Deuteronomy 13:6 - Ohiatonhseratokénti

⁶ “Iekaní꞉hare ne sewathatekenʼokón꞉as tó꞉ka ó꞉ni ne sewanekenʼterasónhas tó꞉ka ó꞉ni ne sewahiataseʼtserasónhas tó꞉ka ó꞉ni kwáh ákta sewatenroʼsónhas otsohónskwakon tsi aieʼtsinikonhrà꞉reke ne ahisewashén꞉naien ne tikanihioserá꞉tes, né꞉ne nihioʼó꞉kons ní꞉se tánon ne ietsisoʼthonkonhkén꞉en iáh nonhwén꞉ton thetisewashén꞉naien.

Deuteronomy 13:6 ပူးပေါင်းရင်းမြစ်များ

Genesis 16:5

Eʼthó꞉ne ne Sarai sahawènhahse ne Abram, “Tiorí꞉wa tsi niwahétken tsi nonkatié꞉rase í꞉se kíʼ entsisà꞉raʼne! Í꞉i iekát꞉kawenh nakehnhá꞉tshera né senentshà꞉ke né꞉ne tahsahrhó꞉ton, tánon shaʼkarihwatshén꞉ri tsi iowiraientá꞉sere, waʼtewakatkenʼhkerènhthen. Aiá꞉wens ne Roiá꞉ner ahshonkenirihwènhten ónhka ne teteniiáhse tieié꞉rits; í꞉se káton í꞉ʼi!”

2 Samuel 1:26

Wakenikonráksens ne sarihwáke, tiaʼtatèken Jonathan; kanoronkwahtserowánen kén ne ní꞉se nakerihwáke; ne sanoronhkwáhtsera tsi nòkwah ní꞉i tsi niʼionerakwátonne, sén꞉ha isiʼnónwe nikènʼne tsi ní꞉ioht ne konnón꞉kwe.

1 Kings 18:40

Né Elijah wahathénhnaʼne, “Ietsiʼiéna ne rothithó꞉kense ne Baal; tó꞉sa ónhka ietsiríhon nahonsahonthèko!” Nónhkweshón꞉as rathikwékon wahonwatiʼiéna, tánon ne Elijah iashakosárihne tsitʼkahionhathátse ne Kishon tánon washakononhwarhiákon.

2 Kings 11:18

Ethòne ó꞉nen nonkweʼshón꞉as ononsatokentiʼkówaʼne ne Baal niaʼónhne tánon waʼhatiratiónhko ne rahonatʼtserónhniat; wathaʼtirihtánion ne ietsenharákwahs tánon ne kahiatonhnisónhas, tánon waʼonwanonwarhiákon ne Mattan, thóh ohénton ne ietsenharákwahke, né raʼotsihénstatsi kènhne ne Baal. Jehoiada ratinikòn꞉rare wasakóteron nononhsatokentí꞉ke,

2 Chronicles 15:13

Ónhka ne kentnahontaiakóhionke khés naiakoksténhake, roskenrahkéte khés ne tiakokthonwísen akénhake, né iáh tahonwasénhnaien tsi enhiahé꞉heiate.

2 Chronicles 23:17

Ethòne ó꞉nen kwáh ratikwé꞉kon iahónhne nononsatokentiʼkówaʼne ne Baal tánon wahatinonsaríhsi. Waʼthatirihthánion ne ietsienharáhkwas ó꞉ni ne kahiatonhnisónhas né nón꞉we tánon wahonwanonwarhiákon thóh ohén꞉ton ietsienharáhkwahke ne Mattan, né꞉ne rahotsihensthatsikénʼen kénʼne ne Baal.

