Deuteronomy 13:8 - Ohiatonhseratokénti

⁸ Ók tó꞉sa ieʼtsirí꞉hon ónhka tsi nihá꞉ti naiesaʼnikonhrá꞉reke; tó꞉sa ó꞉ni shé꞉kon nek kók naieʼtsihiatahónsatate. Kwáh tó꞉sa othé꞉nen ietsinaʼtónhas nataniténron tó꞉ka ó꞉ni ne taieʼtsihiaró꞉ton, tó꞉sa othé꞉nen taieʼtshí꞉ne.

Deuteronomy 13:8 ပူးပေါင်းရင်းမြစ်များ

Exodus 20:3

“Tó꞉sa ónhka né niʼiohokónha sewashén꞉naien nek Ní꞉i.

Proverbs 1:10

Konién꞉ʼa, nó꞉nen ne rotirihwanerenʼákskon enhonteʼnién꞉ten naiesaʼnikonhrotá꞉ko tóhsa sathón꞉tat.

Ezekiel 5:11

“Tsi nihioriwihiohónwe tsi kónnhe, ráton ne Ronhnontiio Roiá꞉ner, Kwáh tohʼkénʼen tsi enkonhiák꞉se. Iáh othènen thakonhienésten nataniténron tioríhwa tsi naʼtesenhtsiónston Nakenonsatokentiʼkówa tsi nishatieráhnion ne kariwahétkens, tánon ne iáh tehiotkwéniens.

Deuteronomy 13:7

Otià꞉kes enieʼtsinikonhrà꞉reke naieʼtsishén꞉naien ne rahotinihioʼokón꞉as nonhkweshón꞉as ne aktatieʼsón꞉as ratinákeres tó꞉ka ó꞉ni ahinónhson nón꞉we tatinakerénion.

Deuteronomy 19:13

Nataniténron iáh taiesanatónhase. Sasesenhnaserón꞉ni nonhkweshón꞉a ne Israerʼró꞉nonke ne iáh othé꞉nen tehiakoní꞉kon tsi hionhthatenonhwarià꞉kon, ne káti nahónton orihwakwé꞉kon ahishaianerásten.

Deuteronomy 28:64

“Ne Roiá꞉ner kwáh tenhtsisewaréniate tsi ienakerénion nonhkweshón꞉as, ne tsi iehiotonhontioktaníhons, tánon tho nón꞉we nenieʼtsiió꞉tenhse ne nihiohokón꞉as né꞉ne oiénte tánon onénhia ionhniátons, né꞉ne nihiohokón꞉as ní꞉se tánon ne ietsisoʼthonkonhkén꞉en iáh nonhwénton tethiʼtsishén꞉naien.

Deuteronomy 32:17

Ne wakonhwanateskónthase ne nihiohokón꞉as ne iáh othé꞉nen tekonhnónhne, oniiosehráses ne shakotisoʼthonkonhkén꞉en iáh nonhwénton tethatiienté꞉rihne, né꞉ne nihiohokón꞉as ne Israerʼró꞉nons iáh nonhwénton tekonhwatiwenhnarákwen.

Deuteronomy 7:16

Ieʼtsihiátont ratikwé꞉kon ne niatehononhontsá꞉kes ne sewashatstenhserá꞉kon nónhwe ne Roiá꞉ner nenshakotʼkà꞉we, tánon tó꞉sa othé꞉nen ietshinaʼtónhas nataniténron. Tó꞉sa ietshisén꞉naien ne rahotiní꞉ios, asè꞉ken ne ensewáriote.

Deuteronomy 7:2

Nó꞉nen ne Roiá꞉ner saNí꞉io sashatstenhserá꞉kon nón꞉we nenhsakotkà꞉we kí꞉ken onhkweshón꞉a tánon ensheʼsén꞉ni, ó꞉nenk tsi ratikwé꞉kon ensenonhwarià꞉kon. Akwáh tó꞉sa thé꞉nen iatesewateriʼwá꞉iest ne ronónha tó꞉sa ó꞉ni thé꞉nen ietsinaʼtónhas nataniʼténron.

1 Sawátis 5:21

Kwaienokónhas, ietʼtsinikónrarak ne rothitokensetseráksens.

Judges 10:6

Shé꞉kon kíʼ á꞉re nʼIsraerʼró꞉nons sahatirihwánerake tsi nòkwah ne Roiá꞉ner tsi konwatisénhnaiens ne Baal tánon ne Astartes, kwáh satehioiánere tsi ní꞉ioht tsi konhwatisénhnaiens ne Syria ahoniʼiohokónhas, ne Sidon, ne Moab, ne Ammon, ne Philistia. Wahonwatiathonhthákwahse ne Roiá꞉ner tanon wahóntkaʼwe tsi ronhwasénhnaiens.