Deuteronomy 17:19 - Ohiatonhseratokénti

¹⁹ Kí꞉ken kahiatónhsera rahiatákta nón꞉we tió꞉konhte nakénhake tánon nahawenhnanót꞉thake kwáh tsi nirónhnes, ne káti nahaweientè꞉taʼne nahokweniénsthake ne Roiá꞉ner tánon nahatewenhnarákwahke ahoriwatokénhake orihwakwé꞉kon tsi niwakró꞉ris né꞉tho.

Deuteronomy 17:19 ပူးပေါင်းရင်းမြစ်များ

2 Kings 22:10

Tánon eʼthó꞉ne waʼhénron, “Kénʼen í꞉khawe kaiatónhsera nètho Hilkiah tkakáwi.” Tánon iorakaʼréni tsi wahowenhnanóthase ne ronontí꞉io.

Psalms 1:2

Khèʼkok, ronhnerientiʼióstha nahontewénhnarahkwe ne Roiá꞉ner raohianerénsera, kwáh tsiókonhte tsi rotiwenhnanóte ó꞉ni rononthonhniónkwas nahorihonhnienhnítshera niaʼtwenhniseráke tánon niaʼtehiokaraʼtseráke.

John 5:39

Seȣatennikonraren tsi seȣaȣennanotons ne kaiatonseratokenti, nese ȣahi seȣaniahesen aheseȣanatonhase tsiniieiothahinon ne Karonhiake, neh oni kariȣanirasts nakeriȣasonha.

Deuteronomy 11:18

“Sewehiárak kí꞉ken kariwatà꞉tsheras tánon tsónhnet. Sewatenentshanerénktat tánon tesewatenonhwaráhnak ne nahisewehiarakwenhní꞉hake.

Deuteronomy 4:10

tsi nihioʼtónhne ne tewenhniserá꞉teʼkwe raohénton ne Roiá꞉ner waʼtesewá꞉taʼne ne sewaNí꞉io ne tsi tionónhte ne Sinai nó꞉nen sahá꞉kenhse, ‘Ietsihiaʼtaró꞉rok nonhkweshón꞉a naʼkénton. Tewakatonhontsóni nahonaʼthontè꞉ne tsi nahó꞉ten wá꞉tien nakí꞉ron, ne ká꞉ti ne kwáh ahatiweientéʼtaʼne naionkewenhnaráhkwe kwáh tsi nikarí꞉wes enhonʼnónhneke tánon ká꞉ti kwáh ashakotirihón꞉nien ne sakotihioʼonkónhas ne thóh nónhne nahatí꞉iere.’

Deuteronomy 4:9

Sewatatenʼnikónhraren! Oriwí꞉io tsónhni tsi iáh thahonsesehwaʼnikónhren, kwáh tsi nikarí꞉wes entsónhnheke, tsi nahó꞉ten wesewatkátho ne kwáh í꞉se sewakarà꞉ke. Ieʼtshiró꞉ri ne ietshiʼienhokón꞉as ó꞉ni ne ietsihiatereʼokónha

Deuteronomy 5:1

Mahís ratikwé꞉kon washakohiaʼtaró꞉rohke Israerʼró꞉nons tánon washakawénhase, “SewaʼIsraerʼró꞉nonhs, sewatahónshatat akwé꞉kon ne kaianerénseras nentkwawíhon nón꞉wa wenhniserá꞉te. Sewatéweienst tánon ioriwihióhak tsi sewatewén꞉narak.

Joshua 1:8

Iorihwiióhak né꞉tho kahiatónhsera ne kaianerénhsera tsi tió꞉konte enwatewenhnanót꞉thake nenhshaterén꞉naien. Shatéweiest tsi niwenhniseréhsons ó꞉ni noʼkarasnéha, tánon orihwí꞉io sónhni tsi enshatewénhnaraʼkwe akwé꞉kon tsi nikahiatónhnion. Ethò꞉ne ki kwáh enshahianerásten tánon enshaterihwaténtiaʼse.