Deuteronomy 17:2 - Ohiatonhseratokénti

² “Tó꞉ka shí꞉ken waseriwà꞉ronke kak tsi ní꞉kon ne sewanatákons otià꞉kes ne ronhnónkwe tó꞉ka ó꞉ni konhnónkwe wahatirihwánerake tsi nokwáh ne Roiá꞉ner tánon waʼthatí꞉hiake ne rahoteriwaʼseronhniá꞉tshera

Deuteronomy 17:2 ပူးပေါင်းရင်းမြစ်များ

2 Kings 18:12

Ne Samaria wakonwasénhni tsioríhwa Nisraeʼró꞉nons iáh tehonwawenhnaráhkwah ne Roiá꞉ner Raotíní꞉io, ók kíʼ tehotiʼiákons ne sakoianerenhseʼrihshenhénhni tánon iáh tehonatewenhnaráhkwen akwékons ne kaianerénhseras ne Mahís thó꞉wi, né raʼonhatserakénʼen ne Roiá꞉ner. Iáh tehonatahonsatháton iáh ó꞉ni tehonatewenhnaráhkwen.

2 Kings 21:3

Sahrón꞉niáʼnion ne tsi konwaʼtisennaientákwahs ne kaiatonniʼshón꞉ʼas né꞉ne ronikén꞉en Hezekiah rorihwaʼtón꞉ton; waʼrón꞉ni ne ietienharákwah né nahonwaʼsén꞉naien ne Baal tánon wahaiatonniserónʼni ne kaní꞉io Asherah, kwáh kíʼ tsi niʼoiéren ne Ronnontí꞉iokwe Ahab Nisraeʼró꞉nonke. Né Manasseh kwáh ó꞉ni shakosén꞉naiensʼkwe ne otsistokwahsónhas.

Job Tánon ne Raoronhiakensera 31:28

né kihó꞉ni kí꞉ken karihwaneraháktshera nakonwarihwénte, asè꞉ken néne ahihiatonhní꞉hase ne Rawenni꞉io ne è꞉neken thèn꞉teron.

Exodus 22:19

“Enhonwanonwahrhiákon ne rónhkwe tó꞉ka rónhrats ne kontitshénens.

Exodus 22:20

“Enhonwaríwenhthe nahonwanonwarhiá꞉kon nónhka nahaʼtsatátshaʼahthe ne katshénen niaʼsakotátʼtse ne kahiaʼthonhnisónhas, ók kwáh nék khók Ní꞉i, ne Watiá꞉ner.

Jeremiah 31:32

Kwáh iáh thóh tahiothónhake tsi niʼiohthónʼne ne kahianerensehrakáion tsi niwákson tsi naʼtehiakwáhtereh ne sathiʼtisotʼthonkonkénʼen nónen ne sonshaʼkhenentʼtsíʼne tánon shaʼkhehiatínekenʼwe ne Egypt. Ethosáne kwáh ne ne ahionkwahniákonhke ne roʼnónha, iáh tehonahtienawásthon nètho ateriwahsehronniátshera.

Jeremiah 34:18

Ne ronahterihóntons ne Judah nónhwe ó꞉ni ne Jerusalem nónhwe, skátke ne kanonhtiʼiotsherákon ronahterihóntons, ne rotikháres, ó꞉ni ratiʼkwékon ne sakothihéntenʼse, ionkwahteriwahsehrónni tsi thóh nónhwe nenhonténti tsi nahtetsiátereh ne tehonwahiatsákhon ne tionʼnónhskwahron rátsinn. Ók kíʼ tehothihiákon nètho ateriwahsehronniátshera tánon iáh tehonatsenawáston tsi nikahriwahnónhtons. Káti thóh nenhkheiérahse kí꞉ken onhkweshón꞉a tsi nihonwahiérahse nètho tionʼniónhskwahron rátsinn.

