Deuteronomy 16:19 - Ohiatonhseratokénti

¹⁹ Tó꞉sa rothiʼiéntak ne iáh tehioteriwakwaríshon tó꞉ka ó꞉ni nahonhnè꞉neste tsi thotiriwarèhkwen tsi nokwáh ne rahotihiaʼtoretátshera; tánon iáh tehiówenk nahatiʼié꞉na ne thé꞉nen tahonwatitsikhethá꞉roʼse, nathatawí꞉tsheras tehiakorónhweks ne ronhteʼnikonhraʼtókhas ó꞉ni ne thonhonkweʼthaié꞉ris, tánon iakahonhnién꞉nis wahétken tsi ní꞉ioht tsi tahatihiaʼtó꞉rehte.

Deuteronomy 16:19 ပူးပေါင်းရင်းမြစ်များ

Psalms 15:5

Nenhsakowístani iáh tehára ne watehiárons, tánon iáh thatehonwatsikhetároseh nasakokʼkónhten ne iáh tehiakoníkon. Tsi nihiákon kíʼ kén thóh niweiehnó꞉ten iáh kíʼ nonwénhton tahiakohiathíshonkwe.

Exodus 18:21

Ók né hiehiowènhthe, teshaʼthonwenhtsó꞉ni nashehiataráko ne roʼnathonkweʼtakwahríshion ó꞉ni sehrihón꞉ten nashaʼkotihéntense nonhkweshón꞉ʼa: sakotihéntens ne tewenhniawehetʼtserásens, tewenhniawehʼèhʼkons, wisksʼshonhʼniwásens, oieríshons nahaʼtíhake. Ónenk tsi né꞉ne ronhʼnónhkwe ahonwaʼtsaní꞉sehke ne Rawenni꞉io né nahónton nahontahonwenhneʼthaʼkwe tánon iáh thahatiʼiéna ne thènnen tahonwaʼtitsikheʼtaʼróhse.

Exodus 23:2

Tó꞉sa taʼsehriwáhwas ne iakotiokowáhnen nónen tenhonterientaʼwénhrie tó꞉ka ó꞉ni né enhontró꞉ri ne kahiótats ne kariwaʼkwahrishióntshera.

Exodus 23:3

Tó꞉sa shé꞉nest nahonthaʼseriwárakwe tsi nòkwah ne iakóten tsi tehiontatsiatorétha.

Proverbs 15:27

Tókaʼ enhsateʼnién꞉ten ne iáh tetkarihwaié꞉ri tahsnaʼnéta tsi tahsatèn꞉tsha, ienhsheiaʼtenhá꞉wihte ne sahwá꞉tsire tsi tensewaʼnikonhrhá꞉ren. Tóhsa oʼthé꞉nen tsé꞉na nahò꞉ten iáh tetkarihwaié꞉ri aiesatkáriaʼkse nothé꞉nen tánon karí꞉wes enhshónhnheke.

Proverbs 17:23

Ratirihwènhtha ne iáh tethotirihwaié꞉ri ratiié꞉nas ioterihwahséhton nahonatkáriaʼkse sók iáh tetkariwaié꞉ri tsi enhatirí꞉wenhte.

Proverbs 18:5

Iáh tetkariwaié꞉ri naontahshéhnhe nón꞉kwe iakohnhí꞉kon tánon naontahsheiatoktákwen ne aterihwakwarihshiónhtshera nónhka iáh oʼthé꞉nen teiakohnhí꞉kon.

Proverbs 24:23

Ne ronteʼnikonhrattókha ne ó꞉ni kí꞉ken ronathró꞉ri: Iáh tetkaié꞉ri ne tehatiiaʼtoréhtha nahshakotikarenʼráhkwaʼte nón꞉kwe.

Proverbs 24:28

Tóhsa tasáhtkaf ne karihwahní꞉rats nónhka shéhniote ne iáh tshiaʼteioríhonte tókaʼ ó꞉ni aontahsewennínekenʼne nahò꞉ten iáh teiorihwí꞉io ne ahsheiénhahse.

Proverbs 31:5

Nó꞉nen rotihnekí꞉ren, enshotiʼnikónhrhen ne kaianerenhseraʼshón꞉ʼa tánon enhshontateʼnikonhrhénhten raotiianerenhseraʼshón꞉ʼa nonkweʼhó꞉kon nahshakotiiaʼtakéhnha.

