Deuteronomy 2:30 - Ohiatonhseratokénti

³⁰ “Ók ki ne rononhtí꞉io Sihon iáh ne teshonkwariwá꞉wi nahiakwató꞉hetste ne raonakeraʼsehrá꞉kon. Ne Roiá꞉ner sewaní꞉io wahononhtsistaʼní꞉rate ó꞉ni wahaterihioseranonhwè꞉ne, ne káti nahónton nashakwaʼsén꞉ni tánon aiakwatiénawatste ne raonakeráhsera, tánon shé꞉kon ki nihionkwatienawáston.

Deuteronomy 2:30 ပူးပေါင်းရင်းမြစ်များ

1 Kings 12:15

Kwáh꞉se Roiá꞉ner thóh nihonikonhróthenhne nahontaháhaʼwe tsi nahó꞉tenh rotharáni ne rotokenséhakwe Ahijah né Jeroboam né roʼníha né꞉ne Nebat né꞉ne Shiloh nónhwe thanakeré꞉kwe. Né kíʼ aoríhwa ne ronhnontí꞉io iáh othèhnen karíhwa teshakahónhni nonhkweshón꞉as.

2 Chronicles 10:15

Né tsi éhtho nihonikonhró꞉tenhne ne Roiá꞉ner Raní꞉io né naiáwenhne tsi nahó꞉tens rotharáhni ne Jeroboam né꞉ne ronikénʼen ne Nebat thóh rahonháke ne rotokenhséhakwe Ahijah né Shiloh nón꞉we nihanákerehkwe. Né kih kí꞉ken ahoríhwa ne ronhnontí꞉iokwe iáh othènen karíhwa tehahónhni tsi nòkwah nonhkweʼshón꞉as.

Exodus 11:10

Ne Mahís ó꞉ni ne Aaron wahiateriwaʼténtiaʼthe kí꞉ken ioriwanerakwahténion rahohénton ne ronhnonhtí꞉io, ók kíʼ ne Roiá꞉ner wahoʼnontsistanírahʼte, tánon iáh kíʼ tesakoriwáhʼwi ne lsrearó꞉nons nahotiʼhiakénʼen ne rahonakerasehrákon.

Exodus 4:21

Shé꞉kon ne Roiá꞉ner sahaʼwénhaʼse ne Mahís, “Káti tsi ó꞉nen Egypt nionʼsehsenonhátie, ioriwíhiok thóh nátsier raohénton ne Ronhnonhtíio oriwahkwékon ne ioriwahʼnerahkwaténion tsi nitʼkonhiáwi ne kashatsʼténsera tsi ehʼnénshiehre. Ók kíʼ enhiʼierhiaʼsaní꞉rahte ne Ronhnonhtí꞉io, tánon iáh tahaʼthóntate nahsakótkaʼwe nonhkweshón꞉ʼa.

Exodus 7:14

Ethóne ne Roiá꞉ner wahawénhase ne Mahís, “Ne Ronhnonhtí꞉io kwáh í꞉ken tsi rotenonhtsisʼtakʼsá꞉ton. Tánon iáh tehaʼthóntats nahonsahsakótʼkaʼwe nonhkweshón꞉ʼa.

Isaiah 48:4

Né aoríhwa waʼkateriéntaraʼkwe tsi niʼsewahtenikonrakʼsáton, tánon ne sewahniá꞉rake karisthá꞉tsi sewahtsinonʼiátare tánon ne sewahkenkwaráke otsínekwar niʼkaristó꞉ten í꞉ken,

Lamentations 3:65

Seréwat tánon kwáh tesheianikonriákten

Numbers 21:23

Ók kíʼ ne Sihon iáh teshakorihwáhwis nonhkweshón꞉ʼas NÍsraerʼró꞉nonhke hahonhtó꞉hetste ne rahonakerahserákon. Wasakohiataró꞉rohke ne rahonkwetashón꞉ʼas ronhterí꞉ios tánon Jahaz né꞉ne karahkhonkówa niahónhne tánon iasakonahtiathónti NʼIsraerʼró꞉nons.

Numbers 21:33

Ethòne NʼIsraerʼró꞉nons thonshahontkaraténi tánon ne sahontʼthahítha ne Bashan nieiawénon, tánon ne Ronhnonhtí꞉io Og né Bashan nónhwe tahanenhríhnekenhwe ne rahonkwetashón꞉ʼas ronhterí꞉ios niashakotiatónhti ne Edrei nónhwe.

Numbers 21:34

Ne Roiá꞉ner wahawénhase ne Mahís, “Tó꞉sa tshetshánik, Entkónhion natesehniétsera natsesénhni, tánon ratikwékon ne rahonkwetashón꞉ʼas, ó꞉ni ne rahonhóntsa. Thóh natshiéras tsi kíʼ niʼtshieráʼse ne Sihon, né Amorʼró꞉non ronhnonhtí꞉io ne rotʼkorasthónhne ne Heshbon nónhwe.”

Deuteronomy 2:31

“Ethò꞉ne ne Roiá꞉ner wahakénhase, ‘satkátho, Wahiʼiónhnien ne rononhtí꞉io Sihon tánon ne raohóntsa iáh othé꞉nen takastaʼtónhke ne sewahénton; iaʼsewáhaf ne rahohóntsa tánon sewatiénawast.’

Judges 11:20

Ók ne Sihon iáh teshakohianerenhseráwi Israerʼró꞉nons né nahatí꞉iere. Ratikwékon skát꞉ke washakohiataró꞉rohke ne rahosóhtar, Jahaz nónhwe nahonthatosehróthen, tánon hiashakotsathónhti Israerʼró꞉nons