Deuteronomy 2:36 - Ohiatonhseratokénti

³⁶ Ne Roiá꞉ner ónhkwa Ní꞉io washonkwahríhon naiakwaiéna akwé꞉kon ne kanatowá꞉nens né꞉ne Aroer tontáshawen, ne tsi ieiò꞉te ne Arnon Awenhrá꞉kwakon, tánon ne kanatowanénhke ne kwáh asénhnon í꞉ken nahonráhkwakon, kwáh tiahónwe ne Gilead. Iáh ne skaná꞉ta tiaʼtekaié꞉ri tsi nahiotenhenraʼní꞉ronhke nonkwahrì꞉wake.

Deuteronomy 2:36 ပူးပေါင်းရင်းမြစ်များ

2 Samuel 24:5

Iathatiʼiá꞉iake ne Jordan kaniataratátsie thóh iahonthatoserotónhnion ne Aroer entiéne nòkwah ne Aroer tánon ne thóh kanatowanénhke ne kwáh asénhnon nón꞉we níken nahonrá꞉kwakon, tsi nieiawénon ne Gad ó꞉ni tsi nieiawénon ne Jazer.

2 Kings 10:33

nakonnokwáhti ne Jordan, kwáh tsi nióre ne entiéne nòkwahti ne tsi kanátaien ne Aroer né꞉ne Arnon Kaniataratátie—thóh í꞉kare tsi kanakeraseráien ne Gilead ó꞉ni ne Bashan, thóh nón꞉we nihatinákere ne rahothitiókwahs ne Gad, Reuben, tánon ne Manasseh nàkon né nòkwahti nón꞉we nihatinákereʼkwe.

Psalms 44:3

Ne shonkwetaʼshónhas iáh teonathatsiatakweniʼióston nonhóntsa nasarekówa ahonáts꞉ton, iáh teonatkwénion ne raotishaststénhsera ahonáts꞉ton; né꞉ne sahshaststénhsera tánon tsi nisehshást꞉te waʼkarihónhni, né tsi ní꞉ioh rihwíʼiokwe tsi éhʼtho í꞉seskwe, né wahakonatónhase tsi nisehnorónkwa.

Exodus 23:31

Kwáh enkónhni ne tsi karisthatátie ne tionhontsákes ne iahónwe tsi tkanéksker ne Aqaba tsi nióre ne Mediterranean Kaniatarakheʼkówa ó꞉ni ne kahentakeʼkówane tsi nióre ne Euphrates Kaniatarahtátie. Entkónhion ne kashatsténsera nashehiatsiathakweníʼiosthe ne rahthinákere né nón nihionʼhóntsaien, tánon kwáh enshehiatínekenhwe tsi nienhénse.

Isaiah 17:2

Ne kanatowanénke ne Aroer kwáh iakotewenhtéton ne tsi nènhwe enkénhake; thóh nón꞉we nehionatʼtótake ne kontiʼtshénens aotiʼrihwàke, thóh nón꞉we nenhkonʼtenaskwahientáʼkwahke, tánon iáh ónhka takonwatiʼterónhkwen.

Jeremiah 48:19

Ne tiónkwe ne Aroer sehwahnáhkere ohwahák꞉tha tesehwáthan nahisehwateróhroʼke. Tehotihenréhtha shaʼkotiriwahnonhtónnis tsi nihiákonh hiakotekwenhátie ne Moab nonhtáhien onhnonhtahiáwenhne?

Numbers 32:34

Ne rahotitsiókwas ne Gad sahatiʼkwahthakwenháton ne tekanathanáʼtons osténhra né Dibon, Ataroth, Aroer,

Romans 8:31

Tsi akwékon kíʼ neh tewanontónʼnions, onh nahóten aihtewahkwéni aihtewénron? Tóhkaʼ neh Rawenni꞉io tewakwékon, ónhka káti aiekwéni nahionkihiatʼkónten.

