Deuteronomy 15:6 - Ohiatonhseratokénti

⁶ Ne Roiá꞉ner enhiaiaʼtaté꞉riste, tsi ki nihorahrátston. Kwáh ensehwistanihá꞉sehke ne niatehononhontsá꞉kes, ók iáh ní꞉se thatehiotonhontsóhon ónhka thaieshawístani; kwáh iakotiohkowá꞉nen ne tsi ionwenhtsá꞉te entesehniarotaróhke, ók iáh ne skentióhkwa nónhka tahonthaieshaniarotaróhke.

Deuteronomy 15:6 ပူးပေါင်းရင်းမြစ်များ

1 Kings 4:21

Né Solomon rahonhnonhtiʼiótsera et rathihiátare nonhkweshón꞉as né Euphrates tiotásaʼwe tsi nióre ne Philistia tánon ne Egyptke karisthatátie. Ronhwakarhiaséhaʼkwe tsi niwateró꞉rokskwe nowísta tánon rahónha ronhwahiothenséhaʼwe kwáh tsi nirónhneskwe.

1 Kings 4:24

Solomon akwékon thoʼniarotháronhne ne tsi iatwatʼtséntʼthos nòkwahti ne Euphrates Kaniataratátse, Tiphsah tiotásawe né꞉ne tsi nióre ne iatwatʼtsénthos nòkwahti ne Euphrates né꞉ne kanatowanénke ne Gaza. Ratikwékon ne ronhtinonhtí꞉ios ne tsi iatewatʼtsénthos nòkwahti ne Euphrates rahónha ronhwahiotenhséhakwe, tánon kwáh skénhnonk khók thikénhne ne tehonthonhontsaʼnekhanionhs.

1 Chronicles 17:27

Konhrihwanonhtónhnis nasheiathatérisʼte tsi nienhkatwatsírihne né ká꞉ti nahón꞉ton nahontsienhnón꞉niaʼte tsi nitiʼsarihwaiéri. Í꞉se, Saiá꞉ner, sehiataterís꞉ton, tánon ne sahiatateríh꞉tshera tiókonte tsi enhatikweʼkónhake.”

2 Chronicles 9:26

Rahónha ne kwáh takorahserowánenhne tsi nihátikwe ne ronhtinonhtí꞉ioskwe ne tsi kanakeraserakéronskwe né꞉ne Euphrates Kaniatarahthátie tiotásawe tsi niʼió꞉re ne Philistia tánon ne Egyptke tkaristhatátie.

Ezra 4:20

Rothishatstenhserohwá꞉nenhskwe rotinonhtí꞉ioskwe ronatenonhtiióston ne nón꞉we tánon ronatkoráston tsi niwatenáskwah tsi kanakerahserá꞉ien ne tsi iaʼtewatsénhtos nokwá꞉ti ne Euphrates, rathirohróks꞉kwe tsi nihiokaraién꞉tons ó꞉ni nowístas.

Nehemiah 9:27

Ne kíʼwakarihón꞉ni ní꞉se iashehiatsakwaríhsi rononhà꞉ke ne ronwatí꞉shons tánon wahonwatironhiá꞉kente. Tánon thóh tsi tahonhnikónhraren, iathonséntho shonhà꞉ke tánon ní꞉se washehiathón꞉teʼne thóh nón꞉we ne tsi karonhiá꞉tes; tánon ne tahiohianénhawe ne sáwenk atahniténhron ní꞉se tsahshé꞉ion ne sakohiatáhkwas raónha sakonónstahton thóh ronhtsá꞉nakes ne ronwatí꞉shons.

Psalms 112:5

Rotiʼianerasthénhnis tsi niháti ne iáh tatehotinonhiániks tánon sakotiníhas, ne ronhterihwaʼthentsátha ne tkarihwaiéri í꞉ken.

Psalms 37:21

Ne ionkwetaʼtsenhokónha ronwahtiwistaníhas, tánon iáh tehatikwénies nahonsahatí꞉ien, nók ne tionkwetaiérih kwáh ne íken tsi totirihwahiéri tsi nahoténsons sakonawíʼons.

Psalms 37:26

Kwáh tiotkonhónwe tsi iáh tatehotirihóron ó꞉ni tsi shakotiníhas nakorénshon, tánon ne rotiwiraiéntons né꞉ne ratiksaʼokónhas aoríhwa tsi ronhwatiʼhiathateristhákwen ne ronhwatiʼiohokónha.

Proverbs 22:7

Rotikwahtshénion ronatatehnhaʼtsherón꞉ni ne rotitenhténion. Nónhka eniesahwístani í꞉se kiʼ senhnhá꞉tshera enwá꞉ton.

Luke 6:35

Neh kati ȣahonni iestsinonȣehak ne ietsikenronnis, ietsinoronk, ietsihni oni, nok tosa othenon saseȣarharek; koȣanen tenseȣateriȣaserakȣase, nok ethone oni enhietsinatonkȣake Niio Henekentsi sakoienhokonha; aseken rotanitenron tsinonkati ne ionkȣetaksen.

Deuteronomy 15:5

tó꞉ka entsisewawénhnaraʼkwe tánon kwáh ioriwatokénhak orihwakwé꞉kon tsi sewatenhnikónhraren tsi nahó꞉ten wakwahró꞉ri nón꞉wa wenhniserá꞉te.

Deuteronomy 28:44

Enhotiwistaiéntake naieshawístani, ók iáh ki ní꞉se tahishaiéntake naséhni. Ne tsi iehiotók꞉the ne eniesatkórasthe.