Deuteronomy 18:12 - Ohiatonhseratokénti

¹² Ne Roiá꞉ner saNí꞉io shakósons nónhkwe nónhka ne nihieié꞉ra ki ioteriwaʼtéhas, tánon ne aorì꞉wa shakohiaʼtinekenhenhátie nonhklweshón꞉as ne tsi ionhontsá꞉iens tsi niahisewenonhátie.

Deuteronomy 18:12 ပူးပေါင်းရင်းမြစ်များ

2 Kings 23:24

Nahiotón꞉ʼon nakonwashaststénseron ne kaianerénhseras tsi kíʼ nikaiatónhnions ne kaiatonhserákon nètho ratsihenstowánen Hilkiah rotʼtsénhrion Nononsatokentiʼkó꞉waʼne, Ne Ronnontí꞉io Josiah éh꞉ren waʼsakoiatenháwite ne Jerusalem ó꞉ni ne Judah ratikwé꞉kon ne tehatitháraʼkwe ne ronenhé꞉ionskwen ó꞉ni ne sakonatiatonserát꞉kenhse, tánon akwé꞉kon ne kanonskónsons kaiéntakwe niʼioʼokónhas, kaiatonhnisónhas, tánon akwé꞉kons tsi nahoténshonskwe ne rónsthakwe tsi konwatisén꞉naienskwe ne kaiatonhnishón꞉as.

Ezekiel 31:11

Káti wakʼkénhron tánon enhiríhon ne thiʼhahóntsate rakórah iaháhawe. Kwáh éntronh nètho karónhta tsi natehioténtshon ne tsi nihioriwahnerahátskon.

Leviticus 18:24

Tó꞉sa thènen teshaʼtatsiatátionst ne kíʼ thóh nashieránion, asèken thóh ní꞉ioht ne ioʼkwetáksens tsi tehonthatsiatatiónstha, nètho onhkweshón꞉as né ratinákerekwe ne tsi ionhontsáte nohénton níse tánon tsi nikáien ne Roiá꞉ner shakohiatinekénhseʼre né nahónton níse thóh niahí꞉seʼwe.

Leviticus 18:25

Tsi nihatiʼweienhnótens waʼthonnonhontsátsionsʼte, tánon káti ne Roiá꞉ner rarewáthaʼne nonhóntsa tánon ne enrónhniaʼte nahontahiakoiatínekenhwe nonhkweshón꞉as né thóh nónhwe nihatinákere.

Deuteronomy 14:27

“Tó꞉sa ietsihiaʼtanikónhren ne Levites ne sewanatákons ratinákere; iáh thahó꞉ten tehotihientaʼtserá꞉ien.

Deuteronomy 22:5

“Ne konhnónkwe iáh tehiówenk ne rónhkwe rahotsherón꞉niat ákonhste, tánon ne ronhnónkwe iáh nónhne tehiówenk ne konhnónkwe ahonaʼtserónhniat áratste; Ne Roiá꞉ner saNí꞉io shakósons nónhkwe ne nihieweienhnó꞉tens.

Deuteronomy 9:4

“Nó꞉nen ne Roiá꞉ner sewaNí꞉io sakohiaʼtinekénhen ne sewarihwá꞉ke, tó꞉sa sewénhron ne tsonháke tsi thatsisewahiaʼténhawe nahisewatié꞉nawatste kí꞉ken ionhontsá꞉ien tiorí꞉wa tsi tesewaténhtion. Iáh, ne Roiá꞉ner tsi enshakohiaʼtínekenhwe ki onhkweshón꞉a ne sewarihwá꞉ke tiorí꞉wa tsi nihononhkweʼtahétken.

Deuteronomy 9:5

Iáh ne tetiorí꞉wa tsi sewaiánere tánon thóh nisewahiéra né꞉tho Roiá꞉ner tsi sewariwá꞉wis nahisewatié꞉nawatste ne rahononhóntsas. Akwáh enshakohiaʼtínekenhwe ne tiorí꞉wa tsi nihonhnonkweʼtahétkens tánon ne tiorí꞉wa tsi ihré꞉re nahatié꞉nawatste tsi nishakorahratstén꞉ni ne sewasoʼtsheraokonhkén꞉en, nʼAbraham, Isaac, tánon ne Jacob.