Deuteronomy 17:17 - Ohiatonhseratokénti

¹⁷ Ne ronhnonhtí꞉io iáh tehiówenk ne wéso ahoniákonhke, tiorí꞉wa tsi ne enkarihón꞉ni nahateʼnikonhranentáshion tsi nokwáh ne Roiá꞉ner; tánon iáh tehiówenk nahataʼkwatsésten ne kawistará꞉kens ó꞉ni ne owistanoronhsónhas.

Deuteronomy 17:17 ပူးပေါင်းရင်းမြစ်များ

Genesis 2:24

Ne aorí꞉wa ne rón꞉kwe ʼnenshakotiaʼtonhtáhkwahse ne roʼníha tánon ne roʼnisténha tánon ró꞉ne enhateraʼnentákten, ne tenihiáse skaieróntat khók ienhiáton.

2 Samuel 12:11

Tiakariwakenhniá꞉te ráton ne Roiá꞉ner: Í꞉i kwáh kíʼ entʼkétsko ne tekanikonrará꞉tsera niahisatsiatónhti ne kwáh í꞉se sanónhskon; tánon ientsiaténhawe ne seksténha kwáh tsi nateskánerahke, tánon neh ienshí꞉ion ne tetianonsanéken, tánon ne raónha kwáh skontiʼiatátʼtions tsi skát꞉ne enhonrát꞉tseke ne sathateniakténhnine thóh ohénton ne kénʼen tsi nón꞉wa nateioswát꞉the nón꞉wa wenhniseráte.

2 Samuel 5:13

Thóh nón꞉we Jerusalem, ne shiahárawe ne Hebron, ne Táwit sén꞉ha ionatsiokowáhnen iasakoiaʼtenháseron ne konhnón꞉kwe ne tahontsasétʼton ó꞉ni ne iotiniák꞉khons; tánon sén꞉ha wahonatsiokowáhna ne raoʼnekenteronhtseraʼsón꞉ahs ó꞉ni ne tsionatʼtonhwísens wahowiraientáseron ne Táwit.

1 Kings 10:21

Akwékon ne Solomon tehatnekonhthákwahkwe kát꞉tses owistanó꞉ron nahó꞉ten ionhniáton, tánon akwékon ne tehionskahónkwahs owistanó꞉ron nahóten ionhniáton ne tsitkanónhsoʼthe ne Lebanon karáhkon tkáien. Iáh thahóten ne kawistaráken tehónsthaʼkwe, né tsi iáh tsatekaiéri tsi nikanó꞉ronhke ne shiʼhotenhniseraténionsʼkwe ne Solomon.

1 Kings 10:27

Tsi nikaríwes ronhnonhtí꞉ioʼwe ne kawistaráken thóh nikanákereʼkwe tsi ní꞉ioht nonénhias, tánon ó꞉ni nonenhthakwénhte thóh nònhne nikanákereʼkwe tsi kíʼ ní꞉ioht ne Sycamore tsi keríhtons ne tsi iononhthaienhtháseron ne Judah.

1 Chronicles 14:3

Thóh nón꞉we ne Jerusalem, ne Táwit sén꞉ha ionatsiokowáʼnen ne konhnónkwe sahathaʼteniákʼten tánon shé꞉kon wéso sahonekenteronhtseraʼientáseron ó꞉ni wahowiraientáseron ne tsonatʼthonwísens.

2 Chronicles 1:15

Tsi nikaríhwes ronnontí꞉ioʼkwe né kawistaráhkens tánon nowistanórons thóh nakanákerenhne tsi ní꞉ioht nonénhias, tánon nonenhtakwenhtétsheras thóh nikanákerehkwe tsi ní꞉ioht ne hionhiókwah karonhtasónhas ne tsi ionhnonhtaientáhons ne Judah nón꞉we.

