Deuteronomy 18:10 - Ohiatonhseratokénti

¹⁰ Tó꞉sa sehiateskónten ne sheienʼokónhas ne tsi iotè꞉kha ne tsi tsenharáhkwas; tánon tó꞉sa seríhon nonhkweshón꞉a ne ken niahatí꞉iere ne iótkons tó꞉ka ó꞉ni nahonhnésake nataharenhnátsheras tó꞉ka ó꞉ni ne rónhstha nónhkak tashakotihierón꞉nion

Deuteronomy 18:10 ပူးပေါင်းရင်းမြစ်များ

Genesis 44:5

Iáh kenh ne kiʼ té꞉ken ne rahnekihrá꞉tha natiá꞉nehr? Tánon Iáh kenh ne tehátstha ne iaharí꞉waken? Waʼtisewaterienʼtawén꞉rie tsi kiʼ tho nesewá꞉iere.’”

2 Kings 16:3

tánon ne wahá꞉sere tsi tontahotenákerasʼte ne ronnontí꞉io Nisraeʼró꞉nonke. Kwáh ó꞉ni wahotsatátʼtsahate ne roiénha notsiráhke né nashakoteskóntʼthase ne kaiatonhnisónhas, tontahatenákerahte ne ioterihwatéhas tsi nihatiʼiéra nonkweʼshón꞉ʼas tsi nikáien ne Roiá꞉ner sakoiatinekénʼen ne tsi iohontsáien ne Nisraeʼró꞉nons tsi niahónhne.

2 Kings 17:15

Iáh tehonatʼthontháton nahonatewenhnaráhkwen ne rahorihonhnienhnítseras, iáh tehonatsenawáston ne kaianerénhsera tsi nihó꞉son skát꞉ke ne sakotisokʼthonkonhkénʼen, iáh karíhwa tehonnónhni tsi nishakoronhkaténhniskwe. Né wakonwasénhnaien ne iáh othènen tekariwásthas kaiatonhnisónhas tánon ronón꞉ha ó꞉ni iáh othènen teshatirihwásthakwe, tánon ne rahtísere tsi nihotiʼianerenserótens né aktóntses ratinakerénion, iáh tehonwawenhnarahkwenhátse ne Roiá꞉ner tsi nisakoróri ne tó꞉sa tahontahonwatinákeren.

2 Kings 17:17

Kwáh ó꞉ni wahonwanateskónten ne rahotinekenhteronhtserasónhas ó꞉ni ne rahotiʼiatasetserasónhas tsi né tahatí꞉ieste, tánon ne wáhonste ne tahóntkonste tánon natenhenʼnaráhtseras, tanon wahontatenhninónhnion né꞉ne karihwahekénsera tsi nahóntsere rahohénton ne Roiá꞉ner, né nahonwanakónhni.

2 Kings 21:6

Tánon roiénha waʼhoteskónten né iahót꞉kaʼwe tsi tahá꞉ieste. Né ken niehaʼiéraʼkwe niaharihwáken tánon natahennarátshera tánon shakorihwanontonhniónʼniskwe ne sakonathiathonhserátʼkense ó꞉ni ne ronhnenhéions. Kwáh í꞉ken tsi kowánen waharihwánerake tsi nòkwah ne Roiá꞉ner tánon wahonakón꞉ni.

2 Kings 23:24

Nahiotón꞉ʼon nakonwashaststénseron ne kaianerénhseras tsi kíʼ nikaiatónhnions ne kaiatonhserákon nètho ratsihenstowánen Hilkiah rotʼtsénhrion Nononsatokentiʼkó꞉waʼne, Ne Ronnontí꞉io Josiah éh꞉ren waʼsakoiatenháwite ne Jerusalem ó꞉ni ne Judah ratikwé꞉kon ne tehatitháraʼkwe ne ronenhé꞉ionskwen ó꞉ni ne sakonatiatonserát꞉kenhse, tánon akwé꞉kon ne kanonskónsons kaiéntakwe niʼioʼokónhas, kaiatonhnisónhas, tánon akwé꞉kons tsi nahoténshonskwe ne rónsthakwe tsi konwatisén꞉naienskwe ne kaiatonhnishón꞉as.

1 Chronicles 10:13

Ne Saul né aoríhwa waʼrén꞉heie né tsi iáh teʼoríhwathóʼkenhne rahonháke ne Roiá꞉ner. Iáh tehotewenhnaráʼkwen ne Roiá꞉ner raʼorihwatát꞉tieras; né waʼhatheniénhten naré꞉saʼke né ahosárihne tsi niʼsakotenikonrátʼkenhse ne ronenheʼiónkwen

2 Chronicles 28:3

wahatsahathánion ne kanetanórons ne Hinnom ahonráhkwahkon, tánon iekaníhare ó꞉ni sakohiohokónhas washakoteskónhten né kahiatonhnisónhas aotirihwáke, thontahotenientenstonhátie né ioterihwatéhas tsi nihatiʼiérahkwe nonhkweʼshón꞉as tsi nikáien ne Roiá꞉ner shakohiatinekénʼen tsi ionhwenhtsáte tsi niahónhne Nisraeʼró꞉nons.

