Deuteronomy 15:19 - Ohiatonhseratokénti

¹⁹ “Ákte natsiénhas ne Roiá꞉ner saʼNí꞉io ratikwékon nentewatié꞉renhte enhonnakerà꞉te ne satshenenhó꞉kons tionhnónskwarons ó꞉ni ne teiotinakarontón꞉a; tó꞉sa sehió꞉tents kí꞉ken tionónhskwarons tánon tó꞉sa ó꞉ni ne skahiáta asehnónhkaron kí꞉ken teiotinakarontón꞉a owí꞉ra.

Deuteronomy 15:19 ပူးပေါင်းရင်းမြစ်များ

Exodus 13:12

ónenk tsi entsítion ne Roiá꞉ner nenthontiérenthe enhonnahkeráhthe ne rotsiʼskenrahkète. Rahtiʼkwékon nenthontiérenthe nenhonʼnáhkerathe ne rahtítsinn kaʼtshénens Roiá꞉ner nènhʼne rahoʼtshenenhókonhs,

Exodus 13:2

“Ieʼtsihiathonʼnahéras ratikwékon ne thonahtierénton roʼnahnakeráton roʼtiskenrakète nakonhàke, asèken ne toʼnahtierenton roʼnahnakeráton ne roʼtiskenrakète ne lsareró꞉nons ó꞉ni ne toʼnahtierénton roʼnahnakeráton ne ratísinn konhtitshénens Í꞉i aká꞉wenk.”

Exodus 22:29

“Táskon tsi níststats ne sanhátsia, ne sanéka ne onenharataʼsehonhtsherákeri, tánon ne sáwenk iakeniewáhtha kènie nónen ienkáhewe. “Táskon ne entewatiérenthe enhonnákerathe ne rotiskenrakéte sehiohokónha.

Exodus 22:30

Táskon nenthewatiérenthe enhontewírahien ne satsheʼnenhó꞉kons tionónskwaron ó꞉ni né teiotinakaronhtónʼa. Seríhon tsáta nikaríwes skátke ratiterónhtat né konhwanisténʼa nenkthontiérenthe enhonnákerate ne ratítsinn, tánon ne sateʼkónhaton niwenhniserakéhaton Í꞉i tákʼtats.

Exodus 34:19

“Nentewatiérenhte raksáʼa enrenhnákerate tánon nenhtewatiérente ne rátsinn katshénen enhrenhnákerate Í꞉i akáwenk,

Leviticus 27:26

Nenhthatié꞉renhte enrenhnákeraʼte ne katshénen ónenk nènhne Roiá꞉ner rahotshénenh íken, né káti ne iáh ónhka tahónton né꞉ne ahonwanáskon tsi kwáh thóh nahiakonikonhroʼténhake tsi ahónhion. Ne tsionónskwahron owíra, teiotinakaronhtón꞉a owíra, khés ne kaiatákeras owíra Roiá꞉ner nènhne rahotshenenhókons,

Numbers 18:15

“Nenhtewatiérente nenhrenhnákerate ne raksáha khès ne katshénen NÍsraerʼró꞉non entiónhkon íse kíʼ sáwenk íken. Ók ónenk kíʼ tsi enshiéhna ne kakariáktsera nahonshakakariáhkʼtonke nenhthontiérenhte enhonhnákerate ne ratiksahokónhas, tánon ó꞉ni enshiéhna ne kakariáktsera nenhtewatiérenhte enhonnákerate ne katshénen né꞉ne kwáh sihiorihwakáion shiʼhonatkwéniens.

Numbers 18:17

Ók nenhtewatiérenhte enhonnákerate ne tsionónskwahrons, teiotinakaronhtón꞉a, tánon ne kaiatákeras iáh nènhne tahonsahonwatinaskwahnínon; kwáh nènhne Í꞉i akitshenenhókons íken tánon enhonwanateskónhten. Né rahotinekwénhsa ákta ne ietsienharakwáhke tenhonhnóhiake tánon enhontsahate ne rahonaresénhtsera né꞉ne kákhwa aorihwáke, nahónsera ne wakenikonhriʼiostákwah.

