Deuteronomy 2:24 - Ohiatonhseratokénti

²⁴ “Shahakwatóhetsʼte ne Moab, ne Roiá꞉ner wasonhkwaró꞉ri, ‘Ó꞉nen, Iaʼsehwatáshawen tánon tesewaiá꞉iak ne Arnon kaniataratátie. Thóh entsién ne kaʼshatsténshera shohà꞉ke Sihon, né꞉ne Amorʼró꞉non Rononhtí꞉io ne Heshbon nónhwe, kenikwé꞉kon ne raonhóntsa. Iaʼtsisehwatiaʼtónti, tánon tasehwatáshawenh sewatié꞉nawast ne raohóntsa.

Deuteronomy 2:24 ပူးပေါင်းရင်းမြစ်များ

2 Chronicles 36:23

“Kén nahó꞉ten ráton ne Cyrus, né꞉ne Rakóra ne Persia. Né Roiá꞉ner, né꞉ne Raní꞉io tsi karonhiáte, wahakónhnien nakatʼkóraste kwáh ohontsakwé꞉kon tánon thakáwi naʼkaterihwatsʼtérisʼte tsi akanonsonhníhake nononsatokentiʼkó꞉wa né rahónha raorihwá꞉ke né꞉ne Jerusalem né Judah nón꞉we. Ó꞉nen, né sewakwé꞉kon í꞉se ne Rawenni꞉io rahonkweʼtaʼshón꞉a, wáhs thóh iaháseʼwe, tánon aiáwens ne Roiá꞉ner Sewaní꞉io í꞉ken aisewakweʼkónhake.”

Ezra 1:2

“Né kí꞉ken ne Cyrus rahorihwisahá꞉tseras, Rakó꞉ra ne Persia. Ne Roiá꞉ner, Rawenni꞉io ne Karonhiá꞉ke, wahatʼkórasthe nohontsakwé꞉kon tánon thaká꞉wi nakaterihwatsté꞉risthe naʼkenonsónhni nononhsatokentihkó꞉wa ne rahorihwà꞉ke ne Jerusalem thóh nón꞉we ne Judah.

Jeremiah 27:5

“Né nakeshastsʼténsera ó꞉ni tsi nikeshástsʼte né wakátston tsi wahkonhontiónni, khehiatísons nonhkweshón꞉a, tánon konhtiʼkwékon ne katʼtshénens ne nonhwenhtsiáke nónhwe nikonhnónnhe; tánon kwáh tsík ónhka entekhéhion tsi nenhtkheráhko.

Ezekiel 29:20

Thihiawíhre ne Egypt ne enhotkarhiákten tsi nahohióten, tioríhwa ne rahonkwetashón꞉ʼa ronhterí꞉ios tsi Í꞉i hiontiotenséhaʼkwe. Í꞉ih, ne Wakenonhtí꞉io Watiá꞉ner, wakatáti.

Daniel 2:38

Í꞉se wahiakó꞉wanahte tsi nón꞉we niienakerénion ne onhwentsiá꞉ke tánon enhsheiatenʼnikón꞉raren kontikwé꞉kon ne kontírio ó꞉ni né otsiʼtenʼokón꞉ʼa. Né kanontsíne neʼtho kaiaʼtón꞉ni ne ohwistanó꞉ron ionnià꞉ton í꞉se nenʼné꞉e séntons.

Daniel 4:17

Né kiʼ tsi nihonohétston nowennaʼshón꞉ʼa ne ratironhiaʼkehró꞉non tsi nihonatateweiennentáʼon tánon ratiʼnikón꞉rare. Ne iorihón꞉ni akwé꞉kon nonkwehshón꞉ʼa aiakoterién꞉taraʼne ne Roʼshatstenhserowá꞉nen Rawenni꞉io kwáh thishakowenní꞉io ne tsi kanontiiotsherakè꞉ron tsi ionhwentsá꞉te tánon ó꞉ni kwáh thenhanónhton nónhka aontahshakáwen ne kaʼshatsténhsera kwáh tsi nenthanón꞉weʼne—shé꞉kon ó꞉ni ne kwáh kenʼ naontaiehsennáhska.’”

Numbers 21:12

Ethòne thóh nónhwe nonhsahonthatohsehróten ne Zered Ahonráhkwahkon.

Deuteronomy 2:36

Ne Roiá꞉ner ónhkwa Ní꞉io washonkwahríhon naiakwaiéna akwé꞉kon ne kanatowá꞉nens né꞉ne Aroer tontáshawen, ne tsi ieiò꞉te ne Arnon Awenhrá꞉kwakon, tánon ne kanatowanénhke ne kwáh asénhnon í꞉ken nahonráhkwakon, kwáh tiahónwe ne Gilead. Iáh ne skaná꞉ta tiaʼtekaié꞉ri tsi nahiotenhenraʼní꞉ronhke nonkwahrì꞉wake.

Joshua 6:16

Ne tsathakhaton satehó꞉nakwathasehatie, nónen ne ró꞉thikhares thó꞉wa ahonaterenhnhothake ne kahorawatsthakowa, ne Joshua washá꞉konhane nonhkweshón꞉ʼas tahothihenrete, tánon wahénron, “Ne Roiá꞉ner tsi sehwawi ne kanató꞉wanen!