Job Tánon ne Raoronhiakensera 31:27

tánon nakwé꞉riane kwáh ataséhtonke watkonwaʼnikonhrakén꞉ni, tánon ne tsitʼsaká꞉ronhte watkanoronhkwáhnion katiá꞉nake;

Exodus 13:3

Ne Mahís wasakawénhaʼse nonhkweshón꞉á, “Sewehiá꞉rak kí꞉ken nonhwaʼwenhniserà꞉te—tsi né wenhniserá꞉teʼkwe sehsewaʼhiákenʼne ne Egypt, tsi nónhwe niʼietʼtshiʼnaskhónhnisʼkwe. Né kíʼ wenhniserá꞉teʼkwe ne Roiá꞉ner wàʼrasthe ne rahoʼshatsʼtenseroʼwanáhtshera tsi thontatsiʼsewahiaʼtínekenhwe. Iáh ne iosherhátʼken kanátaro thaʼtahionskáhonʼkwe.

Exodus 32:27

tánon washaʼkawénhase, “Ne Roiá꞉ner SakoʼNí꞉io nʼIsraerʼró꞉nonhs wahaténhnhane tsi sewaiatátshon sewataʼsharenha꞉wa tanon iaʼtesótkaf ne ronatatóhseroten kén iewatásawen ne iotenhenrakáronte tsi nióre óia óni ietshinonwariákohn ne sewatateʼkenʼokónas, sewateroserashóna tánon tesewanonhsanekhánion.”

Proverbs 18:24

Ótiaʼke natenró꞉sera iáh shaʼtékena té꞉ken, ótiaʼke natenró꞉sera ísiʼ nón꞉we tsi rotirihwató꞉ken tsi ní꞉ioht ne rontateʼkenʼokón꞉ʼa.

Proverbs 5:20

Konién꞉ʼa oh niiontié꞉ren nakó꞉ren iakón꞉kwe aontahshé꞉ion sanoronhkhwáhtshera? Oh niiontié꞉ren tsi ne sénha ahserá꞉ko ne ieieronʼtí꞉io nakó꞉ren ró꞉ne?

Jeremiah 28:15

Ethóhʼne wahiró꞉ri kí꞉ken ne Hananiah, tánon iahátiesʼte, “Satahónsahtat, Hananiah! Ne Roiá꞉ner iáh tiehiató꞉rion, tánon wasehʼhiónnien kí꞉ken onhkweshón꞉a nahonthaiakéthaʼkwe noʼnhówenh.

Jeremiah 28:16

Tánon káti ne Roiá꞉ner ráton tsi ahéren enhiaiatenháwiʼthe. Nohénton ne iahonthosehró꞉ten kíʼ iosehráhthe enshíheʼie tsioríhwa tsi waʼtshióʼtatʼtshe ne Roiá꞉ner.”

Jeremiah 44:3

tsioríhwah nahonkwetahshón꞉a kariwáksen tsi nihonahtiérenh tánon wahonkenhakónhni. Wakonhwahtíʼtatʼtse ne kaienhkwaráhkon ne ó꞉ia niʼiohokónha tánon wahkonhwatisénhnaien ne ne ronhnónha tánon níse tánon ne ietʼtsisotthonkonhkénʼen iáh nonhwénhton tehʼietʼtsisénhnahien.

Zechariah 13:3

Thó꞉ka ónhka shé꞉kon iahiakohkontáhkwen iarihwawahkénhseke, kwáh ronhwaiénha enhowahró꞉ri ó꞉nenhk tsi enrénheie, tiorì꞉wa tsi tawenhthakwénhne tsi ratró꞉riskwe ne Roiá꞉ner raowenhnahó꞉kons, ók kek ranhowénhthakwe. Nó꞉nenh ienhariwáhken, kwáh ronhwahiénha enhonwáhase.

2 Corinthians 5:16

Kwáh í꞉ken tsi iakwatateʼnikòn꞉rare ne tóhsa taiakhiiaʼtó꞉rehte nonkweʼshón꞉ʼa onʼnhahonnon꞉notenhake, thosane ieioteratston thoʼní꞉ioht tsi tetshitewaiaʼtoré꞉ton ne Kerístos.