Ezekiel 16:38

Kwáh enkhonréwahthe ne tsi satenahkwahieshá꞉tha tánon sehiaséhtha, tánon nahkenahkwahtsherákon ó꞉ni tsi wahkatenahkwahwenhráhti kwáh enkhonréwahthe ne꞉ne ashihéhiaʼte.

Hosea 6:7

Ók Á꞉tonion꞉ke nón꞉we nathatí꞉iake naterihwaseronhniá꞉tshera; thóh nón꞉we nahonterihwathéntiate nahionkeʼnikonhráthen.

Hosea 8:1

Sewatenón꞉tha ne iehonrawátstha! Kwáh tsi ní꞉ioht ne kaweró꞉kwats ne è꞉neken ká꞉tses ne tsi ronónshote Roiá꞉ner, tiorì꞉wa tsi teotihiá꞉kon nakaterihwaseronhniá꞉tshera, tánon ronatewenhnóntion natsanerénhsera.

Leviticus 20:2

nashakawénhaʼse nonhkweshón꞉as Nisraerʼró꞉nonhke, “Ónhka tsi nítsion akénhake tó꞉ka ó꞉ni ne tihononhontsátes ne skát꞉ke sewaná꞉kere ne niahonwanát꞉kaʼwe ratitsahokónhas nahonwánatsʼte nakonhwasénhnaien ne ní꞉io Molech tsi kwáh kanenhrakwékon enhonwanenhióiaʼke tsi nióre ienhrénheʼie.

Leviticus 26:15

Tó꞉ka ensewaterahiáthaʼkwe nahiʼsewatewénhnaraʼkwe natianerénhseras ó꞉ni nakerihwatátʼtseras tánon tesewáhiake naʼterihwaseronhniátshera né wát꞉son skát꞉ke níse,

Leviticus 26:25

Aterihrihiósera enthékhaʼwe ne sonháke ne nakonhréwaʼte tsi watéshiaʼke naʼterihwaseronhniátshera, tánon tó꞉ka tsi kanatowanénhke nienhénse nashatekwáhsen, kwáh kíʼ ienkaténieʼte né꞉ne iáh tetieiewénhtas kannratharihnétsheras ne tionháke, tánon kíʼ entietsihianónhtonse nahisewaniaʼtarakétsko rahotihénton ne tesewatátʼtions.

Deuteronomy 17:5

ethò꞉ne ki átste naʼkanatháti niasehiaʼténhaf tánon senenhióhiak tsi senonhwarià꞉kon.

Deuteronomy 29:18

Iorihwihió꞉hak iáh ónhka ne rónhkwe tó꞉ka ó꞉ni ne iakónhkwe, kahwá꞉tsire, tó꞉ka ó꞉ni ne kentióhkwa ne kén꞉en rónhnete nón꞉wa wenhniserá꞉te nahonsahonwatkaraté꞉ni ne Roiá꞉ner Onhkwaní꞉io né꞉ne ahonshakonhwatiʼshén꞉naien nakorénhsons rahotinihioʼokón꞉as. Ne ki thóh nenhiá꞉wenhne tsi ní꞉ioht nó꞉tera ne tkánios tsi natehioterahiótsis ó꞉ni ne iakorhiótha iohnióte.

Deuteronomy 29:25

Tánon tsi tenkariwahserákwen, ‘Ne tiorì꞉wa ne Roiá꞉ner rahonkweʼtashón꞉as wathatihiá꞉ke nateriwaʼseronhniá꞉tshera ne skátke rothí꞉son ne raónha, ne Sakoní꞉io ne shakotisoʼthonkonhkén꞉en, nó꞉nen shathontashakohiatí꞉nekenhwe ne Egypt.

