Deuteronomy 2:7 - Ohiatonhseratokénti

⁷ “Sehwehiá꞉rak tsi ní꞉ioht ne Roiá꞉ner sewaNí꞉io tsi eʼtsisewahiataʼteríston né kwák tsi nahisehwatiérake. Waʼtsisewatenhnikònhraren tsi watesewatawénhrie tsi niahí꞉sehwe ne kén꞉en ne tehiotenonhianì꞉ton ahonwenhtsiathèn꞉ke. Sehwakwekonʼhátieskwe né꞉ne kaiéri-niwáshen nihioserà꞉ke nikarí꞉wes, tánon akwé꞉kon niesehwaiéntaʼkwe tsi natesehwatonhontsóni.

Deuteronomy 2:7 ပူးပေါင်းရင်းမြစ်များ

Genesis 12:2

Ne enkónniaʼte tsi nienhsathwatsí꞉rine naesewatiohkowá꞉nenke, tánon kwáh enkoniaʼtaté꞉rihste tánon enkonhsennó꞉wanahte, ne katiʼ nahsheiatʼateríhsthake nakohrén꞉shon.

Genesis 24:35

Ne Roiá꞉ner kwáh tshieiorihwakwé꞉kon tsi roiaʼtateríston ne riioʼténhse tánon wahronkweʼtowáhnha. Teiotinaʼkarontón꞉ʼa tánon kaiaʼtákeras, tionhónskwaronʼs ronahskwawíhon, kahwistarà꞉kenʼs tánon ohwistanó꞉ronʼs, tánon ne rotiskenʼrakéhteʼs ó꞉ni tsonathonwí꞉senʼs ratihnhá꞉tsheraʼs, iotiniaʼkwáhere tánon ne tewahónhteʼs.

Genesis 26:12

Tánon ne Isaac wahaientthóhseron ne nón꞉we niionhóntsaien, tánon sahaientwá꞉ko ne ne saʼóhsera énska tewenʼniáwe niiorí꞉wake sénha wé꞉so í꞉ken sahaientwá꞉ko ne tsi ní꞉kon roienthón꞉ne. Tiorí꞉wa ne Roiá꞉ner tsi wahoiaʼtaté꞉rihste,

Genesis 30:27

Ók ne Laban wahawènhahse, “Tóka enskeríhon nakí꞉ron, wakerihwatshénrion tsi naʼtewakatkónhston nétho Roiá꞉ner ratiaʼtateríhston ne tsi í꞉se iorihonní꞉ʼon.

Genesis 39:3

Né róhnhaʼs waháttoke nétho Roiá꞉ner tsi nikwé꞉kon ne Só꞉se, tánon nétho Roiá꞉ner waharihonniánion orihwakwé꞉kon tsi nenhátiere tsi enioiánerenʼne.

Genesis 39:5

Kwáh tsi nikahá꞉wi Só꞉se wahorihón꞉ten nahatenʼnikón꞉raren tsi ronónhsote tánon akwé꞉kon ne raowenhshón꞉ʼa, ne Roiá꞉ner wahoiaʼtaté꞉rihste ne Egyptró꞉non ne ne Só꞉se raorihwá꞉ke; tsi wahaiaʼtaté꞉rihste ne Roiá꞉ner ne ne akwé꞉kon tsi nahotén꞉shonʼs roientahtsherá꞉ien.

Nehemiah 9:21

Kaié꞉ri-niwáhsen nihioserá꞉ke nikarí꞉weskwe ní꞉se tashehiatʼká꞉wen tsi natehonatonhontsó꞉nis thóh iahonwenhtsaténhake, káti kwáh iáh othé꞉non tethonatoʼtahní꞉kwe. Ne rahonaʼtsherónhnia iáh nonhwénton tehiokahiónhon, tánon iáh tehonarashí꞉to.

Job Tánon ne Raoronhiakensera 23:10

Ók kí roterièn꞉tare tsi natekatekhaháhkwa; nó꞉nen rakateʼniénhten, tsi thenʼtiá꞉kenhne kwáh ne ne owistanó꞉ron.

Psalms 1:6

Asèken ne Roiá꞉ner ranikonrahrá꞉tsies tsi rotihatátse ne tionkwetaiéris, ók ne tsi rotihatátsie ne hionkwetahétʼken thóh né nón꞉we nieiawéhnon tsi iohatátsie natkaronhniátshera.

Psalms 107:4

Ótiakes waʼhontsiathá꞉ton ne iahonwenhtsiatʼthénhake nón꞉we tsi iáh othé꞉nen tehiohaténion, iáh tehatitʼtsénhreskwe thóh niahónhne tsi nón꞉we tsenakeréhnion ne kanatowaʼnénhke;

Psalms 31:7

Kwáh enwaʼkatʼtsenhnonhníhake tánon enwaʼkatonhnárahke tsioríhwa tsi nihiorihwaʼtóken ne sanoronhkwáhtshera, tsioríhwa tsi sahteriénhtare nakeronhiakénsera; waʼsahtenhnikonráhren tsi natewakanikónhrahre,

Psalms 90:17

Saiá꞉ner, í꞉se ne Sewenní꞉io í꞉ken í꞉se kwahsénhnaiens, tasarihwaʼiérik nontionháke, né shónhniat tsi nitsionkwaʼnikonhrásahaton takawisátsteke.