Galatians 2:4

iawerohátsien tsi ótsiake éhtho ní꞉ioht tsi tehonathonwentió꞉nine. Akénhake thoʼnetákwen, kí꞉ken ronnónkwe wahonkhihiatsiathóʼroksʼse tsi kwáh nek khók nahonteriwathóʼrathe, nehne ahathiriwatʼtsénri tsi nòkwa naʼtatewennihiótsera tsi natehionkwateriwashóntere rahonháke ne Kerístos Ié꞉sos. Neh tehonathonwentió꞉nine nahionkhinaskónnike,

Ephesians 4:14

Etʼthó꞉ne ónen iáh ieksáha tahonsahionkwatenathónkwen, neh ahionkwahiatenhawíson tsi ionontakwaronthónties tánon tsi níkon neh tahonsakawerakarathéni sók áreh ne iahionkwaiaténhawe neh tsi niʼietʼthirihonniénnis ne rathinikonrátha, tsi wasakothihéntense nakorénsons neh netahonterientawenrhéstakwe tsi nahoténsons rothisahánion

Deuteronomy 11:32

iorihwihióhak tsi sewatewénhnarak akwé꞉kon ne kaianerénhseras né꞉tho tkwawì꞉re nón꞉wa wenhniserá꞉te.

Deuteronomy 13:2

Ne nahónton naieʼtsihéntenhse nahisewaterén꞉naien tánon ne taieʼtsiriwásniese noiáhsons nihioʼokón꞉as né꞉ne iáh nonwénton tetisewashén꞉naien. Iawerohatiénhak tsi nahó꞉ten ronarahrátston tsi é꞉tho nenhiáwenhne,

Deuteronomy 13:7

Otià꞉kes enieʼtsinikonhrà꞉reke naieʼtsishén꞉naien ne rahotinihioʼokón꞉as nonhkweshón꞉as ne aktatieʼsón꞉as ratinákeres tó꞉ka ó꞉ni ahinónhson nón꞉we tatinakerénion.

Deuteronomy 17:12

Nón꞉ka naiénre ne tó꞉sa ahiontewénhnaraʼkwe ó꞉ni tsi nokwáh ne ratiriwénhthas tó꞉ka ó꞉ni ne rotikhá꞉res ne thóh rotihiò꞉te kwáh enhonwatinonhwarià꞉kon; thóh ki ní꞉ioht tsi é꞉ren ensewaháwithe ne kariwahétken ne Israerʼró꞉nonhke.

Deuteronomy 18:20

Ók nónhka ne rotokéhnse ná꞉rehreke aksén꞉nakon tsi ahateriwanó꞉ten nó꞉nen iáh tehiró꞉ri ne thóh nahá꞉iere, káti ó꞉nenk tsi enrenhé꞉iate, tánon káti ó꞉ni thóh nónhne nenhoià꞉tawen nónhka ne rotokénhse ahotisén꞉nakon ne ó꞉ia nihioʼokón꞉as tsi ahatá꞉ti.’

Deuteronomy 19:19

kwáh tonenhshié꞉na ne karewatà꞉tshera tsi nahoiená꞉onke ne ronhwarihwároskwe. Thóh ki ní꞉ioht ne sewentióhkwa tsi é꞉ren enhsewahá꞉wite ne karihwahétken.

Deuteronomy 21:21

Ethò꞉ne ne rotikstenhokónhas ne ratinatakonró꞉nons enhonwanenhióhiaʼke tsi nió꞉re iatenhatikón꞉ten, tánon ne káti nahisewathonse ne kariwahétken. Onhkweʼtakwé꞉kon ne Israerʼró꞉nonke enhieriwà꞉ronke tánon enhiakoterón꞉ne.

Deuteronomy 22:21

ethò꞉ne ki ienhshakotihiaʼténhawe tsi hiehiontawehiaʼtákhwa ne ronhwaʼní꞉ha tsi ronónhsote, thóh nón꞉we ne rotikstenhokónhas ne akoná꞉takon enhshakotinenhióhiaʼke tsi nió꞉re iaʼtenhatikónhten. Wahtehenhsehrowá꞉nen tsi nahéiere tsi nokwáh nontionhkweʼtashón꞉as tsi iakotenonwarohríston nohénton wahakonià꞉ke, tsi shé꞉kon ronhwaʼní꞉ha rahonónhskon hieʼterón꞉taʼkwe. Thóh ki ní꞉ioht tsi étren enhsewahá꞉wite ne karihwahetkénhsera.

