Deuteronomy 14:23 - Ohiatonhseratokénti

²³ Ethò꞉ne iaʼsewáhaf noierí꞉haton ié꞉ken ne sewanátsias, nonenharaʼtasehontsherá꞉keri, tánon ne iakeniewátha kén꞉ie, tánon ne tiotierénhton ionatewì꞉raien ne tionónhskwarons, teiotinaʼkarontón꞉a, tánon ne kaiaʼtákeras, Ísewak kí꞉ken kákhwa ó꞉ni noʼwá꞉rons ne tsi nihietsiʼiawénhton ne katshénens ne nón꞉we. Ne kí꞉ken ensewarihónhnien ne tió꞉konte atsisewakweniénstake ne Roiá꞉ner sewaNí꞉io.

Deuteronomy 14:23 ပူးပေါင်းရင်းမြစ်များ

Psalms 111:10

Nón꞉kwe nenhonwaʼkwénienste ne Roiá꞉ner né꞉ne tsotasawáʼkwen nahiontenikonratʼtókhaʼne; nakwékon ne thóh nenhiéhiere kwáh ioiánere tsi iakonikonhraiéntas. Kwáh kíʼ ioterihwí꞉son ne tiókonte tahonwaʼnonhweratónsheʼke.

Psalms 147:11

ók kí ne Roiá꞉ner ne rawerientiʼióstha tsi niʼiákon ronwatsánis, rononháke tsi niháti thóh nón꞉we nihotiráhre ne iorihwató꞉ken raonoronhkwáhtshera.

Psalms 2:11

Tsi sewaterihwatsterístats ne Roiá꞉ner kwáh tekarénhsaronk, atsenhnonhniatserákon tsi sewahiatítsont.

Isaiah 8:13

Ók ne Sakoiá꞉ner ne ronterí꞉ios ratironhiakerónons, rahonháha-khók tetʼkánerat tsi roiatatokénti í꞉ken; rahónha khók taiotenonhianítonke tsi atsetsaníseke,

Jeremiah 32:38

Ethóhʼne Í꞉i akonhkwetaʼshón꞉a enhónton, tánon Í꞉i ne raotiʼNí꞉io enkénhake.

Numbers 15:20

Nó꞉nen ensewanatarónhni, nenhtewatiérenhte waʼtenataronhtákwen né nonátiaʼse ionhniáton tsi enkatokénstonhke tsi entʼthónhion ne Roiá꞉ner. Tsi entkaiéston kwáh kíʼ ne sáka tsi ní꞉ioht tsi katokenstónʼne tisewaieston tsi nitsiónhni níse sewathéton.

Deuteronomy 12:11

Ne Roiá꞉ner kwáh sewatenatá꞉kok tsi nón꞉we nenhará꞉ko né꞉ne tsi nón꞉we nahonwasenhnaién꞉seke, tánon thóh nón꞉we akwé꞉kon entisesewáhawe tsi nikwahró꞉ri: né꞉ne sewariwihiosehʼokónhas nahontsahaʼtónhake tánon noiáhsons ne sewariwihiosehʼokón꞉as, ne sewawístas ó꞉ni ne sewaienthó꞉tsheras, tánon ne sewatokenstánions ne tsi sewarahratstén꞉ni ne Roiá꞉ner.

Deuteronomy 12:14

kwáh thóh kók nón꞉we tsi nón꞉we ne Roiá꞉ner nenhará꞉ko ne tsi kanakerahserá꞉ien ne énska sewenhtió꞉kwa. Tót꞉kok nón꞉we nenhietsihiateskónhtake ne sewatshenenhó꞉kons tánon ne sewateriwaténhtiat tsi nikwahró꞉ri.

Deuteronomy 4:10

tsi nihioʼtónhne ne tewenhniserá꞉teʼkwe raohénton ne Roiá꞉ner waʼtesewá꞉taʼne ne sewaNí꞉io ne tsi tionónhte ne Sinai nó꞉nen sahá꞉kenhse, ‘Ietsihiaʼtaró꞉rok nonhkweshón꞉a naʼkénton. Tewakatonhontsóni nahonaʼthontè꞉ne tsi nahó꞉ten wá꞉tien nakí꞉ron, ne ká꞉ti ne kwáh ahatiweientéʼtaʼne naionkewenhnaráhkwe kwáh tsi nikarí꞉wes enhonʼnónhneke tánon ká꞉ti kwáh ashakotirihón꞉nien ne sakotihioʼonkónhas ne thóh nónhne nahatí꞉iere.’