2 Chronicles 33:6

Roiénha waʼhoronhiákenhte né Hinnom nón꞉we Ahonráhkwahkon tsi waʼhoteskónhten. Né waʼhatéweiensʼte ne tahatkónsthake tánon natenhenhnarátsheras tánon né waʼsharorihwanonhthonhniónhaʼse ne sakonatʼhiatonhserátʼkenhse tánon ne rohnenheʼiónkwen. Kwáh í꞉ken tsi tehiotenonhianíton tsi ní꞉ioht tsi waʼharihwánerahke tsi nòkwah ne Roiá꞉ner tánon wahonakhwísa.

Exodus 22:17

Ók kíʼ tó꞉ka ne ronhwaníha iáh thahatʼthóntate nahoríhon nahotíniake ne shaʼkoiénha, ónenk tsi enhokárhiakse ne kanísera satàkenasʼke ne kaniákʼtshera ne iáh tekanakwahientéri.

Exodus 22:18

“Enkonwanonwahrhiákon ónhka ne iónhkwe kén niekahiéra natenʼennarátshera.

Isaiah 47:13

Kwáh tesawisenhéion né tsi niʼhonatsiokowánen ieʼsatenikonrá꞉wis; sheríhon tsi nikáien ronteweiénstha ne tsi karonhiá꞉tes thethatítan tánon iesahiatanónstat, tsi niháti ronhteweiénstha ne tsi iotsistokwahrónhnions, tánon niaʼtewenhnítake nenskarakwáhrake nasontʼthenhnékha ienhatirihwáken onhnahó꞉ten kwáh ahiʼsárahne.

Jeremiah 27:10

Ietʼtsinikonhrahténnis tánon ne enhatirihónni ne ahínonʼnióre hiahietsihiatenháwiʼthe ne sewahnakerahserákon. Kwáh éhren enkwahiatenháwiʼthe, tánon kwáh enhietʼtsiʼhiáthonthe.

Jeremiah 27:9

Tó꞉sa ietʼtsihiathahónsahtat ne rotitokénseh tó꞉ka nihóni tsi nikáien ne rónton enhatiʼkwéni ne iahatiʼriwáhken tsi niaʼhawenonhátie, ó꞉ni naʼtettshénsehras tó꞉ka nihóni iahatíʼnonhke ne iakawenhéion raotiʼnikónhras tó꞉ka nihóni ne atenhennahráhtshera. Kwáh ratikwékon ietʼtsiró꞉ris ne tó꞉sa thaʼtsisehwahnónhtons ne ronnonhtí꞉io ne Babylonia.

Jeremiah 32:35

Ne Baal ronhniónnienni ne ietienharáhkwah nahonráhkwahkon ne Hinnom nónhwe, né nashaʼkonahtsiatatʼtsaháthe ne shakotiʼhiohokónhas raohénton ne niio Molech. Iáh tekhenáhon né nahatí꞉iere, tánon akwékon iáh ne tiewahkanonhthonniónhon nètho kén nahatí꞉iere ne nahshaʼkonónhnien ne Judahró꞉nons nahatiʼrihwáhnerahke.”

Jeremiah 7:31

Nahonráhkwakon ne Hinnom ronnónhni ne ietsienharáhkwa ne konwanahthónkwa Topheth, ne káti nahonwanahtiatatʼtiáhaʼte ne shá꞉kothiienhokonhas ne tsi iotékha. Iáh thekheró꞉ri kíʼ ne thóh nahathí꞉iere—akwékon iáh ne tewahkanonhthonniónʼon.

Leviticus 19:26

“Tó꞉sa othènen sewawá꞉rak ne shé꞉kon iotenekwénhsa. Tó꞉sa othènen sewatéweienst ne iótkons.

Leviticus 19:31

“Tó꞉sa thóh niénhsewe naʼietsihiatenikonhrihsáhkha nonhkweshón꞉as né꞉ne ronhwatinikonhríhsaks ne ronenhéion. Tó꞉ka thóh nénhshiere, kwáh kíʼ shihiorihwakáion tsi teshahiathátion. Í꞉i ne Watiá꞉ner Sewaní꞉io.

Leviticus 20:6

“Tó꞉ka ónhka tsi nítsion thóh iénsewe naietʼtsinikonhrihshákha nonhkweshón꞉a né꞉ne konhwatiʼnikonhríhsaks ne ronenhéions, kwáh kíʼ enhkonhiatʼkónhten tánon iáh kíʼ ské꞉kon ne tahonsehshatená꞉thonkwe Í꞉i akonkwéta akénhake.

