Deuteronomy 14:22 - Ohiatonhseratokénti

²² “Tsiónhkwe nʼIsraerʼró:nons, iatehioserá꞉ke ákthe naʼsewá꞉ien énska ne oierí꞉haton nihiorì꞉wake ne sewahétakons ensewaientwá꞉ko.

Deuteronomy 14:22 ပူးပေါင်းရင်းမြစ်များ

Genesis 28:22

Tánon kí꞉ken onén꞉ia tsi wakenen꞉iote ne ne kanawaʼahteʼ akénhake, kenh nón꞉we nenhonwahsennaientáhkhwake né Rawenni꞉io; tánon nakwe꞉kon tsi nentéhskon kwáh kíʼ orihwiioʼón꞉we noieríhaton tsi entkón꞉ion.”

Genesis 47:24

Tsi niieientwákwas ne wískhaton ié꞉ken Pharaoh ne entetshítson, tánon ne kaié꞉ri niiotatén꞉ron í꞉se kiʼ nenʼ neʼeh sewá꞉wenʼk, ne kanenhaʼshón꞉ʼa ne naonsesewaiénthoʼte tánon ne ne sewatená꞉tshera í꞉ken tánon ní꞉se ó꞉ni ne sewahwá꞉tsireʼs, tánon ne ne raonatená꞉tshera ne seienʼokón꞉ʼas.”

Genesis 47:26

Sók kiʼ ne Só꞉se wahaianerenhserón꞉ni tsi niioterihwatié꞉ren ne tsi ionhontsá꞉ien ne Egypt, tánon shé꞉kon kiʼ nikaianerenhseratátie nón꞉wa wenhniserá꞉te, nétho Pharaoh tsi aó꞉wenʼk nahaiená꞉sheke ne wískhaton nié꞉ken. Ne khók ne raononhóntsa ne ratitsihènstatsiʼs iáh nenʼ ne ʼeh Pharaoh tehoiená꞉ʼon.

Nehemiah 10:37

Tánon nenhtewatsérenhte ionkwahteshé꞉ratkenton tánon ne tionkwaiestons tánon ne kahiksón꞉has ne tsi kerí꞉tonʼs, nonenharákeris tánon ne keníes, kwáh kíʼ ienhiakwáhawe raotihénton ne ratiʼtsihénstatsis, ne tsi tkanát꞉taièn ne raonónskon nonkwáh Ní꞉io tánon tsi niwát꞉karhiaks nonhóntsa ne raotirí꞉wake ne Levites, asè꞉ken Levites ronón꞉ha ratiró꞉rokskwe akwé꞉kon tsi nihiót꞉wistonhnihon ne kanatowá꞉nens nonkwahientótsheras.

Nehemiah 10:38

Tánon ne ratiʼtsihénstatsis ne sakoioʼokón꞉ʼahs ne Aaron kwáh kíʼ ne eh enhatikwé꞉konhake ne Levites nónen ne Levites enhattiwistarohró꞉ke; tánon ne Levites kwáh kíʼenthatihawe nowistas tsi rononshó꞉te nonkwáh Ní꞉io thóh tsi ionát꞉tahien ne tsi iewistaièn꞉tahkwah.

Malachi 3:10

Tasewáhahf niakahwistaié꞉rike kanónhskon nononhsatokenhtiʼkowáhne, ne ká꞉ti nakakhwaièn꞉take nakenónhskon, tánon kwáh kiʼ takatenniéhten, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs; satkáhtho tókaʼ kenh iáh thakenenhstonkwahnhotonkwenhá꞉ton ne karonhiá꞉ke ní꞉se sewarihwá꞉ke tánon naontakoniawerón꞉hahse aontawenhrátsheke ne kaiaʼtateríhtshera.

Numbers 15:20

Nó꞉nen ensewanatarónhni, nenhtewatiérenhte waʼtenataronhtákwen né nonátiaʼse ionhniáton tsi enkatokénstonhke tsi entʼthónhion ne Roiá꞉ner. Tsi entkaiéston kwáh kíʼ ne sáka tsi ní꞉ioht tsi katokenstónʼne tisewaieston tsi nitsiónhni níse sewathéton.

Numbers 18:21

Ne Roiá꞉ner wahénron, “Tekhehiáwi ne Levites akwékon tsi nihatikáriaks NʼIsraerʼró꞉nons ne tsionhkáwi. Né kí꞉ken ronatkariakténhni tsi nihotihióte tsi nihatinikónhrare natóhsera tsi nónhwe nikíteron.

Numbers 18:31

Í꞉se tánon ne sawátsires enwáton ne kwáhʼtsik nonhwéhson nahísewake ne iotaterons, tsioríhwa tsi né꞉ne shakariáktsheras tsi sahioténhen natohsehrákons.

Deuteronomy 12:17

Iáh thahó꞉ten ne astatʼtse ne Roiá꞉ner nahisewá꞉ke tsi nón꞉we nisewanákere: tsi ní꞉ioht ne iahisewátkaʼwe ne sewanátsas, ne sewané꞉ka ne onenharataʼsehontsherákeri, ne sewá꞉wenk kén꞉ie ne iakeniewá꞉tha, tó꞉ka ó꞉ni nentewatié꞉renhte enkonhtewí꞉raien ne sewatshenenhó꞉kons tionónhskwarons tánon ne teiotinakaronhtòn꞉a, nathatawí꞉tsheras ne tsi sewarahratstén꞉ni ne Roiá꞉ner, ne thikánionk atatawí꞉tsheras, tó꞉ka ó꞉ni ne oiáhsons natatawí꞉tsheras.

Deuteronomy 12:6

Thó꞉nonhwe niensewátkaʼwe ne kariwihiosehʼokón꞉as né꞉ne ahontsahathónhake ó꞉ni noiáhsons sewáwenk ne kariwihiosehokón꞉as, sewawístas tánon ne sewaienʼtóhseras, nahtatawí꞉tsheras ne tsiararatstén꞉ni ne Roiá꞉ner, tánon ne kwáh tsi nitesenónhwes niasátkaʼwe, tánon nentewatiérenhte enhontewì꞉raien ne tionónhskwaron ó꞉ni ne teiotinakaronhtòn꞉a.