2 Chronicles 11:21

Norihwaʼkwé꞉kon, ne Rehoboam shaʼtékon iawénhre nikónhti rotiniákonhke tánon iá-iak niwásenh ne kónhtikwe ronhatsheraiéntakwe, tánon tewáhsenh-shaʼtékon niháti ronekenteronhtseraiénthaʼkwe tánon iá-iak niwásenh nikónhti roiatashetseraiéntakwe. Tsi nikónhti rotiniákonhne ó꞉ni ronhatseraiénthakwe sénha ki Maacah tsahonháha sakonerónhkwahkwe,

Nehemiah 13:26

Iáh ken ne Solomon, ne ronhnontí꞉iokwe Nisraeró꞉nonke, ne waharihwanerahátste ne kí꞉kens nahorihoténhsons? Ethó kisane tsi niienakerénion nonkweʼshón꞉as iáh ki ónhka ne ronnontí꞉io ne tahonsahiatsérenhke, né꞉ne raoʼNí꞉io ronorónkwahkwe, tánon ne Ní꞉io raónha wahonontí꞉ioste akwé꞉kon tsi niwatenáskwah ne Israerró꞉nonhke. Ók Iekaní꞉hare ki ne wahosárihne ne karihwaneraháktsheras ne thiiahontsá꞉te iónkwe.

Psalms 62:10

Tó꞉sa thóh nón꞉we nontasewethakwénhak ne ratirihwaiesáhtha ne kaiáneren, tó꞉sa sehwaʼrá꞉rek nahisewaianerásthen kén naisehwaʼtsénawasthe ne thènen kanénhskwen; iekaníhare ne sehwaʼkwahséhtshera ne sénha ahontehiáron, tó꞉sa kíʼ ne sewaʼniahesénhak.

Proverbs 31:3

Tóhsa satié꞉saht saʼshatsténhsera ne kenʼtéhtshera akarihón꞉ni tánon ne sahwísta akwé꞉kon konnón꞉kwe iakontíhsaʼahte; iakotiʼnontiiohtsheraríhshions.

Malachi 2:15

Iáh kenh shaià꞉taʼk khok ne Rawenni꞉io tehaiaʼtíson? Tetsá꞉ron noʼwá꞉ron tánon natónhnhets tsi ráonha raó꞉wenk í꞉ken. Tánon nahó꞉ten ne shaià꞉taʼ khok ne Rawenni꞉io rahská꞉neks? Ne ne Rawenni꞉io shakoioʼokón꞉ʼa akénhake. Katíʼ sewatatkaʼén꞉ion, tánon tóhsa ónhka ne tsi nítson naesewaʼnikonhráten ne ión꞉kwe ne sewatateniaktén꞉ni ne kenʼsitisaión꞉ha.

Matthew 13:22

Kenh kaien nohiktokon iekokerontaon, neneh, roton, rotaonsataton ne Niio Raoȣenna, neh tanon tehonikonrharanis nonȣentsiakeka, tsioni niiorihoten natsokoȣatsera, neh konȣarios noȣenna, nok iah tiieȣatonnisaas.

Matthew 19:5

Nok ȣahenron: neh enkarionniate ne ronkȣe ensakotsiakȣarisi ne ronȣaienha nok enhateranentakten ne rone, nok enskat ienshiaton?

Luke 12:15

Sekon sahenron: Seȣatkatto, tosa seȣaskennhasehak: aseken iah othenon taiakoiatakennhaste ne tohkiok oni naontaiakostsokoȣahake.

1 Timothy 6:17

Sherórih kí꞉ken nahorihoténsons tsi niháti ne rotikwátses ne kén꞉en ionwentsiáte tó꞉sa rotatonníhak, tó꞉sa ne rathiniahesénhak nahóten ne iáh tehioriwatóken tsi ní꞉ioht ne aktiokowátseras, ók Rawenní꞉ioke nónwe nihatiniahesénhak, kwáh rahotsennonniatserákon tesonkwáwis tsi nahoténsons tahionkwatonwentió꞉nike naitewatʼtsennonniátaʼkwe.

1 Timothy 6:9

Onk tsi nihiákon ne꞉ne íʼienreh nahiakokwátse꞉ne iehiehiátens nahiakonikonrotáko tánon iehiathótares tsi wahterístaien ne wéso nononwahroríta tánon ne iakokaronniátha naskanéktseras, ne tiakohiathéntha nahiakokarónni ó꞉ni kariwaiesáhtsera.