré꞉wahte Rawenni꞉io ne shakoiaʼtíson; tókaʼ tenhsheiahrhó꞉ton ne iakó꞉ten Rawenni꞉io enhtshennó꞉wanahte.

Proverbs 22:16

Tókaʼ enhsón꞉ni nahò꞉ten ahshé꞉ion ne rotikwáhtshe tánon tókaʼ ó꞉ni ehtà꞉ke enhsheión꞉ni ne rotitenhténion, íhsehre eʼthó naontá꞉we aiesakwáhtsheʼne, í꞉se kiʼ ó꞉ni ensenténhtaʼne.

Ezekiel 22:7

Kwáh iáh tsi nítsion ne kanatowahnénhʼne sehwanáhkere teietʼtsikweniénstha ne iesaiénha. Sehnikonhrahténhnis ne thihononhontsátes tánon tesehiatotʼthakwénhnis ne ionateréhons ó꞉ni ne tehonthonhnakárhias ratitsahokónhas.

Leviticus 19:13

“Tó꞉sa sehnénhsko tó꞉ka ó꞉ni nónhkak asekarénhratʼtse. Tó꞉sa sehiatkarakshá꞉ten nónhkak sehnáhon, iekaníhare iáh ne tsiokarátshera akénhake.

Amos 2:7

Tehshakonahskwahserónkwas ne iakó꞉ten tsi sí꞉ken ní꞉ioht noʼkenhrà꞉ke ratiratátieʼs, tánon iehshakotí꞉reks ne iakotenhténion é꞉ren ahón꞉nehte; ne iatatienʼénha tehiattenihá꞉tha tsi iá꞉rats ne kahnhá꞉tshera ión꞉kwe, tánon katíʼ kwáh teionkhsennaʼtsónhstha.

Amos 4:1

Sewatahónhsatat kí꞉ken owennaʼshón꞉ʼahs, í꞉se ne tiohnhónskwarons nisewaiaʼtó꞉tens ne Bashan nón꞉we ne ne tsi ionón꞉te ne Samaria nón꞉we ní꞉sewes, í꞉se ne teietshiionhnharíkhons ne iakotenhténions, í꞉se ne teietshinènhstiaʼks ne teiontkáriahs, ietshihró꞉ris ne sewaniákkhons, “Taskwahnekenhawíhten!”

Amos 8:4

Sahtahónshatat kí꞉ken, i꞉se ne sherahtháties ne tehiontʼkhárhias, tánon sahtheniéntʼtha nahshehiatónte ne iakotenthenténion ne kanakerahserá꞉kon,

Malachi 3:5

Eʼthó꞉ne kiʼ kwáh sewaiaʼtákta én꞉kehte nakwarí꞉wenhte; kwáh entiaʼtahstó꞉reke tsi enkerihwahní꞉rate tsi nonwá ne rontenʼèn꞉naras, tsi nonkwá ne rontenahkwaiesáhtha, tsi nonkwá ne ratirihwahní꞉rats nonó꞉wenʼs, tsi nonkwá ne shakotironhiakèn꞉tha ne ratihnhá꞉tsheraʼs tsi nihonatkariá꞉kse, ne ionatehré꞉ʼons tánon ne tehontonhnhakárhias, tsi niiá꞉kon ne é꞉ren iehonwatí꞉reks ne thihonnonhontsá꞉te, tánon ne iáh teiontatkweniènhstha, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

Luke 10:7

Nok etho tsiterontak, isek, snekira oni tsinahoten enhiesaerhase: Aseken tehatentsahas tsini hakkȣa ne rannhatsera. Tosa oni teseȣanonsaȣenronk.

Deuteronomy 15:7

“Tó꞉ka tsi ní꞉konh ne kanataiéntons ne thonón꞉we niʼionhontsá꞉ien ne Roiá꞉ner tetsisewawì꞉re tó꞉sa ietsihiateriasaní꞉rats tó꞉ka ó꞉ni nahisewatiaʼkwenón꞉ni tsi nokwáh ne rothí꞉tens sewatatekenʼokón꞉has raotirihwà꞉ke, káti tó꞉sa í꞉se kók ahisewathatehiá꞉rake tánon ahisewaterahiá꞉takwe naieʼtsiriwawá꞉se ne ronónha.

1 Timothy 5:18

Asèken noriwahtokénti wáton, “Tó꞉sa skwenhtórok ne tehonakáres tionhnónskwaron nó꞉nen tiatanihiónte tsi swáheks nonátsa,” ó꞉ni “Neh Rannhátsera ahówenk nahontahónhion ne rahokarhiákʼtsera.”