Deuteronomy 16:8 - Ohiatonhseratokénti

⁸ Asè꞉ken ne ken iotiéton iá꞉iak nónhta nikarì꞉wes ne ensehnaʼtárake ne iáh othé꞉nen thaʼtekaiéston ne ioʼsherátken waʼthenkwátha, tánon ne tsatákhaton niwenhniserakéhaton sewatiaʼtaró꞉rok naʼtsisewasénhnaien ne Roiá꞉ner sewaNí꞉io, tánon tó꞉sa othé꞉nen sewahiò꞉ten ne wenhniserá꞉te.

Deuteronomy 16:8 ပူးပေါင်းရင်းမြစ်များ

2 Chronicles 7:9

Tsáta nón꞉ta nikaríhweskwe tsi waʼkonhwatonhnahéraʼse ne ietienharákwah tánon shé꞉kon nóia tsáta nón꞉ta ne tsi kakhwáhrakwe. Tánon nonakénhkha wenhniseráteʼkwe né꞉ne wahonterihwathéntsaʼte tsi onhtenó꞉ton ne watenikonhró꞉rihne,

Nehemiah 8:18

Káti wahawenhnanhóten ne tehiothiatonhserakwenón꞉ni ne raoianerénhsera ne Ní꞉io kwáh niatewenhniserá꞉ke, Tánon wahonterihwathentsáte ne watenikonhró꞉ri né꞉ne tsá꞉ta nón꞉ta niwenhniserá꞉kes tánon ne shatekonhá꞉ton siwenhniserakéhaton, né꞉ne iotokénti tsi ní꞉ioht tsi wahontkenhní꞉sa, tsi thóh nikarihó꞉ten.

Joel 1:14

Sewaʼrihó꞉wanat naʼwenhtónhtiete, ietsihiaʼtaró꞉rok nonkweshón꞉as ne naiotokentí꞉ke raohénton ne Ní꞉io. Ietsihiaʼtaró꞉rok ne thotí꞉ions tánon ratikwé꞉kon ne tsi ionhontsá꞉ien ratiná꞉kere thóh athenhenrá꞉kon ne raononsatokentikó꞉wane ne Sewaní꞉io, tánon iaʼtesewasénhtho rahonhà꞉ke ne Roiá꞉ner.

Leviticus 23:36

Ne niaʼtewenhnisehráke né tsáta nónhta nikaríhwes ónenk tsi ká꞉khwa aorihwáke tsi iensewákʼkaʼwe. Né shaʼtekonháton niwenhniserakéhaton shé꞉kon skát꞉ke shasewáton nahonsehsewaterénhnaien tánon ká꞉khwa aorihwáke tsi iasewát꞉kaf. Né wenhniseronhthá꞉kwen nahionhterénhnaien, tánon tó꞉sa othènen sewahióten. (

Numbers 28:25

Sewatiatarórok nahisewaterénhnaien ne tsatákaton niwenhniserakéhaton tánon tó꞉sa othènen sewahióten.