Micah 5:12

Tánon Kwáh enkhehiatón꞉te ne tehontierón꞉nions ne shatiánakes, tánon iáh tahonhshonhsonkweʼtaiénthake ne tehontserón꞉nions;

Malachi 3:5

Eʼthó꞉ne kiʼ kwáh sewaiaʼtákta én꞉kehte nakwarí꞉wenhte; kwáh entiaʼtahstó꞉reke tsi enkerihwahní꞉rate tsi nonwá ne rontenʼèn꞉naras, tsi nonkwá ne rontenahkwaiesáhtha, tsi nonkwá ne ratirihwahní꞉rats nonó꞉wenʼs, tsi nonkwá ne shakotironhiakèn꞉tha ne ratihnhá꞉tsheraʼs tsi nihonatkariá꞉kse, ne ionatehré꞉ʼons tánon ne tehontonhnhakárhias, tsi niiá꞉kon ne é꞉ren iehonwatí꞉reks ne thihonnonhontsá꞉te, tánon ne iáh teiontatkweniènhstha, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

Acts 19:19

Rohnatiokowánen ne ken niehathiʼiérakwe nataennaráhtsera, tahathíhawe ne rahothihiatonserasónhas tsi neh rónstakwe tsi nihontiérahkwe tánon ahkohénton nónkwe thóh wahóntsiahate. Tahonsehtánion tsi nikanóron ne rahothihiatonserasónhas, tánon tsi niakanontáraʼne wísk-niwásen tewenniaweheʼtserásen neh kawistarákens kwénis.

Acts 8:9

Saiátat ne rónkwe ne nónwe nihanákere Simon ronwáiats, ónen kwáh thoʼtsinikaríwes ne Samariaró꞉nons sihotinerákwasʼkwe tsi nihorenʼnáhon ne tahatieronnionháton. Thóh nihonikonróhtenʼne tsi kwàse raʼsenhnowánen,

Galatians 5:20

konwatisénnaiens kaiatonnisónhas ó꞉ni iontenénnaras. Nonkwesónhas tenhotiriwaráseron ó꞉ni enhonterihioháton; tánon enhatinosháseke, enhotinakwenhénhake, ó꞉ni enhonatetʼtséntake. Enhonnitiokonniánion;

Deuteronomy 12:31

Tó꞉sa thóh ní꞉ioh thónhak tsi atsisewasénhnaien ne Roiá꞉ner sewaNí꞉io tsi nihatiʼié꞉ra tsi konhwasén꞉naiens ne rahotiní꞉ios, asè꞉ken tsi ratisénhnaiens ne rahotiní꞉ios akwé꞉kon é꞉tho nihatiʼié꞉ra ne ioteriwatehaʼsónhas né꞉ne tsi nahoʼténhsons rariwáhsons ne Roiá꞉ner. Iekaní꞉hare shakonatiaʼtatsahátha ne shakotihioʼokón꞉as tsi iotè꞉kha ne tsi ratitsenharáhkwas.

1 Samuel 15:23

Asèken nahiontenontsistát꞉sate kwáh satewahét꞉ken ne karihwanerahák꞉tshera tsi ní꞉ioht ne tahióntʼkonste, tánon nahiontenontsistanírate kwáh ne ne karihwanerahák꞉tshera ó꞉ni ne kahiatón꞉ni konwasénhnaiens. Tsioríhwa ní꞉se tsi waskénron ne raowenhnaó꞉kons ne Roiá꞉ner, ne raónha kwáh nón꞉ne eh wahiakénron ní꞉se nahisanontí꞉ioke.”

1 Samuel 28:3

Nón꞉wa ne Samuel ó꞉nenh rawenhé꞉ion, tánon kanenrahkwé꞉kon NʼIsraerʼronónke ronwatiónhnionhse ne raón꞉ha tánon wahonwahiatháta thóh nón꞉we Ramah, ne ne kwáh raón꞉ha raonátakon. Ne Saul shesakoiatinekénʼon ne tehathiʼthára ne ronenhéions ó꞉ni ne niatehotiriwáke ne tsi iohontsáien.

1 Samuel 28:7

Ehʼthóhʼne ne Saul wasakawénhaʼse ne raonhatserashón꞉ʼahs, “Sewahiatísak ne ní꞉i akeriwáke ionkwéne ne ahón꞉ha tahatitháren ne ronenhé꞉ion, ne káti nahón꞉ton ahonháke niáke tánon akerihwanóntonhse.” Ne raonhatsheraókons wahonwénhase, “Thóh tkénteron ne tehathithára ne ronenhé꞉ions ne Endor nón꞉we.”

1 Samuel 28:8

Káti ne Saul wathatahtierónhnion tánon ó꞉ia niwahkweniió꞉ten wahatierónhniate tánon thóh nón꞉we niahá꞉re, rahón꞉ʼa tánon ó꞉ia teniiá꞉se wahón꞉ne. Iahónhnewe tsitkénteron ne ión꞉kwe tsi niwasónhteskwe. Tánon warénhase, “Tesehnhithá꞉ren ne rawenhé꞉ion ní꞉i akerihwáke ne ne tsi niká꞉ien enhináton ne shonháke.”

1 Samuel 28:9

Ne ión꞉kwe wahawénhase, “Oriwiʼiohónwe tsi sateriéntahre tsi nihoiéren ne Saul, tsi ní꞉ioht tsi sakoiát꞉se ne ronenhé꞉ions tánon ne niatehotirihwákes ne tsi ionhontsá꞉ièn. Nontiéren káti ní꞉se tsi sateristahién꞉tons ne tsi kónnhe ne ne ahontakáhawe kenhé꞉ion?”