Deuteronomy 18:16 - Ohiatonhseratokénti

¹⁶ “Ne tewenhniserá꞉tehkwe ne shisewatiaʼtaró꞉ronhne ne tsi tionónhte ne Sinai, wesewaʼnéken ne tó꞉sa shé꞉kon ahonsahtsisewawenhnà꞉ronke ne Roiá꞉ner tó꞉ka ó꞉ni ne tó꞉sa shé꞉kon nonhwénton ahonsehsewatkátho ne raonakwahtserowanáhtshera, tiorì꞉wa tsi sewateronskwe nontiérenk ensewénheie.

Deuteronomy 18:16 ပူးပေါင်းရင်းမြစ်များ

Exodus 20:18

Nónen nonhkweshón꞉ha sahakothónteʼne tsi iowèren ó꞉ni ne iehonrawátstha tsi nihiorahkaréni tánon wahontkátho tsi natewanineʼkarahwánions tánon tsi natehioienkwaráhien ne tsi iononhtáhere, wahakohiatíshonhkwe tsi nahakóteronhne tánon ahʼínon nióre thontahatítaʼne.

Exodus 20:19

Wahonwénhase ne Mahís, “Tó꞉ka enskwathárahse, enhiakwataʼhónsahthate; ók hionkwáterons tó꞉ka ne Rawenni꞉io ashonkwaʼthárahse, enhiakwénheie.”

Jeremiah 1:9

Ethóhʼne ne Roiá꞉ner thontahatiáthate, skwentàhke iahaiéna, tánon wahakénhase, “Sahtahónsahtat, tkonhiáwis nohwenhnahshón꞉a nahshatáhtsiaʼte.

Deuteronomy 1:6

“Né꞉ne tsi tionónhte ne Sinai shititewéskwe, ne Roiá꞉ner onkwahʼNí꞉io washonhkwénhase, ‘Thóh tsi nikarí꞉wes ó꞉nenh kén꞉en tsi ionónhthe shisehwénhteron.

Deuteronomy 10:4

Ethò꞉ne ne Roiá꞉ner é꞉tho ostèn꞉rakes wahahiatón꞉nion kwáh ne sakawénhnas tsi nitiotónhne ne tiotierénhton, ne oié꞉ri nikaianerenserákes tetsisewá꞉wi nó꞉nen shatsisewathá꞉rase ne tsi tiotè꞉kha ne sonhtontié꞉renhte sehsewatiaʼtaró꞉roke ne tsi iononhtáhere. Ne Roiá꞉ner tahá꞉kon nostèn꞉ras,

Deuteronomy 9:10

Ethò꞉ne ne Roiá꞉ner tahá꞉kon ne tekenstèn꞉rakes róston né꞉ne thóh nónh nihohiaʼtón꞉nion ne kwáh raónha ratsaʼnáke né꞉ne tsi nahó꞉ten tsisewahró꞉ri ne tsi iotè꞉kha nitsawé꞉non né꞉ne tewenhniserá꞉tehkwe ne sehsewatiaʼtaró꞉roke ne tsi tionónhte.

Hebrews 12:19

Tsi nenwahtewennóten ne iehonrahwátsta ó꞉ni tsi nenhiakothóntene nowennasónha. Nónen nónkwe iakothonthéʼon nowénna, waheʼnéken ne tóh꞉sa shé꞉kon ahonsaiakothón꞉teʼne,