Deuteronomy 24:7

“Tó꞉ka ónhkak tsi nítsion ne thaieʼtsihiatákwen ne Israerʼró꞉nons tánon naieʼtsihiatenaskonhniáthe tó꞉ka ó꞉ni iahonsaieʼtsihiatenhní꞉non nahonwatinaskonhniáthe, ó꞉nenk tsi eniesanonwarià꞉kon. Thóh ki neniá꞉wenhne ne sewentiókwa tsi étren énwete ne kariwahetkénhsera.

Deuteronomy 28:54

Iekaníhare ne kwáh rothonkwetatkwéniens ó꞉ni thoriwaié꞉ri tsi ní꞉ioht tsi rawenhnakerá꞉ton tho nió꞉re tsi enhaʼnikonhrókten tsi nikarì꞉wes tehonwatiná꞉thanen kwáh otià꞉ke ne sakohioʼokón꞉as enshakowárake tiorì꞉wa tsi iáh thahó꞉ten teshokhwáien. Akwé꞉kon iáh tahahohétsthase ne iathateʼkénha tó꞉ka ó꞉ni ne kwáh sakonorónhkwa ró꞉ne tó꞉ka ó꞉ni tsi nihá꞉ti iateshonathaténron ne sakohioʼokón꞉a.

Deuteronomy 29:18

Iorihwihió꞉hak iáh ónhka ne rónhkwe tó꞉ka ó꞉ni ne iakónhkwe, kahwá꞉tsire, tó꞉ka ó꞉ni ne kentióhkwa ne kén꞉en rónhnete nón꞉wa wenhniserá꞉te nahonsahonwatkaraté꞉ni ne Roiá꞉ner Onhkwaní꞉io né꞉ne ahonshakonhwatiʼshén꞉naien nakorénhsons rahotinihioʼokón꞉as. Ne ki thóh nenhiá꞉wenhne tsi ní꞉ioht nó꞉tera ne tkánios tsi natehioterahiótsis ó꞉ni ne iakorhiótha iohnióte.

Deuteronomy 8:14

ioriwihióhak ne tó꞉sa ahshená꞉ieʼne tánon ahtiataʼnikónhren ne Roiá꞉ner saNí꞉io tsi raónha shianiakénton ne Egypt nón꞉we, tsi nón꞉we tsesanaskón꞉niskwe.

Colossians 2:4

Wahkonró꞉ri, káti, thósa ónhka sherí꞉hon naiesanikonráten ne onó꞉wen tahkariwakenáston, iáh tewasterístha tóh naontaiohianérehke.

Joshua 7:13

Téstann! Shasehionnhaserón꞉ni nonhkweshón꞉ʼas tánon sehieweienhnéntan naʼkhénton nahontahónhne. Sheró꞉ri nahonathateweienhnentàhon nenhiorénhne, tiorì꞉wa tsi Í꞉i ne Watiá꞉ner Khení꞉io ne Israerá꞉ke, ken nahó꞉ten wá꞉tsien nakíron: ‘Israerʼró꞉nons sewatienawáston tsi nahoʼténhsons kwahró꞉ri ne ahisewarihwà꞉tonhte! Iáh thahisewakwé꞉ni nahisewaterí꞉io ne tesewataʼtsions tsítkwah akwé꞉kon étren entsisewaháwithe thinahorihoʼténhsons!’

2 Tiér 2:1

Ronteriwanotatsherátsens wahonthotashiónko nonkwé꞉ne tsi nitsawénon, tánon kwá ne sáka tsi enhonthotashiónko ne rohtinówens sakotirihonniénʼnis ne sewentiókwakon. Ne kíʼ enkaionte naisewakarónniathe, nonówen ateriwanothátsheras, tánon enhonwatonníhase ne Kerístos tsi nikáien sehsakoniakénton, tánon kíʼ kwá ienhontátkwase tahontaiawénstsi ahonníheie.