Deuteronomy 3:12

“Nó꞉nen sahakwaʼtié꞉nawatste nonhóntsa, né꞉ne Reuben tánon ne Gad nahotiʼtaró꞉tens takhé꞉ion né꞉ne kanakerá꞉sehra nothorè꞉ke nokwá꞉ti tsi kaná꞉taien ne Aroer ákta ne Arnon Kaniataratátie tánon iowénhte ne tsi ionónhte ne Gilead, tshiewakwé꞉kon ne kanataʼsónhas.

Deuteronomy 4:48

Kí꞉ken ohóntsa iéhio tsi nió꞉re ne tsit kaná꞉taien ne Aroer, ne tsi iéhio ne Arnon kaniataratátie, kwáh tsi nió꞉re ne othorè꞉ke tsi tionón꞉te ne Sirion, né꞉tho né꞉ne, tsi ionón꞉te ne Hermon.

Joshua 1:5

Joshua, iáh ónhka thaiekwé꞉ni naieshashén꞉ni kwáh tsi nikarì꞉wes ensónhnheke. Kwáh Í꞉i enteʼnikwekónhake tsi ki nihiothónhne ne Mahís. Kwáh tió꞉konte tsi enteʼnikonhkwéhake; Kwáh iáh nonhwénton takonhiatewenhthè꞉te.

Joshua 12:2

Saiáta né꞉ne Sihon, né꞉ne Amorʼró꞉nons ronhnontí꞉io né꞉ne Heshbon nón꞉we nihotkorastónhne. Ne rahonakeráhsera thóh kárakwe asénhnon ne Gilead: iéhio ne Aroer (né꞉ne tsi ieiò꞉the ne Arnon ahonráhkwakon) tánon thóh nitsawé꞉non ne kanatowá꞉nen kanathaiénthakwe nasénhnon nón꞉we kén꞉ne né꞉tho ahonráhkwakon, kwáh tsi nió꞉re ne Jabbok kaniataratátie, tsi ieiotʼte ne Ammon;

Joshua 13:16

Ne rahotinakeráhsera iéhio ne Aroer (né꞉ne tsi ieiotʼthe ne Arnon ahonráhkwakon) tánon ne kwáh asénhnon nón꞉we nikaná꞉taien né꞉tho ahonráhkwakon ó꞉ni thóh í꞉kare akwé꞉kon ne ionhthonhontsakwahríhshion aktónhties ne Medeba.

Joshua 13:9

Ne rahotinakeráhsera ióhio ne Aroer (né꞉ne tsi iehiotʼthe ne Arnon Ahonráhkwakon) tánon kwáh asénhnon nón꞉we nikaná꞉taien ne kanatowá꞉nen ne thóh ahonráhkwakon tánon thóh í꞉wa akwé꞉kon ne iotonhontsakwaríhshions ne tsi nitiawé꞉non ne Medeba nón꞉we tsi nió꞉re ne Dibon.

Joshua 21:44

Ne Roiá꞉ner thashaká꞉wen ne skén꞉non kwáh tsi niwatenáskwa ne tsi ionhontsá꞉ien, kwáh ki tsi nishakorahratstén꞉ni ne shakotisoʼthonkonhkén꞉en. Iáh ne shahiátha ne tehontaʼtsons tehothikwénion nahonthahonwanatiaʼthóntion, tiorì꞉wa ne Roiá꞉ner tsi thashakáwe Nisraerʼró꞉nons natesenhnié꞉tsheras tsi nòkwah ne tehontaʼtsons.

Judges 11:22

Kwáh akwékon wahontsathakweʼní꞉iosʼte ne Amorʼró꞉nons rahotinakerásehra né꞉ne Arnon thonhthásawen né enhtiéne nòkwahti tsi nióre ne Jabbok nothoréke nòkwahti tánon ne iahonwenhtsiatʼthénken né nàkon nókwahti ne Jordan né tsi iatewatʼtsénhtos nòkwahti.

Judges 11:26

Asèken áhsenh tewenhniáwe nihiosehráke nʼIsraerʼró꞉nons ronatsenawásthonhne ne Heshbon tánon ne Aroer, tánon ne akthatsesónhas kanataiénthonhkwe, tánon ne atsiatʼthontse ne Arnon Kaniatarathátse. Onhnonhtséren tsi iáh nonhwénhton tsietsisáha ónhwak ónenh?