Romans 8:29

Tsi nihʼiákon ne Rawenni꞉io ónenk sakohiatarákwen tánon ó꞉ni sakokwatakwenʼni kwáh thoʼnahatiʼiatotenhake tsi ní꞉ioht ne Roiénha, neh káti neh Roiénha entakowanénke tsi nihátis nathatekénseras.

Deuteronomy 12:11

Ne Roiá꞉ner kwáh sewatenatá꞉kok tsi nón꞉we nenhará꞉ko né꞉ne tsi nón꞉we nahonwasenhnaién꞉seke, tánon thóh nón꞉we akwé꞉kon entisesewáhawe tsi nikwahró꞉ri: né꞉ne sewariwihiosehʼokónhas nahontsahaʼtónhake tánon noiáhsons ne sewariwihiosehʼokón꞉as, ne sewawístas ó꞉ni ne sewaienthó꞉tsheras, tánon ne sewatokenstánions ne tsi sewarahratstén꞉ni ne Roiá꞉ner.

Deuteronomy 12:17

Iáh thahó꞉ten ne astatʼtse ne Roiá꞉ner nahisewá꞉ke tsi nón꞉we nisewanákere: tsi ní꞉ioht ne iahisewátkaʼwe ne sewanátsas, ne sewané꞉ka ne onenharataʼsehontsherákeri, ne sewá꞉wenk kén꞉ie ne iakeniewá꞉tha, tó꞉ka ó꞉ni nentewatié꞉renhte enkonhtewí꞉raien ne sewatshenenhó꞉kons tionónhskwarons tánon ne teiotinakaronhtòn꞉a, nathatawí꞉tsheras ne tsi sewarahratstén꞉ni ne Roiá꞉ner, ne thikánionk atatawí꞉tsheras, tó꞉ka ó꞉ni ne oiáhsons natatawí꞉tsheras.

Deuteronomy 14:23

Ethò꞉ne iaʼsewáhaf noierí꞉haton ié꞉ken ne sewanátsias, nonenharaʼtasehontsherá꞉keri, tánon ne iakeniewátha kén꞉ie, tánon ne tiotierénhton ionatewì꞉raien ne tionónhskwarons, teiotinaʼkarontón꞉a, tánon ne kaiaʼtákeras, Ísewak kí꞉ken kákhwa ó꞉ni noʼwá꞉rons ne tsi nihietsiʼiawénhton ne katshénens ne nón꞉we. Ne kí꞉ken ensewarihónhnien ne tió꞉konte atsisewakweniénstake ne Roiá꞉ner sewaNí꞉io.

Deuteronomy 15:18

Tó꞉sa ki saʼnikonhrakarewáton nó꞉nen ensehtsiatkà꞉we ne ranáskwa; ethosà꞉ne iá꞉iak nihioserá꞉ke waheshahioʼténhse shatehiokarhiaktseríhen kók tsi nihonatkarià꞉se ne ratinátsheras. Tó꞉ki násere tánon ki ne Roiá꞉ner kwáh ki ne iahiataté꞉riste orihwakwé꞉kon tsi nenshá꞉tiere.

Deuteronomy 16:11

Sewatonhnarón꞉nion tsi nón꞉we nihénteron ne Roiá꞉ner, skátke ne ietsihienʼokónha, sewanatsheraó꞉kons, tánon ne levites, thihononhontsá꞉tes, tehionthonhnakárias, tánon ne ionateréhons ne sewaná꞉takons konhtiʼteróntons. Tsi ionhterenhnaientákhwa kí꞉ken thóh naʼsewá꞉ier.

Deuteronomy 16:14

Sewaʼtsenhnónhniat skátke ne ieʼtsihienʼokón꞉a, ne sewanatsheraó꞉kons, tánon ne Levites, ne thihononhontsá꞉tes, ne tehontonhnaká꞉ris, tánon ne ionateréhons ne sewaná꞉takons konhtiʼterónton.

Hebrews 12:23

Thóh nonhʼnontáse tsi nónwe ne atʼtsennonniátshera iakotiataróron né꞉ne thóh tihénton shakonakerátston ne Rawenni꞉io, ronónha ne karonhiáke tathisénnare. Ni꞉ióʼne nontáse, rahónha teshakohiatorétha nonkweʼtakwé꞉kon, tánon ne rahonatónnhets ne tionkwetaiéris ioianerén꞉en.