Deuteronomy 20:16 - Ohiatonhseratokénti

¹⁶ “Ók ki nó꞉nen enshié꞉na ne kanatowá꞉nen ne Roiá꞉ner saNí꞉io thiawì꞉re, kanenrahkwé꞉kon senonhwarià꞉kon.

Deuteronomy 20:16 ပူးပေါင်းရင်းမြစ်များ

Numbers 21:35

Káti NʼIsraerʼró꞉nons wahonwanonhwariákon ne ronhnonhtí꞉io Og, tánon ne rahonekenteronhtsherasónhas, tánon ratikwékon ne rahonkwetashón꞉ʼas, iáh ónhka tshiatetiakotarénron, tánon ethòne kíʼ ónenh wahontiénawasʼte ne rahonhóntsa.

Numbers 31:17

Káti ónenh nónhwa kwáh niatekaksátaʼke tánon kwáh konhtikwékon ne konnónhkwe tsi ietshinonwariákon né kén niehiotiʼiéren ne kaniák꞉tshera,

Numbers 33:52

ó꞉nenk tsi ratikwékon enietʼtsihiatínekenhwe né thóh nónhwe iohontsáien nihatinákere. Sewarihwáhtont akwékon nonénhas ó꞉ni ne karístatsis rahotihiatonhniserahsónhas tánon akwékon ne tsi nónhwe nihiokwénhrares nihonterenhnaientáhkwa.

Deuteronomy 20:15

Thóh ki natehiotonhontsó꞉hon tsi naʼsehié꞉raʼse né꞉tho kanatowá꞉nens ne sóhtsi ahí꞉non nió꞉re í꞉ken ne tsi ionhontsá꞉ien tsi nónhwe nenshatatì꞉teron.

Deuteronomy 20:17

Kwáh tokén꞉en sehiá꞉tont ratikwé꞉kon nonhkweshón꞉a: né꞉ne Hitró꞉nons, ne Amorʼró꞉nons, ne Canaanites, ne Perizró꞉nons, ne Hivró꞉nons, tánon ne Jebusites, kwáh ki tsi nihianáhon ne Roiá꞉ner tsi nenhshié꞉re.

Deuteronomy 24:4

Kák niká꞉ien ne nahorihó꞉ten, ne tiotierénhton tioniakón꞉ne iáh thaónton ne shé꞉kon aónha ahonshahotiʼniá꞉ke; thóh ní꞉ioht tsi tehahiató꞉rehte tehiohiatátion. Tó꞉ka shé꞉kon aónha enshotiniá꞉ke, enhonwaʼnikonhrakaré꞉wahte ne Roiá꞉ner. Tó꞉sa ne natehioʼtenonhianì꞉ton nasheriwanérake ne tsi ionhontsá꞉ien ne Roiá꞉ner SaʼNí꞉io thiawì꞉re.

Deuteronomy 31:5

Ne Roiá꞉ner kwáh énthion nathesenhnié꞉tshera tsi nokwáh ne ronónha, tánon kwáh é꞉tho nahitsihié꞉ras tsi nikwahró꞉ri.

Deuteronomy 4:21

Í꞉se wesewarihón꞉ni ne Roiá꞉ner sewaNí꞉io rakenaʼkwáseʼne tánon kwáh oriwihioʼónwe tsi wahariwahní꞉rate tsi iáh tiaʼtatià꞉iake ne Jordan Kaniataratátie niakatawehià꞉te ne tsiohontsí꞉io tsi niká꞉ien ne tetsisewawì꞉re.

Deuteronomy 7:16

Ieʼtsihiátont ratikwé꞉kon ne niatehononhontsá꞉kes ne sewashatstenhserá꞉kon nónhwe ne Roiá꞉ner nenshakotʼkà꞉we, tánon tó꞉sa othé꞉nen ietshinaʼtónhas nataniténron. Tó꞉sa ietshisén꞉naien ne rahotiní꞉ios, asè꞉ken ne ensewáriote.

Joshua 10:20

Joshua tánon ne ronhnónhkwe ne Israerʼró꞉nonke wasakonawénhto, ethosà꞉ne ótiaʼkes wahonaterihwathéntiaʼse wahatiʼtshén꞉ri nahontekwáhsen atenhèn꞉rakon ne tsi tekensthenrothákwen ne rahothináthakon tánon iáh ki tehonwatinonhwarià꞉kon.

Joshua 10:28

Ne Joshua iashakotiaʼtónti tánon washakoié꞉na ne Makkedah ó꞉ni ne ronhwanonhtí꞉io ne wenhniserá꞉teʼkwe. Kwáh onhkweʼtakwé꞉kon ne tsi kanatowanénhke washakononhwariaʼkónhnion; iáh ónhka tiathetiothaténhron nahiakónhneke. Thóh nahoié꞉raʼse ne ronhnontí꞉io ne Makkedah tsi ni nihoié꞉raʼse ne ronhnonhtí꞉io ne Jericho.