Revelation 12:9

Ne rakowá꞉nen rononwarontsétha tahonwaiathénte, né꞉tho oniarasthénha, raónha ne ronwanaʼtónhkwa ranikonratʼsen tánon notkonseráksen, ne sakonhowenhténhnis nohontsakwékon—ne raónha ohontsáke tonwahiatónhtion, tánon ne raoronhiakeró꞉nons tonwatiiatónhtion skátne ne raónha.

Revelation 13:14

tánon tsi nontenestánion né꞉tho kwáh Níio wahorí꞉hon ne ahateriwathéntiate ne raorihwà꞉ke ne thotierénton katsinoniowá꞉ne, washakonikonrataniónhase ne ienakeréhnion tsi ionwenhtsá꞉te, sakororánions nahonwatsiá꞉tonhniserónhnien ne katsinoniowá꞉nen né꞉ne rókʼkarehwathákwen nasarehkó꞉wa tánon kíʼ shrón꞉nhe;

Revelation 20:3

tánon thóh iahohiatónhti tsi iosonwaká꞉ronhte, tánon wahasonwanhó꞉ton tánon kwáh í꞉ken tsi wahariwanirá꞉te tsi nahonhoton, ne káti ne tó꞉sa shé꞉kon ahonshasakonikonráten ne ronnonhontsakeró꞉nons, tsi nió꞉re ienwatokʼten ne enkáka tewenhniawehetseráhsen niioserá꞉ke. Eʼthó꞉ne ón꞉nen enshonwakʼkawe kenh nikariwésa.

Judges 10:6

Shé꞉kon kíʼ á꞉re nʼIsraerʼró꞉nons sahatirihwánerake tsi nòkwah ne Roiá꞉ner tsi konwatisénhnaiens ne Baal tánon ne Astartes, kwáh satehioiánere tsi ní꞉ioht tsi konhwatisénhnaiens ne Syria ahoniʼiohokónhas, ne Sidon, ne Moab, ne Ammon, ne Philistia. Wahonwatiathonhthákwahse ne Roiá꞉ner tanon wahóntkaʼwe tsi ronhwasénhnaiens.

Judges 2:13

Wahóntkaʼwe tsi ronhwasénhnaiens ne Roiá꞉ner tánon né sakonwahiótenhse ne Baals ó꞉ni ne Astartes.

Judges 20:13

Ónenh kíʼ ietsihiatsakwahríhsi thí꞉kens tehotinikonhrátsons ne Gibeah, né káti nahónton nahiakinonhwariakhón꞉nion tánon éhren ahiakwaháwiʼthe kí꞉ken karihwahétʼkens ne Israerró꞉nonhke.” Ók kíʼ nonhkweshón꞉as ne Benjamin kwáh iáh othènen tehonwanathahonsatháton ne ronátsakes nʼIsraerʼró꞉nons.

Judges 5:8

Ethòne onhteriʼiosehraiénthaʼne tsi ionhontsáien né nó꞉nen Israerʼró꞉nons sonhsahonhthaterákwaʼse ase niʼiohokónhas. Né kaiéri niwenhniawehetserásen niháti ronónhkwe Nisraerró꞉nonhke, ónhka onhtèken ahiakokʼkhetaton ne tehioniatástha khés ne asíkwahra?

1 Samuel 18:1

Nó꞉nen ne Táwit saharihókten tsi tehothitháhrakwe ne Saul, ne tsi rónnhe ne Jonathan watʼtsiátʼnerenhke ne tsi rónnhe ne Táwit, tánon ne Jonathan wahonóronhkwe kwáh tsi ní꞉ioht ne rahón꞉ha tsi nirónnhe.

1 Samuel 18:3

Eʼthóhʼne ne Jonathan wahiatsaʼnerenhserónhni ne Táwit, tsioríhwa tsi nihonorónhkwah kwáh tsi ní꞉ioht tsi rónnhe ne raónha.

1 Samuel 20:17

Ne Jonathan wahahónhnien ne Táwit nahariwanírate shé꞉kon ne raonoronkwáhtshera tsi nòkwah ne raón꞉ha; asèken ronorón꞉kwah tsi kiʼ ne nihanorón꞉kwah tsi nirónnhe.