Deuteronomy 22:21 - Ohiatonhseratokénti

²¹ ethò꞉ne ki ienhshakotihiaʼténhawe tsi hiehiontawehiaʼtákhwa ne ronhwaʼní꞉ha tsi ronónhsote, thóh nón꞉we ne rotikstenhokónhas ne akoná꞉takon enhshakotinenhióhiaʼke tsi nió꞉re iaʼtenhatikónhten. Wahtehenhsehrowá꞉nen tsi nahéiere tsi nokwáh nontionhkweʼtashón꞉as tsi iakotenonwarohríston nohénton wahakonià꞉ke, tsi shé꞉kon ronhwaʼní꞉ha rahonónhskon hieʼterón꞉taʼkwe. Thóh ki ní꞉ioht tsi étren enhsewahá꞉wite ne karihwahetkénhsera.

Deuteronomy 22:21 ပူးပေါင်းရင်းမြစ်များ

Genesis 34:7

Ne Jacob raonekenhteronʼtsheraʼshón꞉ʼahs kahentà꞉ke naʼtontahón꞉ne. Ne sahatirihwá꞉ronke, ne ronnón꞉kwe kwáh í꞉ken tsi tahontónʼneke ó꞉ni kwáh í꞉ken tsi wahotinà꞉khwen, tiorí꞉wa tsi niiorihowá꞉nen tsi nahóhnhiʼkeh wahshakoʼnikonhrakaré꞉wahte ne Israeronónke tsi skátne wahiá꞉rate ne Jacob sakoièn꞉ʼa, aseʼkénh neh nikarihó꞉ten iáh teió꞉wenk neh nakaié꞉renke.

Genesis 38:24

Kaʼk non ne tókaʼ áhsen niwenhní꞉take ohnaʼkèn꞉ke ónhkaʼk wahonwahró꞉ri ne Judah, “Ne sesá꞉fha Tamar wathonwisenʼtsheráksen waʼontatón꞉ni; sénha í꞉siʼ nón꞉we iowiraientá꞉sere ne wakarihón꞉ni tsi niwathonwisenʼtsheráksen naʼkaiaʼtó꞉ten.” Tánon ne Judah wahén꞉ron, “Tatsaʼtínekenhf, tánon konwatiaʼtén꞉tahf.”

Leviticus 19:29

“To꞉sa sehiatéhat ne sheʼiénha né꞉ne asehiónhniaʼte nahionhtsiátaren ne ononhsatokenhtíke ahionhterihónten naʼierihwahiatháton; tó꞉ka thóh nénhshiere, thóh niénhse tsi nòkwah noʼóhia niʼiohokónhas tánon nohóntsa tetkará꞉ke ne karihwanerahák꞉tsheras.

Leviticus 20:2

nashakawénhaʼse nonhkweshón꞉as Nisraerʼró꞉nonhke, “Ónhka tsi nítsion akénhake tó꞉ka ó꞉ni ne tihononhontsátes ne skát꞉ke sewaná꞉kere ne niahonwanát꞉kaʼwe ratitsahokónhas nahonwánatsʼte nakonhwasénhnaien ne ní꞉io Molech tsi kwáh kanenhrakwékon enhonwanenhióiaʼke tsi nióre ienhrénheʼie.

Leviticus 21:9

Tó꞉ka ne ratsihénstatsi shakoiénha waheriwahiatháton wahónton, wahonwatéhaʼte kíʼ ne ronhwaníha; ónenk kíʼ tsi enhionthatsatátʼtsahaʼte tsi enhiaiéheʼie.

Leviticus 24:16

tánon enhonwanonwariákon. Ónhka Nisraerʼró꞉non tó꞉ka ó꞉ni ne tihononhontsáte ne Israerʼró꞉nonke ratinákere enhonwakenrenhserón꞉ni ne Roiá꞉ner enhonwanenhióhiaʼke tsi enrénheʼie né꞉ne kanakeraseraʼkwékon thóh neniéieʼre.

Leviticus 24:23

Nó꞉nen ne Mahís ne washakoró꞉ri kí꞉ken nonhkweshón꞉as Nisraerʼró꞉nonhke, iahonwahiaténhawe kíʼ rónhkwe nástste ne tsi ronatená꞉thaien tánon wahonwanenhióhiaʼke tsi warénheʼie. Thóh kíʼ nahatí꞉iere Nisraerʼró꞉nons tsi kíʼ nahó꞉ten ne Roiá꞉ner roríhonte ne Mahís.

Deuteronomy 13:10

Ietsinenhió꞉iaʼke tsi nió꞉re iaʼtensewakónhten! Wahonteʼniénten né꞉ren aieʼtsihiatenhá꞉wi raonhà꞉ke ne Roiá꞉ner, tsi raónha tsi sewaʼniakénhton ne Egypt nón꞉we, tsi thóh nón꞉we thisewanáskwakwe.

