Deuteronomy 20:6 - Ohiatonhseratokénti

⁶ Ónhka ken ne rónhkwe kén꞉en í꞉res nónhwak ronenharaièn꞉thon, ók arè꞉kok tehotesenhnaientà꞉on nahà꞉iako? Tó꞉ka tho ní꞉ioht, ó꞉nenk tsi enshahténti. Tó꞉ka iáh, tó꞉ka enhonwanonhwarià꞉kon tsi waterí꞉io, ónhkak akò꞉ren enhiakohiaʼtaté꞉riste nonenharataʼsehontsherákeri.

Deuteronomy 20:6 ပူးပေါင်းရင်းမြစ်များ

Isaiah 65:22

Kwáh iáh thahonsahontenonsónhni nó꞉ia ionhtsientákwah; kwáh iáh tahonsahatiʼientʼthósehke tánon akó꞉renh áieke; asèken tsi nihiónnhes né karón꞉ta thóh kí nenhonhnonnhéshonhke nakonwataʼshón꞉has, tánon né kheiatarákwen kwáh karíhwes enhontónhnare nahohioténhsera né ratiʼtsaná꞉kes.

Jeremiah 31:5

Shé꞉kon kíʼ á꞉re ensehsenenharahiéntʼtho ne tsi ionnonhthaʼrónnions ne Samaria, tánon tsi nihiákon ne rohthiʼiéntthon ne enhónniaʼke tsi nontahkáhaʼwe ne kanenharahiéntʼton.

Zephaniah 1:13

Tanon ne raonawenhshón꞉as kwáh enkanenskwenhátonke tánon ne tsi rotinonhshó꞉tons kwáh enkanonsaiésa; tánon enhontenonhshonhniánion ók iáh kíʼ nonhwén꞉ton tsahontsá꞉ien; enhatinenharahienʼthohseron ók iáh kíʼ nonhwén꞉ton né꞉ne ahatinekírahte nonenharákeri.

1 Corinthians 9:7

Ónhka ne shóh꞉tar nonwénhton rahónʼa ahokariákon tsi nihatʼkarónniskwe né shohtárahke? Ónhka ne rahʼiéntʼtos ne iáh nonwénhton tahohiákon ne oniénhare ne rahónha ronhiaiénton? Ónhka ne sakónonʼne ne tehiotinatʼkarontónha iáh nonwénhton tahóston nonónta ne rahónha rahotshenenhókon nitsawénon?

Deuteronomy 20:5

“Ethò꞉ne ne ratisenhnowá꞉nens enshakotiʼthárase ne ronhnónkwe tánon enhonhní꞉ron, ‘Ónhka ken ne rónhkwe kén꞉en í꞉res nónhwak kók rotenonhsón꞉ni, ók iáh arè꞉ko tehatonhnará꞉ni? Tó꞉ka tho ní꞉ioht, ó꞉nenk tsi enshahténti. Tó꞉ka iáh, Tó꞉ka enhonwanonhwarià꞉kon ne tsi waterí꞉io, ónhkak akò꞉ren enkonhwatonʼnahé꞉rase ne tsi ronónhsohte.

Deuteronomy 20:7

Ónhka ken ne kén꞉en í꞉res ne roteriwahserón꞉ni nahó꞉niake? Tó꞉ka tò꞉kenske, ó꞉nenk ki tsi enshahténti. Tó꞉ka iáh, tó꞉ka enhonwanonhwarià꞉kon ne tsi waterí꞉io, ónhkak akò꞉ren enhotí꞉niake ne ronateriwaʼsehronhnì꞉ne.’