Deuteronomy 16:4 - Ohiatonhseratokénti

⁴ Asè꞉ken tsáta nónhta nikarí꞉wes iáh ónhka ne shonhontsá꞉ke tehiówenk nahiakoiéntake ne iosherátken waʼthenkwátha nakononskónhson; tánon noʼwà꞉ron ne konwarióston ne kaʼtshé꞉nen noʼkarasnéha ne tiotenhniseratsherénhton ó꞉nenk tsi ne sahokharásera enkaʼwarákonhke.

Deuteronomy 16:4 ပူးပေါင်းရင်းမြစ်များ

Exodus 12:10

Tánon ónenk tsi akwékon énsewake tsi nióre noronhkène; tó꞉ka thènnen ahiotátere, ónenk tsi enwaktsaʼahtónhaʼke.

Exodus 12:15

Ne Roiá꞉ner wahénron, “Asèken tsáta nikaríwes tó꞉sa othènnen senátarak ne iontʼtenkwátha tekaiéston tsi kanaʼtarónhni—nék khók senátarak ne iáh thaʼtekaiéston ne ionhtʼtenkwátha. Nʼentewaʼtenhniserahʼtiérenhthe akwékon íseh iasehwáti ne ionhttenkwátha ne sewanonskónhʼsons, asèken tó꞉ka ónhka enhieʼnataràke ne ionhtʼtenkwátha tekaiéston ne tsáta nónhta nikaríwes, né kí enhoʼtenatónkwen iáh Í꞉i tesewakonhkwéta tèsken.

Exodus 12:6

Ethòne, nʼokarasʼné꞉ha ne kaiéri—iawénhre nenwenhniseraʼkéhaton tsi niwenhní꞉tare, kwáh kanakeraserakwékon ne lsraeró꞉nonhke tsi enhonwanawènhtʼtho ne kontiʼtshénens.

Exodus 12:8

Nètho nʼokarasné꞉ha nowá꞉ron ó꞉nenk tsi enwaʼteskónhthake, tánon tsi enhónʼnheke né tenkaiéstonke ne otskárát ohonteʼsónha tánon ne waʼtenataʼrónhni né iáh thatekaiéston ne iontʼthenkwátha.

Exodus 13:7

Né tsáta nónhta nikaríwes iáh tehiówenk nahisewanahtáʼrake né tekaiéston iotʼtenkwátha; kwáh tó꞉sa thènnen ne iotʼtenkwátha tó꞉ka ó꞉ni ne iosheʼrátken kanátaro akaiéntaʼke kwáh tsi niwatenáskwa ne tionhontsàke.

Exodus 23:18

“Tó꞉sa ne thasewáiest ne kanátaro ne iontʼthenkwáhtha ionhniáton nónen ensewatsiatatʼtsáʼahthe ne katʼtshénen nakeriwá꞉ke. Nahorehsénh꞉tshera ne katʼtshénen thakwahtsaháten tsi nikaríwes kí꞉ken katkhwáhere tánon tó꞉sa othénnen aiohothaténronhke ne tsi ientsiórenhne.

Exodus 34:25

“Tó꞉sa séhtats ne kanátaro ne ionttenhkwáhtha ionhniáton nónen enskateskónhtʼthase ne katʼtshénen. Tó꞉sa thènnen sateweiénton tsi nióre noronhkéne né thènen akénhake ne katshénen ne konhwárhio ne èneken watohetsthákwa tehiontenonhwerahtónhkwa.

Matthew 13:33

Sekon are ohia tonsasakoriȣakentonkȣen, ȣahenron: neh teskiatieren ne Niio raonakerasera, tsiniiot ne iosherhatken: tsiothonȣisen asen natkaieste nʼothesera tanon ne Iosherhatken tsiniiore akȣa ienȣattenko.

Deuteronomy 16:5

“Ietsinonhwarià꞉kon ne watohetsthákwa ne konhtiʼtsé꞉nens ne tsi ionhterenhnaientákhwa nón꞉we—tánon iáh ne ákte nón꞉we thakénhake ne tsi ionwenhtsá꞉te né꞉tho Roiá꞉ner saNí꞉io nénthion. Tánon tsi nienkaráhkwenhne thóh ná꞉tser, thóh shikahá꞉wi thetishaténhtion ne Egypt nón꞉we.