Deuteronomy 13:5

Ók ietsinonhwarià꞉kon ónhka ne tehatiriwathétha natetshénseras tó꞉ka ó꞉ni ne rotitokénhse ne ieʼtshiró꞉ris ne tó꞉sa atsisewawénhnaraʼkwe ne Roiá꞉ner, tsi raónha setsisewaniakénton ne Egypt nón꞉we, tsi thóh nónwe nisewanáskwa kén꞉en. Né꞉tho onhkweshón꞉as kwáh ronhnonhkweʼtahétkens ó꞉ni ronhtenièn꞉tha naieʼtsihiatahará꞉kwaʼthe tsi nitsónhe ne Roiá꞉ner tsi nitsisewahró꞉ri nahitsónhnheke. Ó꞉nenk tsi enhonwatinonhwarià꞉kon, ne naónton nahisewá꞉ti kí꞉ken kariwahetkénhsera.

Deuteronomy 13:6

“Iekaní꞉hare ne sewathatekenʼokón꞉as tó꞉ka ó꞉ni ne sewanekenʼterasónhas tó꞉ka ó꞉ni ne sewahiataseʼtserasónhas tó꞉ka ó꞉ni kwáh ákta sewatenroʼsónhas otsohónskwakon tsi aieʼtsinikonhrà꞉reke ne ahisewashén꞉naien ne tikanihioserá꞉tes, né꞉ne nihioʼó꞉kons ní꞉se tánon ne ietsisoʼthonkonhkén꞉en iáh nonhwén꞉ton thetisewashén꞉naien.

Deuteronomy 17:5

ethò꞉ne ki átste naʼkanatháti niasehiaʼténhaf tánon senenhióhiak tsi senonhwarià꞉kon.

Deuteronomy 17:7

Ne ratiriwahní꞉rats ne enʼthontié꞉renhte ienhotinenhiónti, tánon ethò꞉ne ne otiaʼkéshons ronhwatinenhióiak; thóh ki nenhiá꞉wenhne tsi éhren ensewahawite ki꞉ken kariwahétken ne sewentsiokwahkon.

Deuteronomy 19:19

kwáh tonenhshié꞉na ne karewatà꞉tshera tsi nahoiená꞉onke ne ronhwarihwároskwe. Thóh ki ní꞉ioht ne sewentióhkwa tsi é꞉ren enhsewahá꞉wite ne karihwahétken.

Deuteronomy 21:21

Ethò꞉ne ne rotikstenhokónhas ne ratinatakonró꞉nons enhonwanenhióhiaʼke tsi nió꞉re iatenhatikón꞉ten, tánon ne káti nahisewathonse ne kariwahétken. Onhkweʼtakwé꞉kon ne Israerʼró꞉nonke enhieriwà꞉ronke tánon enhiakoterón꞉ne.

Deuteronomy 22:22

“Tó꞉ka ne rónhkwe enhonwahá꞉rase ronatenonhwaroríston ne ó꞉ia rónhkwe ró꞉ne, tenhitsá꞉ron ki enhonwatinonhwarià꞉kon. Thóh ki ní꞉ioht tsi étren ensewahá꞉wite ne karihwahetkénhsera.

Deuteronomy 22:24

Iaheʼtsihiaténhaf káti átste nakanátati tánon ietsinenhióhiak tsi nió꞉re iatenhsewakónten. Ó꞉nenk tsi enhkénheie tiorì꞉wa tsi iáh thaʼtehiohénreton nakonhwaié꞉nawaʼse, iawerohátien tsi thóh kaná꞉takon í꞉weskwe, thóh nón꞉we ahiotón꞉honke akonhwathónton. Tánon ki ne rónhkwe ó꞉nenk tsi enhrénheie tiorì꞉wa tsi wahiatenonhwaró꞉riste nónhkak ó꞉nenh iakoteriwasehrón꞉ni nahiakóniake. Thóh ki ní꞉ioht tsi étren ensehwahá꞉wite ne karihwahétken.

Judges 19:23

Ók ne roksthénha iahahiákenhne tánon wasakawénhase, “Iáh, tewatenrosónhas! Aihsewatʼthontátʼtseke! Tó꞉sa éhtho nasehwáier tsi nikarihwahétken, hiothéhat! Kí꞉ken rónhkwe í꞉i rihonkará꞉wi.

Judges 20:10

Saiáta né enskatewenhniáwe niháti ne ronhnónhkwe ne Israerró꞉nonke entʼthónhtkaʼwe ne ká꞉khwa ne só꞉tar rahotirihwáke, tánon ne ronátsakes thóh nènhne ienhónhne niaʼkonhwatsiathónhti ne Gibeah. Asèken né tsi nihioterihwathéhat tsi nihotiʼiéren ne Israerró꞉nonke.”

Judges 20:5

Né ronhnónhkwe ne Gibeah nónhwe tahónhne niahiontsaténhawe tánon wathatinonhsaná꞉ke ne tsi niwasónhtes. Thonihotinekonró꞉thenhne nahionkenonhwariákon; khèkok hasʼskare thontahionhthatenónhthonhse, tánon wakénheie.

Judges 20:6

Iahákhawe nahohierónhtha, tánon waʼkhatsónionhwe, tánon skamashotserátʼtsons né shotitsiowátʼtsons ne tekeniʼiawénhre nihothitsókwahkes iakhehiateniéthen nʼIsraerʼró꞉nons. Kíʼ onhkweshón꞉as karihwahétken tánon ioterihwathéhat tsi nihotihieránion tsi naʼtethewáthere.