Ecclesiastes 7:7

Tó꞉ka nónhwa satenikonratʼthókha, ók kíʼ tó꞉ka ónhkak asehnikonhráhten, thóh nisahtierenhátie tsi ní꞉ioht ne thoʼnonhnhótʼte. Tó꞉ka thén꞉enh tahiesatsitkhethá꞉rohse, wasétkenthe ne sahiatorethátshera.

Isaiah 1:17

sewatéweienst thóh nasewáier ne ne ioiánere; sewésat kaiáneren, saietʼtsiniákent ne iontateronhiakéntha, ietsiʼiénawas ne iáh tehiakonísen, taiétsine ne ionateré꞉ons.

Isaiah 1:23

Né ieshakoráshons iehonwatsatóntsies ne Ní꞉io tánon ne wahonteroserónhni ne ratinénskwas. Onkwetakwékon ne ienónhwes ne knahótenk tahionthaʼthetsikhetáhroʼse tánon ne ratiriwanóntons athatahwí꞉tsheras ahonwanawíhon. Kwáh iáh tethesakótines ne tehiontonhnakárias, tánon ne ionateréhons ahotirihwashónhas iáh rahotihénton tsewétha.

Isaiah 33:15

Tsi nikáton né thóh nón꞉we nihiakothahí꞉taʼke ne kariwakwahrihʼshiontsherákon tánon ne iakotharáhkwen ne tkarihwaiéri í꞉ken, rotikenrá꞉tani né thènen ahatiʼiéna ne kawisenhehióntshera akarihónhni, tehonhnentsateníhons skonwatʼtátha ne kanikonrá꞉ton né꞉ne tó꞉sa ahatiʼiéna, tehonatahonthaʼkwékton né꞉ne tó꞉sa ahonatʼtónhtene naienékwah tánon tehonatateronhwékon né꞉ne tó꞉sa ahontkátho ne karihwahetkénhsera,

Jeremiah 5:28

nonhtiéren tsi ronahrésenhs ó꞉ni kwáh ioiánere tsi tehonskáhons. Iáh tiehiotókʼte tsi nihatiweiennákʼsens. Iáh tetheshakonáhwis ne tehionthonnahkárhias ne raothihianerénsehras khés nahonnénesʼthe ne tkarihwaiéri tsi nòkwa ne sahkotiwihsáhtha.

Ezekiel 18:8

Iáh ne tèken tsi shakowistaníhas ne꞉ne ahatwisthónhniaʼte. Iáh tehatʼthóntats ne thèhnen ahateriwahthénhtiate ne kariwáksen tánon tatʼkáwas ne iotʼthakwahríshion kahiatorehthátshera ne thènenh tekanikónhrahre.

Ezekiel 22:12

Ótiakes ne shonkwetaʼshónha ronatkárhiase tsi ensakonáhsehte. Ótiakes rathikarháiens ne wahtehiárons nenshakotiwístani ne ótiakes Nisraeró꞉nonhs tánon rothikwáhtses tsi nishakonahteniakatsʼténhni. Ionkenikonhrénhen.” Ne Ronhnontí꞉io Roiá꞉ner wahatáti.

Leviticus 19:15

“Sewarihwatokénhak tánon sewarihwakwahrihshonhat nónen tenhsewahiató꞉rethe ne tsi teiehiatorethákwa; tó꞉sa teietʼtsihiaróton ne iakóten tó꞉ka ó꞉ni aietʼtshitshániʼke ne iakokwáhtshe.

Micah 7:3

Ne ronhtsánakes ne iorenhnàhon ne wahétken tsi nahóntiere; ne ronaterihón꞉tons tánon ne ratirihwénhthas ratirihwanón꞉tons ne khahó꞉tenk ahonwatikáriakse, tánon ne thonatsénhnates ronónha rontá꞉tis nahotkaronhniátshera ne raonatónhnhets; káti tehatisehrí꞉ies ne kaiáneren.

Habakkuk 1:4

Káti ne kaianerénhsera saiosarehshá꞉ne tánon ne kaianérenh iáh nonhwén꞉ton tewatkwénies. Ne ronhnonkweʼtahétkens tesakotihonwarón꞉ni ne iakoiá꞉nereh— neh sewahón꞉ni ne kariwenhthátshera teiononwetsawehronhtàhon.

Acts 10:34

Tiér tahathásawen wahatʼretáron: “Ónen kíʼ wakenikonraiéntas tókensʼke ne Rawenni꞉io kwáh akwékon satetʼtiót꞉te tsi nisakotiéraʼse.

