Deuteronomy 23:9 - Ohiatonhseratokénti

⁹ “Ne nó꞉nen ieshì꞉teron ne ionterihiostákhwa watená꞉taien ne nó꞉nen waterí꞉io, kwáh thashathatsiatónhnek ne tsík nahoʼténhsons ne thahisahiatátionste.

Deuteronomy 23:9 ပူးပေါင်းရင်းမြစ်များ

2 Chronicles 19:4

Ethohʼsáne ne Ronnonhtí꞉io Jehoshaphat Jerusalem nónh꞉we nihanákerekwe, kwáh kíʼ iorihwató꞉kenhʼne tsi tehatawénriesʼkwe tsi ratiterónhtons nonhkweʼshón꞉as, tsi nió꞉re ne Beersheba né nenhtiéhne nòkwahti ne tsi ieiotenakeraseráte ne Ephraim nothoréke nónh꞉we, né nahónton niashakónonhke nonhkweʼshón꞉as Roiá꞉ner nòkwahti nieshón꞉ʼne, né sha꞉koʼNí꞉iokwe ne sakotisokthonkonhkénʼens.

2 Chronicles 31:20

Tsi niwatenáskwah ne Judah, né Ronnontí꞉io Hezekiah né wahohióten tsi nahó꞉tens né tkarihwaiéri tánon né rawerientiʼióstha ne Roiá꞉ner Raoní꞉io í꞉ken.

Isaiah 56:3

Tó꞉sa sheʼríhon ne tihononhontsáte nahonwatsathá꞉raʼse ne Roiá꞉ner tsíronh, “Né Roiá꞉ner oriwiʼiohónwe tsi thenshonkwakháʼshion kí꞉ken onhkweshónhas”; tánon tó꞉sa seríhon ne tehonwatiʼnenhiatákwen nahonhníron, “Kwáh neʼkhók ne ioronhtátʼthen tsi nitiáʼtothe.”

Luke 3:14

Ok oni ne sotar ronȣariȣanontonnihakȣe oni noneh, ronton: Oh nii nenhiakȣaiere? Tontahenron, tosa ok tontaietsiianontons, aietsinikonrhaten oni onkakiok akenhake; ok taseȣennikonriakonhak tsini seȣatkariakse.

Deuteronomy 23:10

Tó꞉ka ne rónhkwe wathohiathationtà꞉ne tsi nahoteraswá꞉wenh ne tsi niwasónhtes, ienhahiá꞉kenʼne natosehrá꞉kon tánon thó꞉resek.

Deuteronomy 23:8

Né꞉ne ashénhaton niaʼtehotereseráhsere nió꞉re tsi wahatiwatsiratátie enwá꞉ton nashakonatiaʼtaráse ne Roiá꞉ner rahonkweʼtashón꞉a.

Joshua 6:18

Ók iáh ki tsiasawe ne thenen akénhake ne akariwathonhtonke; ók tó꞉ka thóh nenhsehre, entesawe ne takanikonraʼráhtsera ó꞉ni ne kariwaiesatsera tsi ronanatenataien Israerʼró꞉nons.

Judges 20:26

Ethòne ó꞉nenh kwáh kanenhrakwékon Nisraerró꞉nonke Bethel niahónhne tánon wahontsónhnion rahohénton ne Roiá꞉ner tánon iáh othènen tatehonaskáhon kwáh tsik tsiahókaraʼwe. Iahatítaʼte ne ská꞉rih í꞉ken karihwihiosehokónhas tánon kwáh rahiatakwékon ne katshénen tsi wahonwateskónhten—thóh akwékon rahohénton ne Roiá꞉ner.