Deuteronomy 31:20

Kwáh ki ienkhehiaʼténhawe ne tsi tiohontsarénhse ó꞉ni iohontsí꞉io, tsi ki nikhehiararatstén꞉ni ne shakotisoʼthonkonhkén꞉en. Thóh nón꞉we kwáh tsi ní꞉kon tehonathonhontsó꞉ni tsi enhothikwahiéntake, tánon ionhwénhsen tsi ní꞉ioht tsi enhonhnón꞉neke. Ók ki tenhontkaraté꞉ni nó꞉ia nihioʼokón꞉as enkonhwatishén꞉naien. Kwáh enhiontkénron tánon tenhatihiáke nakateriwaʼseronhniá꞉tshera,

Deuteronomy 4:23

Oriwí꞉io tsónhni tó꞉sa sasewaʼnikónhren nateriwaʼseronhniá꞉tshera ne Roiá꞉ner ró꞉son ne sewariwà꞉ke. Sewatewén꞉narak ne raoriwatà꞉tshera né꞉ne tó꞉sa othé꞉nen akénhake nahisewatatiaʼtonhniserón꞉nien,

Hebrews 10:28

Onka iáh tahiontewenhnarahkwe ne Mahís raoianerensera enhiontatenonwahriakon kwáh iáh kahneka ne kentenron nónen iakonikon tsi ní꞉ioht tsi tehiontatiatóreton né rohtirihwahnirahton ne tehionkwetake tóka ó꞉ni sénha rohnatiokowahnen.

Joshua 23:16

Tó꞉ka káti iáh tahisewatié꞉nawatste nateriwaʼseronhniá꞉tsheras né꞉ne Roiá꞉ner Sewaní꞉io tsi sewarihón꞉te nahisewatié꞉nawatste tánon tó꞉ka tenieʼtsiriwásniese ó꞉ni ensewasénhnaien nó꞉ia niiohokónhas, ethò꞉ne ki rahonakwahtserá꞉kon tsi entsisewaréwathe, tánon iostó꞉re iáh ónhka tsi nítson tsiatahonsehsewathaténhronhke kí꞉ken iohontsí꞉io né꞉tho tetsisewá꞉wi.”

Joshua 7:11

Israerʼró꞉nons wahatirihwanérahke! Wathatíhiake naterihwaʼsehronhniá꞉tshera nakonhà꞉ke né꞉tho kheró꞉ri nahontié꞉nawatste. Iehothíha tsi nahoʼténhsons ne watstháshion nakarihwaieshá꞉ton. Wahatinénsko, wahonʼnó꞉wenhthe, tánon rahonawenhsónhas iathatí꞉iesthe.

Joshua 7:15

Tsi niká꞉ien ne ronhwathihiaʼtará꞉kwen tánon rathí꞉hawe ne watʼkénstons kwáh enhonwanatiataʼtsáhate, skátke ne rahowá꞉tsire tánon tsi nahoʼténhsons ahoiénthake, asè꞉ken watehenserowá꞉nen wasakoiénhase ne Israerʼró꞉nonke tánon waʼthá꞉hiake nakateriwaʼsehronhniátshera.”

Judges 2:20

Ethòne kíʼ ne Roiá꞉ner enhotenakwahwénhratʼtse tsi nòkwah ne Israerʼró꞉nons tánon enhénron, “Kí꞉ken kawatsírathe tehothiʼiákon naterihwasenhronhniátsera né kherihwatháti ne shakotisotʼthonkonhkénʼen nahatísehre. Né entkarihón꞉ni tsi iáh tehionkewenhnarákwen,

Judges 6:31

Ók ne Joash wasakawénhase ratikwékon ne thóh wahonwanenhrót꞉thaʼse, “Baal kén tesewarihwakená꞉se? Thiʼsehwanésken? Ónhka ne takonhwarihwaké꞉nahse kwáh enhionhthatenonhwarhiákon nohénton nahiórenhne. Tó꞉ka ne Baal ní꞉io íken, áhionʼkiʼ rahónha thá꞉ne. Rahónha sehwáhi rahotsienharákwah ne skaríhshion.”