Joshua 10:40

Ne Joshua washakosenhniónko nonhontsakwé꞉kon. Wahosénhni ne ronhnonhtí꞉io ne tsi iononhténion kanakerahserá꞉ien, ne tsitkarahkwí꞉nekens nokwá꞉ti iononhtakarenhrénions, tánon ne tsi iaʼtewatsénhtos iononhthaientáserons, kwáh ó꞉ni tsi niká꞉iens ne ionakeraserà꞉iens ne entieʼné꞉sons nokwahtí꞉son. Iáh ónhka tesakohiaʼthanonstá꞉ton; kwáh onkweʼtakwé꞉kon wahontatenonhwariaʼkónhnion. Thóh ki ní꞉ioht ne Roiá꞉ner Raní꞉io ne Israerʼró꞉nonke tsi rotenhnàhon.

Joshua 11:14

Nonhkweshón꞉ʼas Nisraerʼró꞉nonke akwé꞉kon iahatíhawe ne kanorón꞉sons ó꞉ni iashakotihiaʼténhawe ne konhtitshé꞉nens ne kí꞉ken ne tsi kanatowá꞉nens nón꞉we nonhtahatihá꞉sehron tánon iathontatià꞉tiste wahontié꞉nawatste. Ók kwáh ki onhkweʼtakwé꞉kon washakotinonhwarià꞉kon; iáh ónhka tsiatetsiothaténron nahiakónhneke.

Joshua 6:24

Ethòne ónenh wahontenatenhthawe ne kanató꞉wanenhke ó꞉ni wahó꞉teke kwáh okenhrake wahón꞉hni, kwáh tsi nahó꞉ten ne thóh nónhwe nikaienthakwe, nek khók tsi nahó꞉tensons ne kawistarahke, owistanorons, ne tehiotʼtsinokwahronhte notsinekwar karisthatsis, ó꞉ni ne karisthatsi íken, tsi né iehó꞉thiha tánon Roiá꞉ner tsi rawisthaienthakwah nónhwe iehó꞉nathakweniaien.

Joshua 8:25

Ne Joshua iehokonhthákwen Ai nón꞉we iatehahó꞉ien ne rahosíkwara tánon iáh eʼtà꞉ke tehó꞉ien tsi nió꞉re kwáh niatehionkwè꞉thake ronhwatinonhwariaʼkhón꞉nion. Kwáh kanenhrakwé꞉kon ne Ai nónhwe tsi ronhwatinonhwariaʼkhón꞉nion ne wenhniserátekwe—tékeni-iawénhre tewenhniaweheʼtseráhsen ronhnónhkwe ó꞉ni konhnónhkwe.

Joshua 8:8

Ne nó꞉nen ensewaiéna ne kanatowá꞉nen, sewatenaténhtaf, kwáh ki tsi nihotró꞉ri ne Roiá꞉ner. Ne kí꞉ken tsi niietʼtsinàhon.”

Joshua 9:24

Tsi wathatirihwaʼserá꞉ko, “Thóh nahakwáiere, shén꞉shion, tiorì꞉wa tsi wahakwarihwà꞉ronke tsi kwáh tósken í꞉ken né꞉tho Roiá꞉ner Saní꞉io tsi rohró꞉ri ne raonhátsera Mahís tsi ohontsakwé꞉kon ahontáhion tánon nashakononhwariaʼkónhnion nonhkweshón꞉as tsi nihatinakeré꞉nions tsi nienhénse. Thóh nahakwáiere tiorì꞉wa tsi kwaʼtsá꞉nis; hionkwatéronskwe tsi nihiatsionhnhiénion.

Joshua 9:27

Ók ki neksáke washakotenaskonhnià꞉the, ne tahatihientiákseke tánon nasakotinekakarenié꞉sheke nonhkweshón꞉as Nisraerʼró꞉nonhke ó꞉ni ne tsi ratsienharákwa ne Roiá꞉ner. Shé꞉kon nón꞉wa wenhniserá꞉te iehothikonhthákwen tsi thóh ní꞉ioht tsi rothihiò꞉the tsi nonhwésons ne Roiá꞉ner rorákwen nahonwasenhnaienthá꞉kwake.

Joshua 9:7

Ók ki ne Israerʼró꞉nons wahonhní꞉ron, “Onhnonhtié꞉ren tsi í꞉se atewatsanerenhserón꞉ni? Tó꞉ka nón꞉wa ákta sewénhteron.”

1 Samuel 15:3

Ó꞉nen wáhs tánon iasheiatiatónhti ne Amalekró꞉nons, tánon kwáh tokénʼen serihwá꞉tont tsi nahó꞉ten ahotiʼientahtseraiéntahke; tó꞉sa othènen teshenonhiánik, ók senonwarhiá꞉kon tetsá꞉ron rón꞉kwe tánon ne konnón꞉kwe, ratiksaʼokónhas ó꞉ni nowiráhas, teotinákares tionónskwarons ó꞉ni teiotinakarontón꞉ʼahs, iotiniakwáhere ó꞉ni tewahóntes.’”