Deuteronomy 2:29 - Ohiatonhseratokénti

²⁹ tsi nió꞉re iateniaʼkwahiá꞉iake ne Jordan Kaniataratá꞉tie tsi nienhiá꞉kwe ne tsi tiohontsá꞉ien né꞉tho Roiá꞉ner ónhkwa Ní꞉io sonhkwawì꞉re. Tsi nitotwatsirì꞉non ne Esau, ne Edom nónhwe nihanakerè꞉kwe, ó꞉ni ne Moabites, né꞉ne Ar nónhwe nihatináhkere, wahonkhirí꞉hon nahiakwató꞉hetste ne raotinakeraʼsehrá꞉kon.’

Deuteronomy 2:29 ပူးပေါင်းရင်းမြစ်များ

Genesis 19:37

Ne tkakowá꞉nen shakoièn꞉ʼa roskenʼrakéhte waʼowiraién꞉taʼne, ne ne Moab wahoná꞉tonhkwe. Ráonha ne kahsótshera í꞉ken nón꞉wa nikahá꞉wis ne ne Moabites ratinekwenhsatátie.

Exodus 20:12

“Skweniénstat ne ianíha ó꞉ni ne sanisténha, né káti nahónton ahionhníse ashón꞉nheke nonhwenhtsàke né tkonhiawíre.

Numbers 20:18

Ók ne Edomró꞉nons wathatirihwasehráko, “Wahakwáne ne tó꞉sa akwahríhon nahisewatóhetste nonhkwahnakerasehrákon! Tó꞉ka enthiʼsewarihwáreke, ienhiakwahnenhríhnekenhwe tánon ienhkwahtiatónhti.”

Deuteronomy 1:8

Akwé꞉kon ne kí꞉ken nohóntsa ne Í꞉i, ne Watiá꞉ner, wakarahrátston tsi entekhéion ne sewasótsheras, Abraham, Isaac, tánon ne Jacob, tánon tsi nienhontwatsirì꞉ne. Wás tánon iaʼsewaná꞉taien.’”

Deuteronomy 2:9

Ne Roiá꞉ner wahakró꞉ri, ‘Tó꞉sa teietsiʼnikónhraren nonhkweʼshón꞉ʼas ne Moab nónhwe, né꞉nenʼne ne Lot raowátsires, tó꞉sa ó꞉ni tasewatáshawen naterióshera ne rononhà꞉ke. Ronónha né tekhehiá꞉wi ne tsi kanatowá꞉nen ne Ar, tánon iáh thahontakwá꞉ion ne thé꞉nen akénhake ne raononhóntsa.’”

Deuteronomy 23:5

Ók ki ne Roiá꞉ner saNí꞉io iáh tehotahonsatá꞉ton ne Balaam; khékok ne iathakaraténiate ne kaniakatsténhsera ne kaiataterí꞉tshera, tioríwa tsi nihianorónhkwa.

Deuteronomy 25:15

Ne í꞉shats ne tkariwaié꞉ri iekonhtieriharákhwa ó꞉ni ne ionhtenientenstákhwa, ne káti nahónton ahión꞉nise ashónnheke ne tsi ionhontsá꞉ien ne Roiá꞉ner saNí꞉io thiawì꞉re.

Deuteronomy 4:1

Ethò꞉ne ne Mahís wasakawénhase nonhkweshón꞉ʼa, “Sewatewenhnaráhkwak akwé꞉kon ne kaianerénseras ne kwarihonhnién꞉nis, tánon enhtsónhnheke ó꞉ni ensewatié꞉nawatste nonhóntsa tsi niká꞉ien ne Roiá꞉ner, ne SakoʼNí꞉io ne ietsisothokonhkén꞉en, ne tetsisewá꞉wis.

Deuteronomy 4:21

Í꞉se wesewarihón꞉ni ne Roiá꞉ner sewaNí꞉io rakenaʼkwáseʼne tánon kwáh oriwihioʼónwe tsi wahariwahní꞉rate tsi iáh tiaʼtatià꞉iake ne Jordan Kaniataratátie niakatawehià꞉te ne tsiohontsí꞉io tsi niká꞉ien ne tetsisewawì꞉re.

Deuteronomy 4:40

Sewatewén꞉narak akwé꞉kon ne raoianerénseras tsi nonhtà꞉tion nón꞉wa wenhniserá꞉te, tánon akwé꞉kon tshienioiánerenhne ne sewarihwà꞉ke ó꞉ni tsi nenhsewatwaʼtsí꞉rine. Iensewakonhtà꞉kwe tsi thóh ensewanákereke ne tsi ionhontsá꞉ien ne Roiá꞉ner sewaNí꞉io tsisewawì꞉re nahisewawenkónhweke tsi nénhwe.”

Deuteronomy 5:16

“‘Sheʼkwénienst ne iaʼníha ó꞉ni ne sanisténha, tsi Í꞉i, ne Watiá꞉ner sewaNí꞉io wakwahró꞉ri, ne kwáh ahioianeréhake ne sarihwà꞉ke tánon káti nahónton karí꞉wes ashón꞉nheke tsi ionhontsá꞉te ne tkonhiawí꞉re.

Deuteronomy 9:6

Akwáh sewateriénhtarak né꞉tho Roiá꞉ner tsi iáh thetsisewá꞉wis kí꞉ken ionhontsí꞉io tiorí꞉wa tsi tahisewatenʼtsónhke. Iáh, sewanonhtsistaʼní꞉ron tsónhkwe.