Exodus 16:35

NʼIsraerʼró꞉nons né꞉ne kaiéri niwáhsen niioseràke nikaríwes né wahonhné꞉ke, tsi nióre iahónhneʼwe ne tsi wathonwenhtsáʼien ne Canaan, tsi nónhwe nahonthaʼtíteron. (

Jeremiah 2:2

nahkherihowahnáhten kí꞉ken ateriwahnothátshera onhkwetahkwékon ne Jerusalem nónhwe. “Kahiáre tsi nisariwatokénhne ne shitisaiónhakwe, tsi nió꞉re tsi takenoronkwáhkwe ne shontonhtsérente sashonkeniniá꞉ke; wasetʼnonteratsésons ne iahonwenhtsatʼténhake, thóh nonhóntsa né꞉tho areʼkok shikaiéntʼtho.

Hosea 13:5

Kwáh seh I꞉I konhnón꞉ten ne iahonwentsiathénhake sitesitéron, né꞉ne iahontsawenthénhen iotónhon.

Amos 2:10

Kwáh ó꞉ni tetkoniaʼtinekénhen ne tsi tiohontsá꞉ien ne Egypt, tánon waʼkonhén꞉teʼse kaié꞉ri niiohseráhsen nikarí꞉weʼskwe ne iaonhwentsathenhá꞉ke, ne naesawenkhón꞉weke tsi rononhontsá꞉ien ne Amorʼró꞉nons.

Numbers 1:1

Ne tiotenhniseraʼtsherénhton ne tekeníhaton wenhnítare né tekeníhaton ioseráte nó꞉nen nonhkweshón꞉ʼas NIsraerʼronónke èhren shonhsahónnete ne Egypt, ne Roiá꞉ner wahothárase ne Mahís thóh rahothohserákon tsi nónhwe nihenténhron ne Roiá꞉ner né꞉ne iahonwentsaʼthènke ne Sinai nónhwe. Wahénron,

Numbers 14:33

Né ietshiʼienhokónhas enhotiʼnatenhawíson ne karakhonkówa né꞉ne kaiéri-nihioserásen nikaríhwes, rotironhiáken ne tsi iáh teshewarihwató꞉ken, tsi nióre ne saiáta iatenhshothaténronke nenrénheʼie.

Numbers 14:34

Kwáh kíʼ ensewaronhiáken tsi nienhiawénhne ne sewarihwaneraháktsheras enkarihónhni né꞉ne kaiéri-nihioserásen nikaríhwes, né꞉ne tsiósera ne sewenhnísera nikarihwesónhne tsi iahisewatonhontsiátʼkenhse. Kwáh kíʼ ensewateriénhtarane tsi nikéntons ní꞉i nenhkwatkónten!

Numbers 22:12

Ne Rawenni꞉io wahawénhase ne Balaam, “Tó꞉sa sewateró꞉sen, tánon tó꞉sa seréwat nonhkweshón꞉ás NÍsraerʼró꞉nonhke, tsioríhwa tsi roʼnónha natiathateríhtshera íken.”

Numbers 32:13

Ne Roiá꞉ner washakonákwahse nonhkweshón꞉ʼas tánon washakahónhnien wahotinatenhawíson ne karakonhkówa né꞉ne kaiéri niwásenh nihiosehráke nikaríhwes tsi nióre ne kwáh kanenhrakwékon ne ronwanikonhrakʼsháton ronenhéion.

Luke 22:35

Nok sekon tontasakaȣenhase: othenon kenh tiseȣatoktani ne Seȣaiatoskons siiakȣatori? Tontahonȣaȣennaȣeron: iah othenon.

John 10:27

Konronkas naketsenen nakeȣenna, kheienteris oni nʼii, nok nononha ionknonteraties.

Deuteronomy 1:19

“Kwáh tonahakwá꞉hiere tsi ki nahó꞉ten shonkwahró꞉ri ne Roiá꞉ner Onhkwaní꞉io. Tahiakwaʼténhti ne tsi tionónhte ne Sinai tánon thóh niahákwe ne tehiotenonhianì꞉ton ó꞉ni ioʼteronhkó꞉wa iahonwenhtià꞉tenhke ne tsi nieiothahí꞉non ne tsi tionontahrón꞉nions ne Amorʼró꞉nons raotinakerahserá꞉kon. Shahá꞉kwawe ne Kadeshke Barnea,

Deuteronomy 1:46

“Ethò꞉ne káti, nó꞉nen karí꞉wes Kadesh nónhwe nihiakwenhteróntaʼkwe,

Deuteronomy 2:14

Ne kí꞉ken ne áshen-niwáhsen shaʼtékon nihiosherá꞉ke tsi náhe éhren tionhkwéton ne Kadesh Barnea. Ratikwé꞉kon ne ronhterí꞉ios nétho sonhtakenhá꞉wi ronenhé꞉ion, kwáh ki tsi niháwenh ne Roiá꞉ner tsi thóh nenhiáwenhne.

Deuteronomy 2:6

Enwá꞉ton né ronónha ahetsikhwaʼní꞉non ó꞉ni noné꞉kanos.’

Deuteronomy 29:4

Ók tsi nió꞉re nón꞉wa wenhniserá꞉te iáh thetsisewarihwá꞉wi nahisewaʼnikonhraiéntaʼne tsi nisewahiathawénhon.

Deuteronomy 29:5

Ne kaié꞉ri nihioseráhsen ne Roiá꞉ner watsisewahéntenhse ne iahonwentsiathénke, tánon ki ne sewaʼtsherón꞉niat ó꞉ni ne sewátas iáh nonhwénton tehioriwenhtà꞉hon.