Acts 16:37

Nók ne Kór wasakawénhaʼse ne rathiríthons, “Iáh tehiotetʼtsénrion neh thènen tahionkeniniósken꞉en, nek khikʼsáka wahonkhinonwáreke neh tsi ionkwéne—tánon Romeʼró꞉nons nahakenihiathóten! Ethò꞉ne tsi tiontatenothónkwa hiahonkhihiatónti. Tánon kíʼ ónen rónnere ahtaséthonke tsi ahonsahionkhiʼiatékwaʼte? Kwáh seh iáh! Nehne Romeʼró꞉nons rathiriwakweʼní꞉ios kén꞉en nenk thónne tánon ronónha entionkʼkhinothónko.”

Acts 23:3

Kór wahawénhase, “Oriwihioʼónwe ne Rawenni꞉io tsi eniaiénte—í꞉se ne karáken kanekáron nasontáke! Thóh tsitsʼkwáhere ne tastiatórete tsi nikaianerenseróten, akwa kis ó꞉ni téhsas ne kaianerénsera tsi washénaʼne nahióntsienthe!”

Deuteronomy 10:17

Ne Roiá꞉ner sewaNí꞉io raónha ne kwáh thóh shatstenhserowá꞉nen tsi nokwáh ne nihioʼokón꞉as ó꞉ni tsi nokwáh ne raotishatsténhseras. Tehoshatstenhseranónhiani, tánon ó꞉nenk tsi enhonwawénhnaraʼkwe. Iáh ká꞉neka teʼthariwaráhkwa, akwé꞉kon ne raoiatoreʼtá꞉tsheras tsi tkariwaié꞉ri.

Deuteronomy 16:18

“Ietsihiatarakwenhá꞉ton ratiriwénhthas ó꞉ni ne ronatià꞉kes nahonterihontón꞉nion ne niaʼtekaná꞉takes né꞉tho Roiá꞉ner entetsítson. Kí꞉ken ronhnónkwe kwáh tó꞉sa káneka ahontahotiriwaré꞉kwen tsi tensakothihiaʼtó꞉rete.

Deuteronomy 24:17

“Tó꞉sa shenikonhráhten ne tihononhontsá꞉tes ó꞉ni ne tehontonhnakárias tsi nahotihianerenseraiéntake; tánon tó꞉sa ienshá꞉we ne ioteréhons ahotsherón꞉niat nahontkaraiéntaʼkwe tsi enswístani.

Deuteronomy 27:19

“‘Rawenni꞉io shakorewátha nónhka enhonwatiʼnikonhráten ne thihononhontsá꞉tes, tehontonhnakárias, ó꞉ni ne ionateréhons ne raotiʼianerénhseras.’ “Tánon onkweʼtakwé꞉kon tenieriwaʼserá꞉ko, ‘É꞉tho niʼiá:wen!’

Deuteronomy 27:25

“‘Rawenni꞉io shakorewátha nónhka ahieiéna noʼwísta nahiontathásehte ne iahothé꞉nen tehiakoní꞉kon.’ “Tánon onkweʼtakwé꞉kon teieriwaʼserá꞉ko, ‘É꞉tho niʼiá:wen!’

1 Samuel 12:3

Kénʼen í꞉kes; serihwanírat naskatʼkónten raoʼhén꞉ton ne Roiá꞉ner tánon raoʼhén꞉ton ne roʼiatarákwen. Ónhka raoʼtshé꞉nen ne teonákares tionhnhónskwaron iehiʼiaténha? Khéhs ónka raoʼtshénen tehahóntes iehiʼiaténha? Khéhs ónhka ahinikonraténhni? Ónhka ahironhiakénton? Khéhs ónhka ratsanáke nón꞉we nahontónkʼkha tsi tahionkhetsiketároʼse ne ne tsiaʼtahonkateronwékon? Seriwaní꞉rat naskatʼkónten tánon kwáh kiʼténtʼtion tsi nahó꞉ten ne iahónkʼkhake.”

1 Samuel 8:1

Nó꞉nenh ne Samuel sahosténhaʼne, waʼsakaónʼnien ne raoʼnekenterontsherashón꞉ʼahs naʼniriwénhtake ne Israerró꞉nonhke.

1 Samuel 8:3

Nék ne raoʼnekenterontserashón꞉ʼahs tsi iáh teotíseron ne raoʼteweién꞉na, kwáh nek khók thotiʼnikonratihénthos nahiatʼwistónhni; káti ne waʼniʼienáhseron tsi nathonwatiʼtsikhetá꞉rohse tánon waʼnisakéte ne kariwenhtá꞉tshera.