Deuteronomy 19:4 - Ohiatonhseratokénti

⁴ Tó꞉ka iáh thashaʼnikonhrón꞉ni nahonshasateriwatéwahthe né꞉ne iáh thatetsatà꞉tions, enwá꞉ton kak tsi nikaná꞉take niaháse tánon ensehniá꞉kenhne.

Deuteronomy 19:4 ပူးပေါင်းရင်းမြစ်များ

Genesis 31:2

Tánon ne Jacob rattó꞉kahskwe ne Laban tsi iáh ehthó꞉tetsó꞉re teshatenroʼserí꞉io tsi nitiohtón꞉ne.

2 Samuel 14:11

Ehʼthóhʼne wakénron, “Ahsatthóntate, iasaterénhnaien rahonhá꞉ke ne Roiá꞉ner Saní꞉io, káti nètho nahonsahatiʼkárhiatʼte nonewénhsa nahónton tó꞉sa shé꞉kon ahonshasakotiʼnonwarhiákhon, tánon ne riʼiénha tó꞉sa ahonwáthonʼte,” Wahén꞉ron ne ronnontí꞉io, “Tsi nirónnhe ne Roiá꞉ner, iáh ne skanonkwísera ne tsién꞉a raonónhkwis tsiakaién꞉tane nonhontsá꞉ke.”

1 Chronicles 11:2

Tsi nitsawé꞉non, shé꞉kon ne Saul rahón꞉ʼa nonkwahnontí꞉ioʼkwe kènʼne, waʼsehén꞉tenhse nonkweʼshón꞉as Nisraeró꞉nonke nateriʼioseráke, tánon ne Roiá꞉ner Saní꞉io waʼiarahrátsten tsi í꞉se ensheʼiaʼsárihne ne rahonkwetaʼshón꞉as ó꞉ni ensehiatkóratste.”

Isaiah 30:33

Asèken ne iotékha kanátaien wahónhnise tkaweienhnenhtáhon; oriwiʼiohónhwe tsi ne kasahathákwen tsi niʼkaweienhnenhtáhon ne ronnontí꞉io raorihwàke, tanon tsi iontsahatákwah iosónhwes í꞉ken tánon tewatakáron, né ótsire tánon nóiente wé꞉so káien; ne rahonhnísera ne Roiá꞉ner, kwáh né꞉ne iontenatentástha í꞉ken, ne enwatekátakwe.

Numbers 35:12

Thóh nónhwe kwáh ensewatiaʼtanónsthaʼte né ronenhéion rahotiwátsires né ronhnésaks nahonsahatikáriaʼke. Iáh ónhka ne tsakoterihwatewá꞉ton tahʼiontatenonhwariákon né iáh tsi ionhkwéne nónhwe thaʼtehionhtatiaʼtoréton.

Numbers 35:9

Né Roiá꞉ner wahoró꞉ri ne Mahís

Deuteronomy 19:5

Takeriʼwaráste, tó꞉ka tesenihiáse karáhkon niahísene nahishinihientaʼkóha tánon tó꞉ka, ónhkak ne tesenihiáse roronhtaká꞉ro naharonhtié꞉nenhte, wahotenekeretsoharáhkwen raotóken tánon wahononhwarià꞉kon ne shahiáta, enskwé꞉ni ne iaʼtasharáhtate kak niká꞉ien kí꞉ken áhsen nikaná꞉takes tánon enshatekwáhsen.

Deuteronomy 19:6

Tó꞉ka shí꞉ken skanátak kók akénhake, ne kwáh ken nió꞉re ahontakénhake nonhtié꞉renk shó꞉tsi ahí꞉non nió꞉re akénhake, tánon ne ronhtaténonhs tsi niká꞉ien ronaterihwaiénhni nahonsahatikharià꞉ke ne sewateriwateʼwáthon nonhtié꞉renk enhiesaié꞉na tánon kanakwatsherá꞉kon tsi enshakotinonwarià꞉kon ne iáh othé꞉nnen tehiakonʼníkonh. Kwáh ki ó꞉ni, iáh tesaʼnikonhrón꞉ni tsi ónhkak wasenonhwarià꞉kon né꞉ne iáh tatetsaténtsons.

Deuteronomy 4:42

thóh nón꞉we naónton ne ónhkwe iahionteʼkwásen tánon kwáh skennenʼkó꞉wak thakénhake tó꞉ka iáh tehoʼnikonhrón꞉ni ónhkak washakononhwarià꞉kon né꞉ne iáh thaʼtehiatà꞉tsons. Aónton ne kák niká꞉ien ne kí꞉ken áhsen nikaná꞉take nón꞉we iahateʼkwásen tánon iáh tahonwanonhwarià꞉kon.

Joshua 3:4

Iáh nonhwénton kén꞉en tethisewénon, káti ronónha henietsinaʼtónhase tsi nienhénsewe. Ók tó꞉sa ki ákta í꞉sewet Naterihwaʼseronhniá꞉tshera Oneró꞉kwa; tó꞉ka asénhnon ne tsi nihióhase nió꞉re oná꞉ken sewahténti.”