Deuteronomy 23:2 - Ohiatonhseratokénti

² “Iáh ónhka ne rónhkwe ne iáh kaniattserakon tè꞉ken tsi rawenhnakerá꞉ton tó꞉ka ó꞉ni ne tsi wahawatsiratátie né꞉tho rónhkwe, iekaníhare né꞉ne oié꞉ri niaʼtewatereseráhsere nió꞉re, iáh thaónton nahaiaʼtá꞉rake ne Roiá꞉ner raotióhkwakon.

Deuteronomy 23:2 ပူးပေါင်းရင်းမြစ်များ

Isaiah 56:3

Tó꞉sa sheʼríhon ne tihononhontsáte nahonwatsathá꞉raʼse ne Roiá꞉ner tsíronh, “Né Roiá꞉ner oriwiʼiohónwe tsi thenshonkwakháʼshion kí꞉ken onhkweshónhas”; tánon tó꞉sa seríhon ne tehonwatiʼnenhiatákwen nahonhníron, “Kwáh neʼkhók ne ioronhtátʼthen tsi nitiáʼtothe.”

Isaiah 57:3

Ók kí ní꞉se, kén꞉en nontá꞉se, í꞉se ietsiʼienʼokónhas ne konthenhénhnaras, í꞉se né ietsiʼienʼokónhas ne rontenakwahiesáthas tánon ne konthohkóktha

Leviticus 21:20

iáh ónhka ne tehiakonowihiákon khés ne niʼienenhiésa; iáh ónhka ne iekharáksen tó꞉ka ó꞉ni ne akoné꞉honkne ahiakohráhraʼke; tánon iáh ónka ne rónhkwe ne ronhwakwahthákwen.

Zechariah 9:6

Nonhkweshón꞉ʼa ne tehiakothenekwenshaiéston Ashdod ne nón꞉we nenhtienahkérehke. Ne Roiá꞉ner ráton, “Kwáh enkhehiákse thí꞉ken Philistiaró꞉nons tsi nihathináhie.

John 8:41

Neh ki hetsiseȣaȣeiennasere ne etsiseȣaniha. Tontahonniron: iah se ok tiionkhiiateȣeton: enskat ionkȣanisen, neh nakȣa nehne Niio.

Deuteronomy 23:1

“Iáh ónhka ne rónhkwe ne tehonwanenhiatákwen tó꞉ka ó꞉ni ne ronhwenhtsiá꞉kon nahahiatá꞉rake ne Roiá꞉ner raotióhkwakon.

Deuteronomy 23:3

“Iáh ónhka ne Ammonró꞉non tó꞉ka ó꞉ni ne Moabite—iáh ó꞉ni tsi wahathiwatsiratátie—iáh thaónton nahatihiaʼtá꞉rake ne Roiá꞉ner raotióhkwakon.

Hebrews 12:8

Tóh꞉ka iáh teiesharewáhton, tsi ní꞉ioht ne rohnátiakes ne shakoiohokónhas, ne kéntons tsi iáh thóhʼkenske tetsisewaienokónhas, nók tiʼietsihiatewéton.