Deuteronomy 16:18 - Ohiatonhseratokénti

¹⁸ “Ietsihiatarakwenhá꞉ton ratiriwénhthas ó꞉ni ne ronatià꞉kes nahonterihontón꞉nion ne niaʼtekaná꞉takes né꞉tho Roiá꞉ner entetsítson. Kí꞉ken ronhnónkwe kwáh tó꞉sa káneka ahontahotiriwaré꞉kwen tsi tensakothihiaʼtó꞉rete.

Deuteronomy 16:18 ပူးပေါင်းရင်းမြစ်များ

1 Chronicles 23:4

Né ronnontí꞉io tewáhsenh-kaiéri tewenhniawehetsherásen nihá꞉ti washakohonkáriaʼke nahonterihwatsʼtériste ne Ononsatokentiʼkówa tsi akahioténhʼen, iáhʼiak tewenhniawehetsherásen nihá꞉ti nahatiʼiatónhseke tánon ne tahatiʼiatoréhthake ne takanikonhráren,

1 Chronicles 26:29

Né ronátsakes tsi nithonatwatsiríhnon ne Izhar, Chenaniah ó꞉ni ne sakohiohokónhas né꞉ne wahonwatirihónten né tsi iehiatón꞉kwas ahotihióten: ronatenikonhráhraʼtse ne kaiatonhserasónhas tánon tehatiʼiatorétha tsi naʼtehonaterihótharon nonkweʼshón꞉as Nisraeʼró꞉nonke.

Ezra 7:25

“Í꞉se, Ezra, shasthonhátie nateʼnikonhrathokhá꞉tshera ne Saní꞉io thiá꞉wi, ne nashehiatharakwenhá꞉ton ne shakonaterihwatsterísthase tánon ne rathirihwénhtas nashakonatkórasthe nonhkweshón꞉as ne tsi iaʼtewatséntos nokwá꞉ti ne Euphrates tsi niká꞉ien ne rathísere tsi nihoianerenhseró꞉te ne Saní꞉io. Ó꞉nenk tsi ensherihónhnien né꞉tho kaianerénhsera nónhka ne iáh tehiakoterièn꞉tare.

Exodus 18:21

Ók né hiehiowènhthe, teshaʼthonwenhtsó꞉ni nashehiataráko ne roʼnathonkweʼtakwahríshion ó꞉ni sehrihón꞉ten nashaʼkotihéntense nonhkweshón꞉ʼa: sakotihéntens ne tewenhniawehetʼtserásens, tewenhniawehʼèhʼkons, wisksʼshonhʼniwásens, oieríshons nahaʼtíhake. Ónenk tsi né꞉ne ronhʼnónhkwe ahonwaʼtsaní꞉sehke ne Rawenni꞉io né nahónton nahontahonwenhneʼthaʼkwe tánon iáh thahatiʼiéna ne thènnen tahonwaʼtitsikheʼtaʼróhse.

Exodus 21:22

“Tó꞉ka tòkara niháti roʼnahterí꞉io tánon waʼkonhwakaréwaʼthe ne iónkwe ne iohráhre ahiowiraiéntaʼne káti wahó꞉ti tsi káhawe ne ieksàha, ók kwáh kí iáh thènnen tehiotkarewáthon, ne tsi nikáien ne wahakaréwaʼte kwáh kíʼ enhonwakaraʼiénhaʼse kwáh tsi níkon ne iónkwe ró꞉ne enhariwaʼnónhton, né entewaʼnónhton tó꞉ka ken enhaʼtiriwanónhwehne ne ratiriwénhthas.

Exodus 21:6

ethòne kíʼ ne ró꞉nhas ienhohiaténhaʼwe ne tsi tionʼterennaientáhkwa. Thóhʼnónhwe enhahónhnien ne kanoháktha tenhátahne tó꞉ka ó꞉ni tsi kanawahátothe ne tsi kaʼnonhkáronhthe tánon tenhohontakaʼrónhten. Ethò꞉ne enhatenaskónniaʼte tsi ni rohnhnes.

Proverbs 31:23

Akwé꞉kon niehonwaienté꞉ri ne ró꞉ne ne tsi roteríhonte ne raotiná꞉takon.

Matthew 5:21

Seȣariȣaronkas tsi ronȣatiroriskȣe ne seȣahsotsera: Tosa sherio nonkȣe; nok enhonȣariȣente nonkakiok enhataȣentho.

Matthew 5:22

Nok nii, katon, enhostonte nonka kiok ok tenhorihose enhonakȣase ne teiatennontere; nok tokat enhaȣenhase: iah tesanikonra, enhonȣariȣente tsi katsienhaien; nok nenhaȣenhase; tesanonȣaraȣenrie, roreȣatatseraien nʼonesson ahonȣaiatonti.

Deuteronomy 16:17

tsi nenhokwénionhke, tsík ní꞉kon ne rohiaʼtateríston ne Roiá꞉ner saNí꞉io ne thó꞉wi.

Deuteronomy 16:19

Tó꞉sa rothiʼiéntak ne iáh tehioteriwakwaríshon tó꞉ka ó꞉ni nahonhnè꞉neste tsi thotiriwarèhkwen tsi nokwáh ne rahotihiaʼtoretátshera; tánon iáh tehiówenk nahatiʼié꞉na ne thé꞉nen tahonwatitsikhethá꞉roʼse, nathatawí꞉tsheras tehiakorónhweks ne ronhteʼnikonhraʼtókhas ó꞉ni ne thonhonkweʼthaié꞉ris, tánon iakahonhnién꞉nis wahétken tsi ní꞉ioht tsi tahatihiaʼtó꞉rehte.

Deuteronomy 17:12

Nón꞉ka naiénre ne tó꞉sa ahiontewénhnaraʼkwe ó꞉ni tsi nokwáh ne ratiriwénhthas tó꞉ka ó꞉ni ne rotikhá꞉res ne thóh rotihiò꞉te kwáh enhonwatinonhwarià꞉kon; thóh ki ní꞉ioht tsi é꞉ren ensewaháwithe ne kariwahétken ne Israerʼró꞉nonhke.

Deuteronomy 17:9

tánon iaʼsehriwaiénhas ne sariwaʼsónhas ne Levitekes rotikhá꞉res ó꞉ni ne ratiriwénhthas ne thóh enhonaterihónthake ne nenkaháwike, tánon ietsirí꞉hon ne ronónha tehatihiaʼtó꞉rehte norí꞉wa.

Deuteronomy 21:2

Neiesenhéntenhse ó꞉ni ne ratiriwénhthas ó꞉nenk tsi thóh ienhón꞉ne tánon enhontenienténhnion tsi niwashì꞉take í꞉ken tsi naʼtetiátere tsi nón꞉we nahatiʼtshénri noierón꞉ta tánon ne kwáh ákta kanataiéntons.

Deuteronomy 25:1

“Tó꞉ka shí꞉ken teʼnihiáse Israerʼró꞉nons tsi teiehiatoreʼtákhwa niaháne nahonateriwasehrón꞉nien tsi natehotiriwatí꞉ronhte, tánon saiá꞉ta wahé꞉nene iáh tehoníhkon ók ne saiáta roníkon nénhne.

1 Samuel 8:1

Nó꞉nenh ne Samuel sahosténhaʼne, waʼsakaónʼnien ne raoʼnekenterontsherashón꞉ʼahs naʼniriwénhtake ne Israerró꞉nonhke.